特濃香蕉磅蛋糕 Rich Banana Pound Cake (內附食譜)

小王子話要食香蕉，係街市買左一抽有4隻，食剩2隻唔食。

香蕉擺到起梅花點，唯有整香蕉蛋糕。

我好懶冇開機打爛香蕉，只係用叉整爛。

蛋糕鬆軟，而且濕潤，好味。

今日碰巧老公有個住附近的朋友生日，於是邀請左佢來的家，將香蕉蛋糕搖身一變做生日蛋糕。

我地由追月當晚每天都有見，因為小王子好喜歡同佢一齊玩。

壽星仔都話個蛋糕OK。

特濃香蕉磅蛋糕 Rich Banana Pound Cake

食譜來自：餅房蛋糕的秘方       

材料：1/2磅 (2條)

無鹽牛油                180克

幼砂糖                    150克+50克

熟香蕉                    450克

牛奶                        150克

低筋麵粉                210克

中筋麵粉                210克

梳打粉                    7克

雞蛋                        2隻

面料：

防潮糖霜                適量

乾香蕉片                適量

鏡面果膠                少許

做法：

1.          牛油加150克，用電動打蛋器打至淡黃色。

2.          香蕉粒，加入牛奶用攪拌器或攪拌捧打勻。

3.          將香蕉糊加入(1)中，用電動打蛋器拌勻。

4.          麵粉、梳打粉同過篩，加入(3)中打勻。

5.          雞蛋加糖50克打至七成企身，分三次輕力拌入(4)中。

6.          兩個模具掃上牛油(額乙外量)，覆上一層麵粉(額外份量)。

7.          將蛋糕糊傾入模具中至8成滿。

8.          放入已預熱160度焗爐，焗50-60分鐘。(籤試熟，如沒粉漿沾黏表示已熟)

9.          脫模，稍放涼，灑上防潮糖霜。

10.      上乾香蕉片裝飾，在香蕉片上掃上果膠。

貼士：

l   要用布滿梅花點的香蕉才夠甜。

l   可在步驟(5)加入合桃碎150克，蛋糕更香濃。

抺茶雪花酥 (內附食譜)

今日整抺茶雪花酥，仲有個朱古力味，但朱古力未必整，等我諗下先。

上次整左〝原味雪花酥〞，但忘記左表面裹上奶粉，今次我就記得嘞！

我煮棉花糖時間短啲，出來的口感係我想要的，煮耐啲就會煙靭啲。

今次我將雪花酥切成2.5cm x 2.5cm，就可以入到我訂的雪花酥袋，再大少少都入唔到。

下星期拿回公司與同事分享，老公不懂欣賞的。

抺茶味雪花酥

食譜來自：https://www.youtube.com/watch?v=cB9WfGpGGPY

材料：2.5cm x 2.5xcm (38粒)

無鹽黃油              40克                        

食用鹽                  1克                          

全脂奶粉              50克                        

蔓越莓干              15克                        

小圓餅干              120克 (奶鹽味)      

落基山棉花糖      150克                     

原味綜合堅果      130克                     

抺茶粉                  10克                       

裹面奶粉材料：

全脂奶粉              50克(裹面用)                

抺茶粉                  10克(裹面用)                                    

備註：

·         配方可以制作3cm x 3cm雪花酥25塊

·         小圓餅干也叫做小奇福餅干，品牌：四季之戀

 

做法：

1.      無鹽黃油和鹽加入不炶鍋內。

2.      開中小火，把無鹽黃油煮融化，期間可以用刮刀稍微攪拌加速黃油融化。(黃油不需要沸騰)

3.      黃油完全融化後，就可以把棉花糖加進去，用刮刀不停把它翻拌均勻，然後壓。

4.      劃圈可以加速棉花糖和黃油融合，棉花糖融化之後稍微有一點變黃。

5.      棉花糖融化後一次加入奶粉，用刮刀把奶粉輕輕舖開，再用刮刀壓拌均勻，翻拌一下輕一點。

6.      不見奶粉後可以關火，加入堅果和蔓越莓，用刮刀稍微混合一下，混合後倒入烤盤。

7.      用手套將餅干舖在牛軋糖表面，輕輕按壓，然後用刮板鏟起折叠，動作要快。(糖離開左鍋好快涼成形)

