免費日

今日係選舉日，所以免費搭車，就出外走走喇！

之前申請左博物館的Year Pass，尋晚老公講先知原來未拎，所以第一站就去尖沙咀先。

我係Openrice搵有食就見到〝嘉寶漢堡〞，咁就食佢喇！

這間N年前老公之前講過雜誌有介紹話好食，但係葵涌果間，當時都未有尖沙咀呢間。

每星期日葵涌果間都會搭車經過2次，因為回娘家必經的，位置隔涉一直冇試。

落單後就有個機通知你取餐，有一個自助區，自己拎餐具、斟水，又有洗手機，你伸手埋去就自己出泡，然後就出水，當然係set左時間不能洗太耐，時間過左程序就唔啱架喇！。

如果你汽水和薯條就加$16轉套餐，野食整體都幾好，不過個包就細啲，我和老公食完都唔飽。

香辣煙肉蘑菇芝士牛堡 ($52)

黑松露芝士牛堡 ($52)

BBQ菠蘿雞扒堡 ($40)

我個黑松露芝士牛堡真係勁多黑松露~正丫！

下一站就去科學館拎返Year Pass，當然小王子順手又玩一陣，我比30分鐘佢，因為我地仲有2個地方要去。

離開科學館就去搭隧巴過海，途經麥當勞就入去食甜品先，因為我記得呢到有甜品站，老公想食綠茶雪糕要甜品站先有，之前去親都冇甜品站的。

當然緊係每人一杯，這是常識吧！不過，有點後悔，因為小王子食唔晒，老公話飽幫手食左2啖仔，而我幫佢食左半杯，雖然我食得落，但怕肥嘛！

炮台山東岸公園諗住下星期請左假帶小王子來，既然今日免費搭車就一家三口一齊去。

原意來係比小王子跑下放下電，點知多人到真係〝Mountain People Mountain See〞(講下港式英文先~哈~哈！)，又勁大風。

雖然多人，但小王子跑來跑去好開心，玩到天黑都唔走。

根本冇辦法影到正面，唯有影下個背脊啦！

影出來冇咁靚，緊係喇！我不是專業的。

最後一站就係去〝工展會〞，疫情前每年都來，所以今年好開心，不過就冇得食野就有點唔開心囉！

家中隻鑊想換好耐，今次最主要是來睇鑊，年尾買好過年頭，唔係要孭鑊一年唔好意頭唷！

我係天上野買一隻生鐵鑊，又送一個角落生物生鐵鍋，真係買一送一，仲幫我開埋鑊添！

今年工展會的戰利品。

三色雪球：原味、綠茶、紫薯 (內附食譜)

上次整〝雪之球 Snowballs〞係跟書整是半圓的，今次跟台灣老師整係四方形。

前日我已將麵糰整好放係雪櫃，諗住隨時想整就拿出來。

我整既時候原先諗住3個底都是原味，表面加茶粉裝飾就算，最後都係將茶粉加埋入麵糰中。

食譜的草莓粉我改了紫薯粉，而且將紫薯粉加埋入麵糰中。

尋日學校取消左假期，所以我就拎左佢出來焗。

小王子3款味道都試左，佢都算是綠茶控，而且不吃紫薯，但居然話綠茶苦。

佢要原味和紫薯全都要留在家，緊係唔得，我明天要帶回公司請同事食架！

我3款3都試了，原味都不用多說，紫薯唔夠紫薯，而我不愛綠茶都接受到，食到中後段帶點苦味。

公司同事都鍾意食，話原味好香牛油味，估唔到綠茶都好受歡迎，仲話唔苦，個個都話紫薯唔夠味。

製作過程：

• 牛油室溫左2個鍾都唔係好軟身，所以用微波爐叮20秒，不過我覺得叮15秒就可以。
• 麵糰我係搓好先加色粉再搓勻。
• 抺茶麵糰用左5克抺茶粉就上色。
• 紫薯麵糰用左10克紫薯粉，但都唔太勻，我覺得紫薯粉顆粒比較大，所以不是太實色。
• 飾面的抺茶味：抺茶粉3克+防潮糖粉20克。(呢個份量有用剩)
• 飾面的紫薯味：紫薯粉5克+防潮糖粉10克。
• 我用左15分鐘焗就完成。
• 每條約18cm x 4cm，每隻味我都整左16粒，每粒約1.5-2cm * 2cm。

