香噴噴~紙包蛋糕 (內附食譜)

我成日都聽到阿婆係都包舖買紙包蛋糕吃，但上次我整既我不太滿意，因為老公&朋友都覺都唔熟，可以阿婆話好吃。有一次見到有個Blog友〝寶寶~紙包蛋糕〞個食譜好似比較我之前的〝紙包蛋糕〞簡單，所以見今日有D時間就整下，但原食譜做5個，而我做左6 1/2，可能係我每杯份量少D。  

不過，今朝要湊阿B去老公家，所以都係趁阿B訓左我先開始整。在預備焗的時候出現左一個小錯誤就係我預熱焗爐後，紙包蛋糕入爐就發覺點解個焗爐凍既？係咪壞左呢？點算好？後來發現白痴的我境然忘了開拖版的制，唯有再遲15分鐘先焗。    

雖然，有少錯誤但係都比我預期的快完成，不過，焗緊時我都好擔心這次都失敗，好在都成功。    

我諗住打電話問阿婆有冇吃〝紙包蛋糕〞，肥仔話阿婆話好食，但阿公話唔好吃，阿婆真係我個〝超級番薯〞，聽完後我立即找阿婆問問，阿婆話阿公不喜歡吃蛋糕的，而她覺得好好吃，還多謝我添！阿婆真係傻左，駛乜多謝我呢！  

我：咁我遲D再整過喇！  

阿婆：唔駛整喇！出街買。  

我：我整仲平過出街買，我有時間再整。  

阿婆：咁好喇！你有時間再整。  

紙包蛋糕  

材料：(5個) 

蛋白                 3隻  

蛋黃                 3隻  

糖            60g克     

低筋麵粉       35克  

牛油                  30克  

粟粉            17克  

雲呢拿香油   1/4茶匙

鹽                   少許  

做法：  

1.       牛油紙放好在蛋糕杯內或用muffin杯也可。  

2.       將20克糖跟蛋黃打至淺黃色，加入雲呢拿香油拌勻，備用。   

3.       將蛋白加入40克糖打至8分。  

4.       把蛋白糊分數次加入蛋漿內拌勻。  

5.       將麵粉、粟粉和鹽同時篩勻，加入蛋糊內，記得快手拌勻。  

6.       將牛油溶成液体，加入拌勻。  

7.       倒入杯內，約7-8成滿就好啦，唔係發起上黎就......  

8.       焗爐較190度，焗25分鐘，如表面未夠金黃色，可用200度焗1-2分鐘。  

 （我用150度預熱140焗,還是太猛了糕面燶了點）

混醬車仔餸 (內附食譜)

今朝阿媽飲完茶返嚟，走去我旁邊細細聲同我講買左，我話買左咩丫？哦！原來係魚蛋、牛丸整這款〝混醬車仔餸〞，佢講完我先醒起尋日叫阿媽買，自己都唔記得左。   

每次我都係在晏晝炆，然後夜晚開飯前煮滾，再用生粉將汁稠濃。我炆既時候阿婆走嚟又同講又做手勢~話D魚蛋發到好大粒，我話係咁架，但阿婆話比我聽時個樣好攪笑。   

上次肥仔話好似街邊車仔檔汁既味道~好，但今次我覺得冇上次咁好，同埋今次冇加辣椒，我覺得辣D好味D。各人都覺味道OK，我仲拎左大半盒比肥阿哥，留待明天肥仔過去，可以晚餐做餸，而我要執屋，還有其他事要做，要看看今晚進度如何才決定，明天還要早起陪老公去食早餐，老公明天要9點9去到〝欣奧〞集合。

混醬車仔餸  

材料：  

牛柏葉                  $33

蘿蔔                       $12 (2個)

牛丸                         1/2斤

魚蛋                         1/2斤

調味料：

沙茶醬                     3湯匙

柱侯醬                     3湯匙

蠔油                         3湯匙

糖                             3湯匙

辣椒                         適量 (隨個人喜好，可以不加)  

麻油                         適量

胡椒粉                     適量

清水                         適量

生粉                         適量

做法：  

1.       將材料洗淨，然後將蘿蔔皮削去，切件。  

2.       將蘿蔔放入煲內，加水剛蓋過蘿蔔，用中大火煲滾。  

3.       煲滾後再轉細火炆1/2小時。  

4.       加入魚蛋、牛丸、調味料再炆45分鐘。  

5.       然後再加入牛柏葉，滾後打茨熄火，即可。

椰茸檳 (內附食譜)

