三杯雞 (內附食譜)

上次表姐來食飯，我都係煮這個〝三杯雞〞，表姐話〝好香〞，因為簡單易煮又好味，緊係用嚟厄Like喇！

我家有紫洋蔥，所以冇去買普通洋蔥，都係一樣咁好食。

三杯雞

食譜來自：營養師的500卡滋味廚房

材料：熱量402千卡

雞扒(去皮)               1塊(240克)

乾蔥頭                     3個

羅勒葉                     3棵

蒜頭                         2瓣

洋蔥                         1/3個

薑                             4片

紹興酒                     1茶匙

老抽                         1茶匙

砂糖                         1茶匙

油                             1茶匙

雞扒醃料：

胡椒粉                     1/3茶匙

生粉                         1茶匙

生抽                         1茶匙

做法：

1.          雞扒去脂肪，洗淨，瀝乾，切件，用醃料醃好。

2.          乾蔥頭去衣，切半。

3.          羅勒葉洗淨，瀝乾。

4.          蒜頭去衣，切條。

5.          薑洗淨，去皮，切川。

6.          燒熱易潔鑊，下油，炒香乾蔥頭、蒜片和薑片後，加雞件，煎至金黃色，下紹興酒和洋蔥，蓋上鑊蓋煮至雞件熟透，下老抽、砂糖、羅勒葉及1/3碗水，炒至乾身，上碟，即成。

小貼士：

l   老抽用來增色，所以可隨意調校。

大樹先生的家@香港

自從有左小朋友後就會成日留意有咩親子餐廳或啱佢玩既地方，知道台灣大樹先生係香港開左分店，有舊同事約去果到玩，問左其他同事後，我就打電話去book位。

嘩！真係好難打，電話不停重撥，最後都打通，打之前都傾好邊幾個日子OK，但估唔到我地人數超出左一次訂位的人數，所以掛線後要再打多次去訂位，好彩都比我打通，但同一日就冇位了，但我講剛剛打過來訂位，店員問左老闆後都加位比我地，咁我地就可以一齊去玩。

期待已久日子到，早上接到其中一個同事因小朋友病左來唔到，我搵到朋友頂上。

大家都約左係門口等，小王子已急不及待係門口行來行去。

仲未開門，所以未開燈 

小朋友最鍾意既波波池

玩完一輪就開餐，但覺野食唔係好抵，所以meet到traget就算 。

小王子只係食西瓜，因為佢趕住去玩。

日式咖哩牛肉飯 (內附食譜)

之前書展買左好多書，有幾本係營養師寫既食譜和教人點揀食，我就跟其中一本煮低卡既餸。

平時既碟頭飯都係唔多健康，呢款就唔同，係營養師寫，唔好見健康，就食多左喇！呢個快靚正。

日式咖哩牛肉飯

食譜來自：營養師的500卡滋味廚房

材料：熱量563千卡

白飯                  1碗

牛肉                  80克

洋蔥                  1/3個

紅蘿蔔              1/2個

雞蛋                  1隻

咖哩粉              1湯匙

砂糖                  1茶匙

雞粉                  1茶匙

油                      1茶匙

牛肉醃料：

生抽                  1茶匙

胡椒粉              1/3茶匙

生粉                  1茶匙

做法：

1.          牛肉洗淨，瀝乾，切粒，用醃料醃好。

2.          洋花去衣，切條。

3.          紅蘿蔔去皮，洗淨，切粒，用熱水輕灼1分鐘。

4.          燒熱易潔鑊，下油，煎香洋蔥和牛肉粒。

5.          加入紅蘿蔔、咖哩粉、砂糖、雞粉及1碗水，拌勻，煮5分鐘至紅蘿蔔糖腍身，盛起，成牛肉咖哩汁。

6.          將雞蛋煎成太陽蛋，放於白飯面，側面淋上牛肉咖哩汁，即成。

小貼士：

l   牛肉切丁方尚可在炆煮時保留更多肉味，亦不易變韌。

Jenny Barkery 牛油曲奇 (內附食譜)

平時想整，但冇時間，今日趁風假整，之前網上搵到既食譜，但唔係咁似，不過呢隻曲奇第二日好食過第一日。

Jenny Barkery 牛油曲奇

材料：

低筋麵粉            75g

粟粉                    25g

糖霜                    20g

牛油                    100g

麵粉：粟粉 (3：1)

牛油：麵粉+粟粉 (1：1)

做法：

1.          先打均牛油 & 糖霜 (牛油很軟身，很快就可以打好)

