可樂棉花糖 (內附食譜)

於這幾日天氣不好肩頸痛很少上網，所以在上星期整過青檸棉花糖、菠蘿椰林棉花糖後，再整〝可樂棉花糖〞到今日才放上Blog。

吸取之前的經驗，所以我今次用的份量都加多左，以下是我用原食譜1/3的份量&自行更過的食譜份量。 

各人試過〝可樂棉花糖〞都不太喜歡，味道&甜味都足夠，可是食起來有一點怪怪的。

媽媽吃過覺得有點像〝話梅〞味，她&娣婦都比較愛吃之前的味道，肥細老都覺有點怪，唔似可樂味似〝話梅糖〞的味道，所以我冇比老公試，因為佢實接受唔到。

我諗不可以可樂味來做棉花糖。  

可樂棉花糖

食譜來自：http://hk.myblog.yahoo.com/jw!e4FTxkCfHxiNryF7_X3Kboo-/article?mid=161&fid=18

材料： 

蛋白                        1隻

幼糖 (Caster Sugar)    2茶匙

飲用水                               半杯

熱水                                   半杯

魚膠粉                               五茶匙

可樂味啫喱粉                45克

椰絲                                 適量 

做法：

1.         將蛋白打至企身，待用。 

2.         荔枝味喱粉﹑魚膠粉﹑糖﹑半杯熱水攪勻，再加半杯飲用水。攪勻後，加入蛋白拌勻，再用打蛋器打至企身。 

3.         將溶液倒在盆器中，放在雪櫃，食時取出切塊，洒上椰絲即成。 

 

青檸棉花糖、菠蘿椰林棉花糖

 首先我要〝多謝老公〞  先，因為尋晚老公放工咁攰都幫我湊阿B又陪阿B睡，我才可以整到我喜愛的〝棉花糖〞。

尋晚要整蛋黃汁〝玉子豆腐〞做餸，咁D蛋白點算好呢？呀！不如整〝棉花糖〞，還掂有4盒啫喱粉買左好耐都未用，點知一睇有2盒食用日期最後今日，有一盒過2日到期，另一盒就出年3月，所以我會係一、二日內再整多一次棉花糖。 

入雪櫃前~上面2幅係〝菠蘿椰林味〞、下面2幅係〝青檸味〞2種味、6杯啫喱、任君選擇。   

於是我就做左〝  青檸棉花糖、菠蘿椰林棉花糖〞，我只用左食譜1/3的份量做，有剩的啫喱粉我做左6杯啫，每一種味各3杯。因為上次整荔枝味有很多人都覺得酸，所以整青檸味時加多了1/2茶匙糖。大家食過後都有不同意見。

 我：味道淡左D、內部結構比較鬆，冇出面的那麼實。 

老公：青檸棉花糖好酸  ，而菠蘿椰林味比較好。 

肥仔：椰絲多左D味道淡了一些。

娣婦：味道剛好，比較適合佢自己，但內部結構比較鬆。  

 棉花糖與啫喱的製成品   

 

〝青檸棉花糖〞比〝蘿椰林棉花糖〞結構實，因為我做菠蘿椰林味先，在整完後我倒入個盒內，但發現比較麻煩，所以我做青檸味時打完蛋白就倒入盒內，再加埋其他材料繼續打，於是就有2種口感，不過整體黎講都係鬆。

 

 

我預備送比小朋友吃的。

D.I.Y. ※經典聖安娜蛋撻 、蛋糕仔 (內附食譜)

蛋撻與蛋糕仔合照     

星期日真係好熱 ，今次係朋友聚會中，我做了 蛋撻與蛋糕仔，而蛋撻係我第一次整，當時真係好緊張，好在都成功左，但朋友覺得個蛋撻皮稍為甜了些，我吃的時候不覺得甜，但過後甜味仍留在口內就覺得真係甜左一些，我下次要將糖稍為減少。

食譜說可以做到10個，但我只可以做出8個蛋撻，可能係我技術問題，我真係要多加努力 ！蛋糕仔整左一兜，梗係冇問題喇，因為我整過好多次lu！  

蛋糕仔食譜：http://hk.myblog.yahoo.com/jw!e4FTxkCfHxiNryF7_X3Kboo-/article?mid=147&fid=16 小

魚蛋撻：http://hk.myblog.yahoo.com/christinayu-0208/article?mid=3219&fid=103     

入焗爐前   

烘焙中~好緊張丫    

嘩！終於攪掂。 

   

靚唔靚仔丫！   

唉！老公一啖就......    

D.I.Y.※ 經典聖安娜蛋撻

撻皮材料：(10個份量) 

低筋麵粉 (薛好)       170 克

牛油                             90 克

砂糖                             40 克

雞蛋                             12 克

淡奶/鮮奶                   8 克 

蛋漿材料： 

雞蛋                             160 克

砂糖                             80 克

淡奶                             50 克

水                                 210 克

* 我冇用淡奶全部用晒鮮奶 

做 法：( 10 個 份 量 ) 

(1)     將低筋粉 (過薛) 及 牛油 (室温) 及 雞蛋 (打散)。 

(2)     將牛油 (室温) + 砂糖放入缸內用打蛋器打拌至發白泡 。 

(3)     加入淡奶 及 雞蛋 (打散) 攪拌勻，然後加入低筋粉搓成麵團 。 

(4)     用袋裝起放入雪櫃冷藏 1 小時 ，取出麵團擀至6mm (厚度) 。 

(5)     用撻模吸出一個個撻皮形狀 ， 將撻皮放入撻模中及撻皮圍邊高度要高過撻模邊5mm 。  <<<  注意撻皮厚度要平均 >>> 

(6)     蛋 漿 :  用火煮溶砂糖 ~ 待涼 ，雞蛋 + 淡奶 (拌勻) ，撞入糖水 ( 不停攪拌勻) 。 

(7)     用隔薛 ~ 隔一次蛋装漿 (令蛋漿滑身d ) 。 

(8)     倒蛋漿入撻模內至 9 成滿，以 250 度焗 15 分鐘至熟透 ( 即可 ) 。