Day 3：蓮花山公園→深業上城→壹方天地→深圳北站
今天我期待已久，因為我plan左去〝深業上城〞食片皮鴨，我係睇西DorSi介紹的。
朋友話〝深業上城〞到本地人好少來，所以佢都未來過。
原本諗住係搭地鐵來，但這幾天都是朋友開車，所以冇去到〝深業上城〞隔離的〝連花山公園〞行，〝連花山公園〞有條天橋連接〝深業上城〞的。
出發前，在朋友家的小區配眼鏡，因為真的比香港平，不過要8-10日才取貨，所以要麻煩老公同事幫忙取貨，因為佢下星期才回港。
*************************************************************************
今朝又有啡飲囉！開心死我了，好耐冇飲~正。
本來諗住開店前就到，但配眼鏡耽誤了時間，比原定時間遲來，所以要等，店外有電視播放卡通片，而且有椅可以坐，仲有水供應。
咁我就周圍影下相先。
影完見到有7仔入去睇下有冇酸奶先，比我搵到朋友介紹的，雖是同一牌子，但不是朋友飲開的零添加蔗糖和無糖，這是加左代糖，都照買喇！
朋友見大門貼左poster寫這間是〝黑珍珠餐廳〞，是什麼來的？
朋友話〝黑珍珠餐廳〞即是國內的米之連餐廳，咁即是好野喇！
返去再等左一陣就有位，我地5個人估唔到有房，間房好大，我地坐左半圍枱。
朋友係美團睇餐，但唔啱食，所以我地就散叫。
這餐讚口不絕，每樣都好食。
朋友結賬後，我問幾多錢？朋友說不用，正當大家爭議緊，老公同事突然話〝呢餐我請，我未請過，只要說聲多謝就可以〞，大家立即靜晒，然後多謝，事情來得突然，但又好攪笑。
北京烤鴨 (CNY238)：皮很脆，唔油膩，鴨肉唔鞋，麵皮是免費任加的。
水煮牛肉 (CNY88)：我和老公都食辣，但不喜歡食水煮的東西，可是這個好吃，又不太辣，牛肉當然滑喇！
松露全素 (CNY58)：好香黑松露味，唔油，薯仔吸晒啲味。
鹽酥雞：小王子點的~勁讚，這是一條條的，雞肉嫩，粉漿適中，不只小朋友，大人都鍾意，有附上茄醬，但沒有點，。
金鴨季
地址：皇崗路5001號深業城小鎮L3層T3089舖 (地鐵：冬瓜岭站 A出口)
營業時間：1115 - 1400，1730 - 2100 (Mon - Fri)、1130 - 1400，1700 - 2100 (Sat - Sun)
西DorSi話呢間係正宗北京片皮鴨，用果木燒片皮鴨、用北方鴨冇咁臊、皮和肉是分開的。
北京烤鴨有專人在你面前片，首先片左背部先~有2碟，然後再片其他部位，真係得皮，肉就放係皮下面，麵皮可以無限refill唔收錢。
〝深業上城〞只是去食片皮鴨，然後就出發去〝壹方天地〞玩。
〝壹方天地〞地鐵〝龙华站〞，有A區-E區，但E區是〝Sam's Club 山娒會員商店〞是walmart旗下會員制超市，要入會費CNY200做會員才可以入，裡面的貸都是family size，所以我冇去，想知可以搵〝西DorSi〞的片。
這間意大利雪糕店不是在我的名單內，由停車場上到商場望過對面就見到它，雪糕唔係唔試吖嘛！
只有我與小王子食，因為剛食完野，佢地食唔落。
我地買左迷你筒，小王子問點解買迷你？因為仲要留肚食其他野。
其實，雪糕都係比一般細少少啫！可以用筒或杯，緊係要筒喇！脆卜卜咁好食。
咸味焦糖 (CNY38)：唔太鍾意有鹹味，係試既時候唔覺得有鹹味。
草莓雪芭 (CNY38)：微微酸，早知我都要呢個味喇！
Cream Story
地址：壹方天地D區L1-031
營業時間：1000 - 2200
小王子係門口舔左一口就成舊雪糕趺落地，我已經叫左佢咬，Gelato質地係黏身啲，你舔用力向前推咪趺囉！真係激死。
我見小王子勁唔開心，立即用紙巾拾起地上的雪糕，然後入鋪同店員講，預備付款買過一杯新的。
我都未講完店員就去整過一杯，但今次係用杯裝，我話付款，店員不斷話〝唔駛、唔駛〞，真係令我感動又點不好意思。
下次來要再食，但小王子一定要用杯。
今天的戲玉到了，就是這裡〝朗玩·轰趴馆‧保龄球‧电子游艺〞，我在大眾點評睇原來這是〝Round 1〞，小王子聽到勁開心。
1/F即是地下，係商場外圍有個大門口，其他樓層係商場內都有出入口，一共有4層，每層都玩唔同既野，店內有𨋢。