8.      壓成一個正方形，用刮板鏟起翻轉，睇到有好多洞，再推動一下餅干堅果，把洞盡量填補。

9.      完全放涼後可以切件。

10.  將抺茶粉和奶粉過篩。

11. 雪花酥裹上抺茶奶粉，即成。

古早味太陽餅 Sun Cake (內附食譜)

 我好鍾意食太陽餅，記得多年前去台灣，當時新東陽好出名，我買左幾盒太陽餅回港吃。

今次見到呂昇達老師教整古早味太陽餅，但見食譜要用無水奶油，所以卻步。

我有次係網到見到有人教整〝無水奶油〞，所以我就plan左放假時整無水奶油和太陽餅。

今朝睇一次短片先，老師話原來唔用無水奶油都可以，用發酵奶油或一般無鹽奶油都得。

咁我可以快好多，可以立即開工。

今朝我整左4個，味道無問題，但賣相唔得。

我食完lunch回家再整多次，今次賣相仲唔得，但味道比第一次好。

老公都覺得好食，係個餡唔夠，我都認同，下次再整要將個餡加多少少。

古早味太陽餅《Sun Cake》

食譜來自：https://www.youtube.com/watch?v=tZKwHG-wGmI

油皮配方：30g (12顆)

低筋麵粉  (過篩)                     140g

高筋麵粉  (過篩)                     60g

砂糖                                      10g

19號澄清無水奶油                  40g

水                                         100~110g

油皮做法：

1.     低筋麵粉+高筋麵粉+砂糖+無水奶油倒入缸內攪一陣。

2.     慢慢加入水後，轉中速攪拌約1分鐘。(麵糰QQ的、有簡單薄弱就完成)

3.     稍為滾圓，放在烤盤上蓋上保鮮紙，醒麵約10-15分鐘。

4.     麵糰鬆弛好的狀態是軟軟的有下墮感。

油酥配方： 15g (12顆)

19號澄清無水奶油                  60~65g

低筋麵粉 (過篩)                      135g

植物油                                   適量《調整軟硬度，可不添加》

蜂蜜麥芽餡                            15g

油酥做法：

1.     低筋麵粉+無水奶油用低速，攪拌成糰就可以。

·         若麵糰太硬可以加少少植物油，一點點就可以，不要太多。

蜂蜜麥芽餡材料：15~20g (12顆)

19號澄清無水奶油                  20g

蜂蜜                                      20g

麥芽糖                                   30g

糖粉                                      70g

低筋麵粉                                30g

太白粉                                   10g《玉米澱粉o熟糯米粉：鳳片粉、糕仔粉》

水                                         5~10g【調整軟硬度】

香草濃縮醬                            適量【可不添加】

蜂蜜麥芽餡做法：

1.     加入一半份量的水，將其餘材料加入缸內，稍為拌一下。

·         香草濃縮醬加入蜂蜜一齊加進去。

 

組合：

1.     將油皮包住油酥。

2.     用手壓扁，然後用棍向上和向下輾一下。

3.     用手由上而下回卷，鬆弛10分鐘。

4.     用手壓扁，然後用棍向上和向下輾一下。

5.     用手由上而下回卷，鬆弛10分鐘。

6.     麵糰中間壓一下，將2端揑去中間。

7.     用棍向上和向下輾一下，轉一轉麵糰。

8.     用棍向上和向下輾一下，包餡，鬆弛10分鐘。

9.     收口向上壓一下，用棍向上和向下輾一下。

10.   轉一轉麵糰，用棍向上和向下輾一下。

11.   輾成圓形，直徑9-10cm，鬆弛10分鐘。

12. 上火180度下火180，焗18~20分鐘。

貼士：

·         用無水奶油、發酵奶油、一般無鹽奶油都可以。