大頭蝦的我又忘記了簽了通告，當天小王子學校有活動要帶他回去，唯有打回學校取消回校，因為這個活動要家長帶，沒有的話就要留在家中，所以就帶埋小王子一起去。
第二日收到朋友通知她忘記了要陪阿爸覆診，咁我就要更改一下行程，我和小王子兩個上去玩。
今日我去〝1983創意小鎮〞，聽網友講話比較靜，有小王子陪我個心會定啲。
這小鎮由羅湖去比較近，我係木綿灣站B2出口，然後call車去，礙於返工時間，所以冇人接單，接左又被彈單，最後用左差不多20分鐘才有車。
師傅話這裡假日有好多人，平日就真係少啲。
鎮上有其他Cafe，但我選這間。
Gee Coffee Roasters(工坊店)
營業時間：周一至周五 09:00-19:00、周六,周日 09:00-20:00
地址：1983创意小镇19栋1楼GeeCoffee
店外有好多露營枱和櫈。
店內都是簡約風。
這間價格係有點貴，但杯啡係~值。
牛角包就普通，呢餐都要百幾蚊人仔。
我嘆完個早，就放低小王子係Coffee Shop開始他的Me Time，而我就周圍影相。
第一次在深圳飲熱的咖啡有拉花。
我專登行返出去影
這裡之前係有霓虹燈裝飾，現在拆卸了。
我揀了最近有星際傳奇的商場就是〝萬象匯〞。
這間第一次來，Counter設計好懷舊，全都是卡式機。
星际传奇 (布吉万象汇店)
營業時間：周一至周四,周日 10:00-21:30、周五至周六 10:00-22:00
地址：广东省深圳市龙岗区布吉街道罗岗社区翔鸽路2号(百鸽笼地铁站C出口)深圳布吉万象汇F4層
小王子例牌都係玩〝Pokemon〞，但今天運氣一般。
雖然自己一個人，佢都玩左幾鋪。
玩這部機，即是代表要煲機。
我自己去夾公仔，終於夾到。
見隻公仔幾靚又去夾下先。
走返去搵小王子，一齊煲機，我地中左Jackpot。
比我預期玩得耐，逗留差不多4小時，因肚餓原定去壹方天地吃午餐，現在改在這商場內搵食。
小王子揀左好耐冇食的〝歌志幹〞，果然沒有失望。
歌志軒
營業時間：1100 - 2130
地址：布吉万象汇B1層B104號商鋪 (近3號門)
食野時發生左少插曲，入到去幫小王子點完之後，我未諗到，職員話我諗到再叫佢。
我諗到食拌面，之前食過好味，然後落單，我的麵來到，但小王子的未到。
店員話拌面10分鐘內食是最好的，我話要等埋一齊影相先食。
過左一陣有點怪，無理由小王子的比我耐，而且單只有一個麵，於是再問店員，原來佢誤會左我意思，立即加單。
無辣不歡一人食A ¥62：火焰肉盛秘汁拌面配糖心蛋、搗蛋土豆沙拉、可樂
肉肉滿足一人食A ¥66.7：十時濃厚豚骨湯拉面、鹽酥雞米花、鴨屎香檸檬茶
我地食埋lunch再搭地鐵要到深圳北站轉車，真係好多人，上一班車的人都未上晒，好擔心上唔到車，我地唔行後面都迫我地入車廂，由龍華地鐵站行過來都係10分鐘到。
行去Round One途中見到它，我想試好耐，試食左有啱就買，我仲買多盒士多啤梨比朋友。
店員話零蔗糖，但點會甜呢？係代糖，但代糖都不多，主要係食物本身的甜。
零糖蓝袋blue bag 壹方天地店
營業時間：周一至周四,周日 10:00-22:00 周五至周六 10:00-22:30
地址：龙华街道人民路壹方天地B区L2层-002号商铺
我地係Round One玩左半小時就走，因為仲要去山姆，然後即興約左朋友食晚餐。
朗玩·轰趴馆
營業時間：1000 - 0200
地址：壹方天地C區1-3層
我用最快時間買我所要的東西，可惜都漏左一樣，唔緊要下次再買，不過，龍華呢間真係比較少人，行得舒服，離開山姆立即call車去晚飯地方。
山姆会员商店(龙华店)
營業時間：0900 - 2200
地址：梅陇路1111号壹成中心17地块E区L1-020号铺
我幾經辛苦先氹到老公上來一齊食飯，因為我買左野要人幫手拎。
白玉串城 (龍華民治店)
營業時間：1100 - 2400
地地：民塘路20-145上河坊內圍 (海底撈斜對面)
今日唔夠時間去買酸奶，好在朋友幫忙網上落單送去餐廳，仲要比平時平好多。