今日好忙，時間又趕，所以我整完後都未試過。我成個拎晒回家肥阿哥佢地都未試過，要遲D問下〝四大長老〞先。   

原本我是用一個長方蛋糕模&一個細的長方錫紙兜，因為我沒有方包模，所以我麵糰只是分切了2等份，但後來切左一半後，若焗完我怕高過個模，我就轉用一個大的錫紙兜將晒全部麵糰一次過焗晒。

椰茸檳

食譜來自：專業都包製作

材料：(約4-5個)

高筋粉              200克

砂糖                  40克

奶粉                  6克

吉士粉              6克

依士                  3克

溫水                  100克

牛油                  20克

蛋                      30克

椰茸檳餡材料：(約8-9個)

椰絲              100克

砂糖              70克

軟牛油          30克

蛋                  30克

椰茸檳餡做法：

1.         將全部材料攪勻便成。

做法：

1)      依士與溫水拌勻。

2)      其他材料同放盆內，之後加入依士水，再用手將所有材料攪勻。

3)      將麵糰倒出放在桌上，用手推開麵糰。

4)      將麵糰對摺(令麵糰產生筋性)或用力敲摔麵糰。

5)      再對摺至有筋性及不黏手。

6)      測試麵糰：搓至麵糰表面光滑，用手拉開時成薄膜狀即大功告成。

7)      盆內塗上一層薄固體菜油或溶牛油。

8)      將已搓滑的麵糰放入盆內，蓋上保鮮紙(以防表面乾硬)。

9)      將整盆麵糰放入另一個注入30℃-40℃溫水的盆內，發酵後的麵糰約成原來的2.5-3倍大。

10)   手指測試法：把手指插入根粉中，再將手指慢慢插入已發大的麵糰中，然後取起手指。

11)   若手指離開後麵糰仍留有手指形空隙，即表示第一次發酵完成。

12)   將麵糰分割成8等份。將每份麵糰輕輕拉長 (摺兩摺)。

13)    然後用保鮮紙包好麵糰，鬆弛10分鐘，將麵糰拉長壓扁，後分三折。

14)  參照基本麵糰製作至分割麵糰成8等份，鬆弛10分鐘。

15)  將2個麵糰拉長拍扁。

16)  掃上蛋液。

17)  均勻地放上椰茸餡。

18)  由上而下開始捲至尾。

19)  收口向下。

20)  用刀切成兩等份，但不要切斷。

21)  將麵糰從入扭各上，壓扁拉長。

22)  放入已掃油的4吋方包模內，蓋上保鮮紙作最後發酵，約30分鐘。

23)  發酵完成後，麵糰約成2-2.5倍大，掃上蛋液，放入預熱190度焗爐，約焗15-20分鐘。

牛油皮蛋撻 (內附食譜)

這個食譜都是係〝小魚〞的Blog內睇到的〝牛油皮蛋撻〞，但今次沒有上次〝D.I.Y. ※經典聖安娜蛋撻 、蛋糕仔 (內附食譜)〞的那麼好吃，所以只是影了2張相。   

這幅是老公說很像蛋糕幾得意，所以影下來，但我就覺得似〝蜜桃果撻〞多D。

這食譜可做10個撻，但我家人都已剛好10個人，我想請阿婆個朋友吃，她間中都會請我吃東西，所以我依這食譜做了2倍份量。  

牛 油 皮 蛋 撻 食 譜 ~ Recipe      

撻 皮 材 料 :  ( 10 個 份 量 )  

低筋麵粉 (薛好)        95 克  

有鹽牛油 (室温)           72 克  

糖霜                               25 克  

吉士粉 (免煮)                    12 克      

蛋 漿 :   

細雞蛋                            100 克  

糖水                                  100 克  

花奶 / 鮮奶                    100 克  

雲呢拿粉/油                     1/8 茶匙      

糖 水 : 沸熱水100 克 + 砂糖 40 克 = 糖 水      

蛋 撻 模 : 2.5 吋 ( 闊 度 )      

做 法 : ( 15 個 份 量 ) 

(1)  將低筋粉 + 糖霜 + 免煮吉士粉 (過薛) 及 牛油 (室温) 攪拌均 。  

(2)  將材料搓成麵團 及 分成 1 0 等 份 ( @ 20 克 )。  

(3)  將每個小麵團壓在撻模內及 撻皮按壓是否平均 。  

(4)  蛋 漿 :  雞蛋 (打散)  + 花奶 + 雲呢拿香油 (拌勻) 。  

(5) 將之前預備好糖水撞入蛋漿內 ( 期間不停攪拌勻) 。  

(6)  用隔薛 ~ 隔一次蛋漿 (令蛋漿滑身d ) 。  

(7)  倒蛋漿入撻模內至 9 成滿，以 160 度火 (底層) 焗 8 分鐘後，再轉 (中層) 焗5分鐘 。