入爐前影左相，因為我怕入爐後會走樣，但又冇啵！係有少少裂啫！

三色雪球

食譜來自：https://dessertfmtv.pixnet.net/blog/post/35539876-%E3%80%90%E4%B8%89%E8%89%B2%E9%9B%AA%E7%90%83%E3%80%91

材料：

奶油                                                    160克

三溫糖                                              35克

海鹽                                                   1.5克

奶粉 (過篩)                                    10克

低筋麵粉  (過篩)                        100克

高筋麵粉 (過篩)                          100克

杏仁粉                                              75克

表面材料：

防潮糖粉                                          150克

草莓粉                                              10克

抹茶粉                                               5克

表面作法：

1.       原味口味：防潮糖粉 (50克)

2.       草莓口味: 防潮糖粉(50克)、草莓粉拌勻後備用。

3.       抹茶口味: 防潮糖粉(50克)、抹茶粉拌勻後備用。

餅乾作法：

1.       奶油+三溫糖用手動打蛋器拌勻， 再加入所有粉類、海鹽拌勻，再用手搓成團。

• ·         此時可以加入綠茶粉做綠茶口味。

2.       預熱烤箱，上火180下火160。

3.       模具舖上烘焙紙，放入麵糰整形。

4.       麵糰擀開來， 放到冰箱稍微冰一下，會比較易切。(冷凍即是放冰格)

5.       麵糰切成1.5-2公分的方塊， 放入烤盤。

6.       入烤箱以180/180度或180/160都可以，烤15-18分鐘， 冷卻後備用。

7.       餅乾表面沾上 1、2、3項即完成。

貼士：

·         杏仁粉用粗或幼都可以。

·         想有椰子香的話，可以用一半杏仁粉+一半烤熟椰絲。

·         椰絲一定要烤熟，因為雪球比尺寸比較大，不是扁平的，所以怕裡面的沒有烤過，沒有香味，椰絲烤過才香。

香蔥蘇打餅乾 (內附食譜)

今日是小王子學校的假期，所以我也請了假plan左同佢去玩。

點知！尋日在學校的家長group中得知原來取消了，都係自己大意冇留意學校每月的備忘通告。

頓時我和小王子都好失望，咁遲知又取消唔到假，唯有明天買麥麥比小王子做Lunch啦！

今朝叫小王子起身，立即問我係咪要返學，當然喇！可能佢心存有一絲希望。

我送左小王子返學又開壇囉！

見尋日買菜有青蔥，趁青蔥仲新鮮就整〝香蔥蘇打餅乾〞。

焗緊已聞到好香蔥味，其實我唔喜歡食蔥，但咁樣整我又會食架啵！

我試食左，覺得好似小時候嘉頓的香蔥餅，好薄果隻呢！

老公放工回來試食，佢話味道OK，但有點硬。

我再試食，都唔係好硬啫！都脆脆地。

平時整過一次就極少翻整，但這個我會，不過要稍為改動一下。

我和老公很鍾意食嘉頓的香蔥餅，這是我們的童年回憶。

製作過程：

• 食譜中的發酵粉=酵母。
• 食譜中的蘇打粉=Baking Powder。
• 我擀成0.4cm厚。
• 擀完之後的尺寸約為23cm X 20cm。
• 第一盤用左18分鐘，第二盤用左15分鐘。

'

香蔥蘇打餅乾

食譜來自：http://www.99mygame.com/doc_WGVjSEIyRHNxVXlaeU4zSGpGTGhadz09?fbclid=IwAR1d3-eiR2nI1Ce0eQ0WDMUDKAQkGDgabPWPAF0NATf0LM6E4TVm2u5ZxY8