大家一齊行左一陣就分開，因為朋友冇興趣，佢地自己行街。
我地去左3/F做會員，用微信小程式登記會入，然後打錢入去就可以玩囉！
每次用機掃電子游戲上的QR code就可以付款去玩。
1/F：電子區，我見有好多人戴手套係到拍拍子，即是考反應。
朗玩·轰趴馆‧保龄球‧电子游艺
地址：人民路壹方天地C區1-3層
營業時間：1000 - 0200
2/F：電子游藝區
全都是夾公仔，我地夾左百幾蚊都夾唔到一隻。
3/F：電子游藝、保齡球、卡拉OK
這層電子游藝真的是玩電子游戲。
保齡球：是兒童的，不是大人。
第一次騎馬，唔係真，都係一次好的體驗。
4/F：肆跑+
這層是我最期待，見大眾點評好有好野玩，可以成個人入個球內行碌~碌~碌~，但我望入好似一眼望晒個場沒什麼特別。
門口有閘，如要入去就要立即付款，想入去睇清楚都唔得，心諗可能有啲鬼鼠位睇唔到呢。
可惜又差不多要去吃晚飯，付款入場後真係得眼見就會嬲嬲豬，唔敢博。
最後都係落返3/F再玩過。
又係行超市既時候喇！以前每款口味有好多，但而家選擇少左，冇以前咁開心，但緊係都買到野。
萬家City
地址：壹方天地購物中心A區負一樓049A-053A商鋪
營業時間：0900 - 2200 (Mon- Thu, Sun)：0900 - 2230 (Fri - Sat)
呢到係自助的，付款後職員叫我去服務台，原來買滿CNY188就有一個盲盒。
上次係到買左件衫、褲、玩具和零食，我諗住係來睇衫，點知質素差左，只買左食和玩的。
小王子返到去立即開箱兀，都攪左好耐先完成，仲話要再買，佢超like。
NǑME
地址：壹方天地A區L1-053A
營業時間：1000 - 2200 (Mon - Thu, Sun)、1000 - 2230 (Fri - Sat)
行去食飯地方見到〝好特賣〞，朋友話啲野好平，有啲就過期的，即是好似香港〝Green Price〞咁囉！
嘉頓盒蔥餅超大盒都係CNY11.5，香港細細盒都已經十幾蚊，小王子話同學請過佢食~好味，所以買一盒先。
好特賣 HotMaxx
地址：壹方天地購物中心B1-001B鋪位
營業時間：0900 - 2200 (Mon- Thu, Sun)、0900 - 2230 (Fri - Sat)
領展中心城的日本老爺爺結業了 (可以去呢到睇〝深圳之旅2019@Day 1〞)，朋友話呢個都好食，就買一個回去今晚宵夜先。
這間好多地方都有，壹方天地呢間都係〝朗玩·轰趴馆‧保龄球‧电子游艺〞2/F：電子游藝區門口對面。
KUMO KUMO
地址：壹方天地C區L2層048A號商鋪
營業時間：1000 - 2200
呢間又係排長龍，又有麵包可以試食，朋友都話呢間麵包都好吃，咁就入去買明天早餐先。
乳酪風情 (CNY14.9)
椰香皇冠 (CNY14.9)
草莓芳心 (CNY16.9)
楓糖可頌 (CNY16)：這個沒有影相，是朋友的早餐，因為我地分開排。
卡瑪王子蛋糕 Prince Carma
地址：壹方地天B區B1-013A、015 (負一樓)
營業時間：1000 - 2230
剛才泊好車一出𨋢就見到呢間poster，我就同朋友講今晚食呢間，唔食意粉了，因為朝再睇大眾點評plan左食果間係快餐形式，最後我就揀左呢間，因為佢係全自動送餐的。
朋友話上次同表妹來都想試，但最後食左另一間。
玻璃望入去漆黑的，有人用大飛碟下面是無人機控制送餐到降落點，然後人手拿出來放在運輸枱上，枱上有光環，而飛碟就在上面，再送自動到你枱。
朋友睇過碟底應該係利用磁石來運送，其實，送餐的飛碟都只不過係一隻碟加個矽膠蓋。
發生左小插曲：
我地咁啱坐左係送餐出口位，見有飛碟出來停左一陣又唔郁，光環又消失了很久，咪叫小王子拎起，以為係我地，點知店員臉有不悅，然後運輸枱光環突然著左，店員立即放下飛碟，但飛碟沒動，光環已跑，店員拎全飛碟追不到光環，唯有人手送餐給客人。
之後店員話唔好拎起會當機的，大佬你係旁邊又唔出聲，我地點知啫！
店員問我地係咪第一次來，然後講解，原來我地枱的飛碟是灰色，所以灰色先好拎。
orbit one奧彼文星球食研所
地址：壹方天地D區2樓023 (特斯拉樓上)
營業時間：1100 - 1430；1630 - 2200