2.          再加入已篩過的麵粉 & 粟粉打均。

3.          唧花，180度預熱焗爐，焗12分鐘即可。

4.          唧花後最好先放入冰箱30分鐘。(這樣糖出來，不會塌得太過份。)

貼士：

l   其實100g粉量只可以做到很少份量，寫出來是方便計算。

l   我用454g牛油，340g麵粉，114g粟粉、100g糖霜

l   (現在一般會改戚454g牛油、349g麵粉、105粟粉、100g糖霜

l   其實麵粉 & 粟粉比例不必跟足，麵粉比原食譜加多一點，粟粉減少一點就可以。

l   改善一碰即散這個問題，此份量大約可以做酊60塊曲奇，視乎大小而定)

一口酥 (內附食譜)

今日有時間再整多款先，小王子一口氣食左幾粒。

雖然佢咁鍾意食，但我未必會再整，我覺得個火牛好危險，因為要加轉插，可能個轉插細，唔多穩咁，又聽到啲電流聲，下次都係唔係外地買電器，因為電壓唔同。

原食譜係〝咖啡一口酥〞，但我改左做原味，只要你加3克即溶特濃咖啡粉，將低筋麵粉變97克，就可以變做咖啡味。

一口酥

食譜來自：百變鍋夫機 (加強版)

材料A：

低筋麵粉                    100克

奶粉                            5克

泡打粉                        2克

鹽                                1克

糖粉                            35克

材料B：

無鹽牛油                    50克

全蛋液                        25克

做法：

1.          先將粉類過篩，把所有材料A拌勻。

2.          加入冰凍牛油於材料A中。

3.          用手將牛油捏碎與粉類拌勻如麵包糠狀。

4.          加入全蛋液拌勻成糰。

5.          用保鮮紙包好，放進雪櫃冷藏30分鐘。

6.          將麵糰分成24份，每份重約8克，搓成丸子。

7.          放入格子烤盤中，蓋上蓋，烘烤3分鐘即可。

小貼士：

l   牛油必須保持冰的。

l   加入全蛋液後，不要過度攪拌，以免粉糰起筋影響鬆餅口感。

Vitantonio Plain Waffle (內附食譜)

上次係大阪買左部機返來，因為係日本電制式，所以要配火牛先可以用到，都啲火牛又牛龜咁大，唯有一直擺埋一邊，後來係facebook搵到人可以訂到細火牛。

今日就可以開機了，整既時候都遇到啲問題，立即上facebook群組問，最後都成功，但食譜都忘記左出自何處，如果食譜主人見到可以say hi，在此謝謝你的食譜。

Vitantonio Plain Waffle

材料：

低筋麵粉                                  100克

發粉(Baking Powder)               5克

牛油                                          30克

砂糖                                          25克

鹽                                              1克

全蛋                                          1隻

牛奶                                          100毫升

麵粉漿做法：

1. 先裝好窩夫模並預熱窩夫機。
2. 低筋麵粉及發粉一起過篩。加入砂糖、鹽混合。
3. 遂少加入牛奶直至完全混合，再加入已打散的全蛋，直至完全混合不見粉粒。
4. 最後加入牛油溶液，攪拌直至完全混合。
5. 當窩夫機綠燈亮起，打開窩夫機，預備溶解牛油，掃上窩夫模。
6. 把粉漿倒入模，剛好蓋過窩夫模便可以。等候粉漿開始出氣泡，可把上層放下及扣好。
7. 烤約4分鐘，打開蓋，用日式尖筷子把窩夫輕輕挑起。

其他味道的改良方法：

A.      抺茶：於步驟2加入抺茶粉6克。

B.      朱古力：於步驟2加入朱古力粉10克。

C.      咖啡味：：於步驟2加入咖啡粉4克。

D.     玉桂味：：於步驟2加入玉桂粉1克。

海洋公園@2016

今年我生日唔去迪士尼，改去海洋公園，唔食自助餐食西餐。

小王子第一次去海洋公園，可惜風雨伴著，大風到傘都翻左幾次，好多都玩唔到，所以都有點失望。

因為好大雨， 一入場就去門口既舖頭避雨和整理一下。

這個館我地分別入過去2次，但佢都係瞓覺。

沿路見啲BB車有個雨笠，我地就去紀念品店問，但職員話冇，咁我地估啲人係用即棄大人雨衣笠住架車。 

我地又去左睇企鵝

係威威天地玩

摸唔到真熊貓，摸下紙版都好丫！

今日係我生日，居然小王子有禮物，而我就冇囉！ 

今晚食西餐，好滿足的一餐。