材料：

低筋麵粉                              220克

發酵粉                                   3克

清水或者牛奶                    100克

玉米油                                   40克

鹽                                             2克

蘇打粉                                   2克

香蔥                                        20克

做法：

1、 蘇打粉和鹽倒入麵粉中拌勻，酵母粉倒入清水中靜置溶解。

2、 酵母水倒入麵粉中，倒入玉米油和切好的香蔥，揉成光滑的麵團，醒面30分鐘。

3、 醒好的麵團不需要排氣，直接分成3份，取一份放在油紙上擀成薄片，用刮板切成長條，用叉子插上一些小眼兒。

4、 將油紙直接挪到烤盤中，烤箱預熱170℃，烤20分鐘。烤至表面金黃，放涼後變硬就可以了。

簡單4步就能做好的香蔥蘇打餅乾，但是做的過程中我們需要注意一些小細節：

·         揉好的麵團比較軟，所以我們需要放到油紙上去擀薄、去整形，這樣方便直接挪到烤盤中去。

·         雖然用了酵母揉面，但是不需要像做饅頭一樣發酵至兩倍大，只需要稍微醒面就可以了。醒好的面也不需要再去揉壓排氣了，直接擀薄整形。

·         面片擀得越薄越好，這樣烤出來的餅乾才會酥脆，而且儘量大小均勻。

·         面片上插上小眼兒，可以避免餅乾在烤的過程中鼓起。

·           烤好的餅乾放涼後就會酥脆，如果不酥脆的話放回烤箱再烤幾分鐘。

養生黑芝麻古早蛋糕 (內附食譜)

我好鍾意食芝麻糊，所以全部黑芝麻的製品我都喜歡。

今日趁回娘家做節就整個〝養生黑芝麻古早蛋糕〞，因為家中2位老闆又係唔吃的。

家中得6吋或8吋四方蛋糕模，而食譜用7吋，我唔想改份量去就模，因為蛋會有剩。

最後用左8吋整，出來成品唔係好高，這點可以理解的。

蛋糕分左2條，一條比阿媽，另一條就比肥阿哥。

我試食左軟綿綿的，娣婦都話好食，但肥阿仔就唔Like芝麻味。

今早請小王子都唔食，而家見人食佢又話食，食完一舊又要一舊。

佢仲話要拎回家吃，咪玩喇！拎來拎去，我遲啲整過。

養生黑芝麻古早蛋糕

食譜來自：https://quiz321.com/article/1530633?fbclid=IwAR3nAVdZ-vrC_CSq3xzbaaY43cgkaCV_BGFde0hHOkPsYNSxtb5Odc2Fxl8#11439

材料：模具是18×18×6

雞蛋5個(大號)

無糖黑芝麻醬            30克

牛奶                            90克

細砂糖                        60克

鹽                                1克

低筋麵粉                    85克

奶粉                            20克

玉米油                        60克

備註：

·         模具是18x18x6的模具

·         配方中一定要大號的雞蛋，帶殼大約63g左右。

·         我的芝麻醬有點偏稀，比較乾的建議牛奶多加一點，那麼快來碼住它。

做法：

1.      準備好所有的材料。

2.      在盆中過篩奶粉和低筋麵粉。

3.      玉米油倒入比較厚的小鍋中加熱到70℃左右。

4.      把加熱好的油倒到過篩好的粉中,邊倒邊攪拌。

5.      牛奶和黑芝麻醬先大致混合一下。

6.      倒入麵糊中繼續攪拌。

7.      預熱烤箱150℃，60分鐘。

8.      蛋白蛋黃分離，把蛋黃加入到黑芝麻麵糊中混合均勻。

• ·         麵糊應該是可以流動的狀態，如果比較干建議多加一個蛋黃。

9.      蛋白分三次加入細砂糖打到有彈性的小彎鉤，不要打到硬性發泡不然會大裂谷。

10.  三分之一的蛋白先和黑芝麻蛋黃糊混合，再倒回蛋白中，繼續翻拌均勻。

• ·         倒之前用蛋抽整理一下蛋白。

11.  固底模具中鋪上油紙或者油布，不夠高可以用紙板打底再鋪油紙，模具外麵包一層錫紙。

12.  再拿一個烤盤裡面放一大半的溫水，放一個烤架把蛋糕放在架子上，也可以不放架子直接放在水中，水浴法烤箱中下層烘烤60分鐘。

• ·         根據自家烤箱實際情況調整。
• ·         密封性好的烤箱建議每15分鐘快速打開烤箱門然後關上，以免太多水蒸氣在烤箱內。

13.  出爐後將蛋糕連同油布一起放到烤網上，撕下油布晾涼即可。