萬聖節@K1

小王子第一年係學校開萬聖節派對，當然要打扮一下。

我又唔想買套衫，著一年又唔著好浪費，

我就問有做開手工既同事拎左啲物料，就自家製左最簡單既斗篷，手工都OK丫！

Playhouse@Mikiki

今日約左同事和舊同事，我地3個小朋友都係同一年出生的，間中都會約出來聚下。

之前有同事來過呢到話幾好又乾淨，所以我地都來試下。

我覺得食物比大樹先生好，價錢又唔貴，

因為大家都肚餓，所以野食我冇影相，仲見到有小朋友係到開生日會添！

學校開放日2017

今日係小王子學校開放日，我地都一齊返去玩下。

其中一樣係整有營麵包，主題動物，我唔知整左咩，但都唔錯丫！

迷你合桃酥 (內附食譜)

這個食譜我用過好多次，好易整，不過我就冇加合桃，因為我唔食囉！哈~哈~

迷你合桃酥

材 料：(17個份量)

低筋粉 (篩好)                150g 

梳打粉 (篩好)              2g

泡打粉 (篩好)              4g

水                                  15g

砂糖                              76g

固體菜油  / 豬油          76g

雞蛋 (打散)                  11g

蜜糖                              4g  (原食譜：糖漿)

合桃                               適量 (我沒有落)

掃面：

蛋黄液                           適量

油                                   少許

做 法 ：

1.          首先要預熱焗爐170度火/ 15分鐘及低筋粉、梳打粉、泡打粉(篩好) ~ 備用。

2.          將固體菜油 + 砂糖放入缸內用 (1號速) 打發至變成乳白色及糖完全溶。

3.          加入雞蛋 (打散) 用 (1號速) 攪拌勻 ，再加入糖漿 + 水攪拌勻 。

4.          加入巳(篩好) 低筋粉 + 梳打粉 + 泡打粉用 (1號速)攪拌勻及變成粗粉狀。

5.          將麵糰分成( 每粒重20g)à 搓圓 à 壓扁 à 用手指在麵糰中央位置按孔。

6.          用蛋黃液+油à 掃在麵糰上à放上合桃à再放入已預先鋪牛油紙在焗盤上。

7.          放入焗爐 (中層) 以 170 度火 / 焗27 分鐘 ( 請留意焗爐 ~ ) 。

韓式炒粉絲

之前學左咁耐，今日展身手，真係好味，有佢可以飯都不用煮，食佢就夠了~滿足。

韓國泡菜豆腐鍋 김치찌개 (內附食譜)

我真係超鍾意食韓國野，所以上網搵食譜整左呢個〝韓國泡菜豆腐鍋 김치찌개〞，老公唔多鍾意食韓國野都like。

韓國泡菜豆腐鍋 김치찌개

食譜來源：米桶亂亂做 

材料： ( 2人份 )

泡菜                              100g  (擠去湯汁)

五花肉                          150g

豆腐                              適量

洋蔥                              1/3個

鴻喜菇(或金針菇)       1包

蔥                                  2~3根

青辣椒                          1根

泡菜湯汁                      100ml

洗米水                          500ml

調味料：

芝麻油(香油)               1大匙

韓國辣椒醬                  1大匙

韓國辣椒粉                  1小匙

蒜泥                              1/2小匙

薑泥                              1/3小匙

※可依喜好酌量加鹽調味

※也可以再加1/2大匙的韓國大醬(味噌醬) 湯頭滋味更豐富

做法：

1.泡菜切成一口大小；五花肉切片；洋蔥切絲；蔥切段；青辣椒切斜片

2.將泡菜、五花肉、洋蔥、調味料放入砂鍋內，用小火拌炒到肉變色

3.接著放入泡菜湯汁、洗米水，煮滾後轉成小火，續煮約15分鐘

4.再加入豆腐、金針菇、青辣椒，等湯汁煮滾，即完成

 小米桶的貼心建議

◎豬肉帶肥肉較佳，與酸酸的泡菜非常對味，吃起來香而不肥膩

◎泡菜越酸越適合用來煮泡菜鍋，若用的泡菜不夠酸，可加點白米醋

小米桶的貼心建議

◎泡菜鍋的湯汁可用小魚乾高湯，或是清水+牛肉粉(或雞精粉)替代

    但是 用洗米水煮出的湯汁，較濃郁好喝 (米湯有點點薄薄勾芡效果)

◎洗米水的做法：洗米時第一遍的洗水倒掉不要

    洗第二、或第三遍的時候，稍微用手搓米粒，讓水變白，再留下水煮湯

◎蔬菜配料可依喜好自由搭配

◎我喜歡打入一顆雞蛋煮至半熟，雞蛋可以讓泡菜湯喝起來更溫順

    就好比煮泡麵時打入一顆蛋，味道會更香更好吃

燈籠@K1

收到小王子學校通告，盡量環保整燈籠。

第一次整親子功課，我上youtube搵到呢個燈籠，

所以叫同事有杯用完就留比我，而我自己都食麥當勞早餐飲咖啡儲杯。

我需要燈膽，咁要去文具舖買燈籠先得，想買個平平地，但小王子就揀個貴，

好在文具舖個人聽到我講只係要燈膽，於是店員就拎左一箱燈膽比我揀，

都只係$10，可以慳返幾十蚊。

尋晚8點幾開始整，估唔到整左我幾個鍾，

起初用AA膠、雙面膠紙都黏唔到，最後用左釘書機釘住。

杯上既裝飾係小王子自己貼上，我覺得亮燈後靚好多。

撞穿頭

8月29日

夜晚小王子係床跳跳下瞓低砰一聲好似開椰子咁大聲，撞左落窗台條膊仔到，我立即抱起，起初冇血，再睇下啲血係個傷口到湧出來，我臉和手都是血，見到裂縫有半至一吋。

我當時好冷靜用紙巾按住傷口，再叫老公立即去換衫，然後到我換衫，飛的去急症，已分流等叫名，傷口仍有少少流血。

其實，已經叫左佢唔好跳，係唔聽，砰一聲仍在我耳中，真的很響，真的好奀皮，撞到喊左幾聲，痛都冇再喊。

唔想佢落阿爺到怕又整到，所以我請2日假，下星期到老公請2日陪住小王子。

8月29日
今日去左學校話比老師知，學校要佢拆線先可以返學。
買早餐見到放學，我心有點唔開心，始終人生第一次，問佢有冇唔開心～點頭，但見佢個樣又冇野。
尋日仲想係床跳，被我叫停，真係唔識死

