Day 1：壹方城→塘朗城→卓悅中心→皇庭廣場
今次北上帶埋阿媽去，因為有重要任務在身。
同阿媽講左好耐都唔肯跟我去深圳玩，因為佢仍停留幾十年前，佢話好危險。
我趁今次陪阿媽回鄉食荔枝，所以抽第一日帶佢去深圳玩，然後就向東莞出發。
早上8:30約左阿媽係沙田火車站等，估唔到我早過佢到，係入閘入等佢。
我係酒店係地鐵會展中心站E出口見要搬樓梯，所以轉右手邊用扶手電梯。
咁就去左另一間酒店〝香樟公寓〞，所以只要跟住相就去到〝香樟酒店〞。
酒店位於住宅和口商廈中。
香樟酒店（深圳福田會展中心店）
地址：金田路金中環商務大廈B座07層715，福田區，深圳，518026
酒店門口雖細，而且得一層，房又唔多，但職員服務好好。
一開房門見到好滿意，2張單人床都好大張。
我訂的房型係4人房，2張單人床，一張雙人床，電視機旁有對門推開就係另一間房。
今次唔記得帶轉插，走去酒店前台問下，好在搵到2個，唔係就大鑊。
我係淘寶訂左個行李箱直接送去酒店，去到酒店就可以立即用，仲送埋個透明膠套，雖然薄，都好過冇。
我地住走廊最後果間，仲有度門可以出去，左手邊就係假的竹林景，就是房望出去的地方。
轉右手邊就係一間素食餐廳，行過去沿路都好清雅。
安頓好一切就出發去搵食，小王子見到話要影相，酒店樓下就有麥當勞。
第一站去壹方城，商場連接商場落雨都不用怕。
壹方城
地址：新安街新湖路9號 (地鐵寶安中心站F出口)
我想食甜甜圈，這間只有這裡有，。
我同阿媽每人一個，阿媽食得好開心，仲讚話好食過A1，又平~哼！
開心果芝士甜甜圈 ¥20
芋泥椰奶凍甜甜圈 ¥16
高圈圈甜甜圈
營業時間：1000 - 2200
地址：壹方城購物中心B2層B2-071D號(近寶安中心地鐵站F出口)
小王子鍾意芒果，所以佢揀左〝芒芒果海~¥20〞，唔太甜又有糯米食，我鍾意。
我是酸奶君
營業時間：1000 - 2100
地址：壹方中心B2層073A號商鋪
之前都已經想試呢間，今次帶埋阿媽來試，間野係阿嬤手作隔離。
我問店員部隊鍋可唔可以不辣，他說不可，全店食物是辣的，除了幾款是不辣。
我轉身走，在店外問左小王子，佢話試下部隊鍋，辣就食飯團。
坐低就有前菜，泡菜和菇，菇好香麻油味，2樣都好食。
JOLIE‧HOUSE·‧茱小姐
營業時間：1100 - 1430；1700 - 2130 (Mon - Fri)、1100 - 14030 ; 1600 - 2130(Sat, Sun)
地址：壹方城購物中心北區負1層B1-035號商舖
我係美團點左2人餐只需¥238.88，3個大人都吃不晒。
Jolie飯團 ¥32：自己用手套抓，味道沒什麼特別。
海鮮煎餅 ¥52：如果邊是脆的會更加好食。
部隊火鍋 ¥178：阿媽和小王子都話辣，當然我和老公就唔覺喇！
有專人幫你整，到你食到咁上下會過來幫你煮麵。
食飽就係放電，這是常識吧！
阿媽和小王子玩唔同既機，估唔到阿婆更勝一籌ZZ票多過小王子。
後來小王子都玩阿媽果款機，阿媽仲教小王子玩添！
星際傳奇
營業時間：周一-周四、周日 10:00 - 22:00、周五-周六 10:00 - 22:30
地址：壹方城購物中心北區3層006
之前見有網友介紹深圳outlet有Nike，但老公話唔去，佢話唔比香港平。
今次見到介紹另一個outlet係塘朗城，又係有老公最愛的Nike，唔知點解呢個佢話去。
塘朗城係塘朗站出，有天橋連接，不過天橋唔係密風，如大雨會撇雨。
塘朗站去塘朗城地鐵有2個出口，一個係A出口，另一個係B出口，睇下你想去邊間店而決定。
NIKE深圳塘朗换季优惠店
地址：塘朗城廣場 (西區)商業411 -412 (L111-L112) (地鐵塘朗站A出口)
Nike店內本身有折，我買左4件以上再多55折，買2件都再有折，但唔記得幾多。
小王子一見到就話要買鞋，所以小王子與阿婆每人一對。
我就買左2件衫，而老公就買左一件。
本來去〝可頌坊〞買早餐，點知老公話對面有〝象山酥院〞，立即轉場。
咁啱有試食，試完小王子要買〝QQ麻薯〞，買左半盒。
我就當然揀〝拿破侖〞，老公和阿媽就要左〝丹麥號角〞，上次食過好食，2條¥15。
象山酥院
營業時間：1000 - 2200
地址：塘朗城广场西区商业322号 (地鐵塘朗站B口)
阿媽今早去左一個商場已經話行左好多路，所以回酒店，放低小王子和阿媽就再出發，行完回來接佢地食晚餐。
今次小王子見到，仲要照抄麥當勞叔叔的pose。
回酒店前係樓下麥當勞買左2杯雪糕，係蜜瓜味香港沒有的，雪糕上面係做到蜜瓜樣的啫喱。
我同老公拍拖行街街，上次發現行呢條路可以好快去到〝卓悅中心〞。
你係連成天地地下街3號出口，一直行到尾就會見到〝Ole精品超市〞，這超市位於〝卓悅中心〞西區B1層。
去〝Ole精品超市〞途中見到〝瑞幸咖啡〞，當然要飲杯喇！
厚乳拿鐵 (¥14.5)：呢杯麻麻，喜歡之前果杯，次次都好多冰，成半杯冰，飲幾啖就冇。
做緊待特價，所以有coupon都用唔到。
瑞幸咖啡
營業時間：0700 - 2100
地址：皇庭中心店負一層19A商鋪 (會展中心A1出口)
這間位於〝鮑師傅〞果層，成日都想入去行下，次次都唔夠時間，今次可以慢慢行。
X-11
營業時間：1000 - 2200
地址：卓悅中心北區
沒有留言:
發佈留言