9月4日

今日老公帶小王子去拆線，傷口已埋口，希望唔會再整到。

章魚小丸子 (內附食譜)

之前係萬寧換左個〝recolte〞小電鍋，跟住我買左個小丸子烤盤，趁今日有朋友來可以一齊食，因為老公唔食，雖然我鍾意食，但一個人邊食得晒。

我份量整左一半，一半都有十幾粒。

我就係用這些材料整。

章魚小丸子

材料：

章魚粉            1包

水                    510毫升

蔥花                適量 (可以不加)

八爪魚粒        適量 (亦可配蝦或三文魚)

做法：

1.          將章魚粉、水、雞蛋、蔥花拌勻至冇粉粒。

2.          包裝袋內有包黃色袋的糖狀物也加入拌勻。

3.          小電鍋開3度，預熱2分鐘，丸子盤抺油。

4.          倒入粉漿至剛好滿，每個丸子放入八爪魚一粒，靜待約3分鐘。

5.          把每粒丸子翻起半企，再倒入粉漿至7分滿。

6.          把整粒180度翻轉，重複轉至外層焦香。

7.          加上隨包裝的海苔粉，另隨意加木魚碎、紫菜碎，淋上丸子醬和蛋黃醬，即成。

發燒住醫院

8月1日

中午開始發燒39.5，食左退燒藥，幾小時後到診所38.5，姑娘立即比戴😷。

又係傷風感冒，有6支藥水，用針筒食，每次一野啪晒入口，快到有影，

食到毑口毑面都唔飲水，當食晒全部藥先飲水，真係好抵讚。

8月2日

燒還未退，尋日唔太肯食野，今日胃口好啲，

但開始有鼻水，食完早餐回家去，跟住全日都在家。

8月3日

真係好擔心，仍未退燒，情況嚴重左，鼻盟左，鼻水多了，咳也是。

今日唔肯食藥，喊到眼都腫左，樣好攰，但仍有活力，希望快啲好。

8月5日

尋日已經去左一次急症，取藥走了。

今日零晨2點幾高燒，塞肛，到5點幾又咳又嘔又唔退燒，

耳仔又痛勁喊，立即再去急症，睇完要留院。

隔離中，等抽血、鼻水，唔可以食野，不停叫食通粉和麵包。

食左特敏福、抗生素，又抽左血和鼻涕。

驗血睇下係病毒感染 or 細菌感染。

鼻涕，睇下係咩型流感。

驗左尿，缺水。

鼻涕已有結果：呼吸道合胞病毒感染。

姑娘話咁就解釋到點解咁，徵狀發燒、咳、鼻水，阿仔已經齊，

仲差未痾，所以之後就會痾，仲要病約2星期。

傳播途徑：直接接觸患者的分泌物、飛沫傳染，

或通過染污的手、食具或剛接觸染有患者鼻分泌物的物件而間接傳播。

退左又燒番，已食退燒藥。 

情況好了點。 

8月6日

沒有再燒，今日嘔過，但可以出院了，要覆診。 

母乳梘@第3次 (內附配方)

我係facebook既媽媽牌既group睇到有人分享左2個母乳梘配方，我就用左配方1。

又係拎住個配方去表姐到，就開工喇！

母乳皂小教學

配方1：總油量1000克

椰子油12%             120克

硬棕櫚油5%           50克

橄欖油72%             720克

乳油木果脂5%       50克

篦麻油6%               60克

NAOH                       142克

水量                         312毫升

INS (硬度)：130

做法：

1.      先將冰母乳所需的份量量好，再放進玻璃瓶或不锈鋼杯。

2.      將硬油(例：乳油木、椰子油、棕櫚油‧‧‧等)量好隔水加熱，等待油降溫再加入其他液態油。

3.      把氫氧化鈉慢慢地一點點加刑冰母乳裡，記得一定要一次一點點！否則容易燒焦母乳蛋白質。在融化過程可以準備一個大盤加水和冰，讓奶鹼降溫。

4.      等油溫溫度下降到35度左右就可以開始混合了，奶鹼慢慢的加到油裡，不要一次全倒入。

5.      在油與奶鹼混合後十分鐘完全手攪，這時的動作很重要。充份的攪拌可以讓奶鹼與油充分混合，若手累了可以使用電動攪拌器輔助一下。一定要有耐心慢慢攪，攪拌時間約30分鐘，不要太心急。

6.      當攪拌到在皂液表面畫〝trace〞(即有8字型有紋路)時就可以加入想加的添加物(如：精油、粉類)不同油品trace時間會不同。

7.      充分混合完畢後就可以入模，乳皂不需保溫，若可以的話做完時建議先放在冰箱24小時，以免造成溫度過高造成火山現象。

8.      等乳皂變硬後就可以脫模切皂。

9.      切完皂後再將皂放到通風陰涼處繼續皂化，等皂體較乾燥後再進行包裝動作。