百爵香滑奶茶 (內附食譜)

每日老公都要飲一杯奶茶，所以我一直都有搵奶茶點樣製造，好可惜一直都冇收穫，幾經辛苦搵到一個，但要用2隻茶葉，我問過人又搵過都並無所穫。   

我未結婚前都曾經自製過奶茶比老公飲，同屋企都有飲過架！佢仲話我知係要用2種茶去沖添！所以我就買左2款茶包去沖，但總與街的是兩回事。   

今日係我與老公〝結婚4週年〞，就係今日我就泡製左一杯老公很滿意既奶茶，佢話好似街既〝冰鎮奶茶〞，嘩噢~好開心丫！   

我用上次整〝綠茶奶茶慕絲蛋糕〞剩下的伯爵茶包沖，只是用一種茶就攪掂，老公仲order我明天沖一杯比佢，再加2件奶油包做早餐，我望左佢係屋企食早餐好耐架喇！終於比我望到。

百爵香滑奶茶

材料：

百爵紅茶 (Earl Grey Tea)     3包

水                                            225毫升

花奶                                        100毫升

煉奶                                        隨個人喜好

做法：

1.         將水注入煲內，再放入3個茶包煲至沸騰。

2.         再蓋焗3-5分鐘。(重覆此動作3-4次)

3.         杯內倒入花奶，然後撞入滾茶。

4.         將煉奶放入奶茶內。

5.         放涼後擺入雪櫃，待冷凍。

貼士：

l   雪凍後會甜D，所以不要加得太多煉奶。

綠茶麵包~湯種 (內附食譜)

晏晝2點幾趁阿B訓左就走人，因為鮮奶今日到期，我想睇下有咩整，唔好嘥左盒奶吖嘛！   

我係我既食譜資料庫內搵到呢個食譜，不過，我改左少少野！個食譜都好耐架喇！耐到得返個Hard copy，而個Soft copy都搵唔返。   

老公放工返來就叫佢試食，但老公唔多鍾意食，因為呢個包係鹹既，我仲以為係甜既添！我都忘記左食譜有鹽，唯有等明天再收集意見喇！

綠茶麵包~湯種

湯種材料：

高筋麵粉              15克

滾水                      70克

做法：

1.         將高筋麵粉和滾水撈勻便可。

材料 A：

高筋麵粉              237克

綠茶粉                  3克

快速乾依士          5克

鹽                          3克

砂糖                      30克

奶粉                      12克

材料 B：

牛奶                      100克

湯種

材料 C：

無鹽牛油              25克

做法：

1.         將〝材料A〞混合，加入〝材料B〞，當搓至有筋性後加入〝材料C〞。

2.         搓至有筋性和不黏手，並可拉出薄膜。

3.        盆內塗上一層薄固體菜油或溶牛油。

4.        將已搓滑的麵糰放入盆內，蓋上保鮮紙(以防表面乾硬)。

5.        將整盆麵糰放入另一個注入30℃-40℃溫水的盆內，發酵後的麵糰約成原來的2.5-3倍大。

6.        手指測試法：把手指插入根粉中，再將手指慢慢插入已發大的麵糰中，然後取起手指。

7.        若手指離開後麵糰仍留有手指形空隙，即表示第一次發酵完成。

8.         將麵糰分割成9等份。將每份麵糰輕輕拉長 (摺兩摺)。

9.         用保鮮紙包好麵糰，鬆弛10分鐘。

10.    將麵糰放桌上打圈滾圓，把氣擠出，搓成表面光滑結實的球形。

11.    放在已掃油的焗盆上，蓋上保鮮紙作最後發酵，約45分鐘。

12.    發酵完成後，麵糰約為原本的2-2.5倍大。

13.      然後放入預熱200度焗爐，焗10-15分鐘。

綠茶奶茶慕絲蛋糕 (內附食譜)

這款蛋糕我係網上搵到好耐，今日有機會試下，但老公唔飲得咖啡，佢話一飲就會嘔，所以為左佢我改為綠茶。 

今次呢個蛋糕大家都覺得唔錯，至Fit姐姐仲好鍾意添，佢仲話若果Tea既時候吃它再加杯咖啡就~Good，不過，老公就唔鍾意，因為佢話唔喜歡吃Jelly類既野，同埋佢叫我整D正常既蛋糕喎！呢款有咩唔正常呢？     

原食譜用〝錫蘭紅茶〞，但我係〝百佳〞搵唔到，我改為用 〝伯爵紅茶~Earl Grey Tea〞一樣都OK。

綠茶奶茶慕絲蛋糕

杏仁蛋白餅材料：(6吋份量)

蛋白                   1 1/2隻      

砂糖                17g

杏仁粉           23g      

糖霜                11g   

低粉               11g

做法：

1)     砂糖分幾次加入蛋白打至有光澤及立角。

2)     將所有粉類過篩後慢慢加入1拌合。

3)     取1cm圓口花咀裝入麵糊，在烤紙上唧上直徑5吋半的圓一個。

4)     表面撒入糖霜 (份量外)，180度烤15分鐘至表面著色即可。

綠茶慕絲材料：

牛奶                        141ml

蛋黃                        1 1/2個

糖                             28g

低粉                        7g

粟粉                        7g

魚膠片                    5g

淡忌廉                    141ml

綠茶粉                    1湯匙 (亦可因個人喜好增減)

做法：

1)     蛋黃加入1/2糖拌合，再加入低粉及粟粉。

2)     鍋內加入牛奶，煮熱後加入綠茶粉及剩餘糖加熱至沸騰。

3)     將2倒入1中伴勻後，再回鍋中加熱至濃稠。

4)     熄花後加入泡軟的魚膠片再隔冰水降至人體溫度左右。

5)     加入1/3打起的淡忌廉，充分混合後再加入剩餘的拌合。

奶茶慕絲材料：

牛奶                        141ml

蛋黃                        1 1/2個

糖                             28g

低粉                        7g

粟粉                        7g

魚膠片                    5g

淡忌廉                    141ml

伯爵紅茶                3包 (亦可因個人喜好增減)

做法：

1)     蛋黃加入糖拌合，再加入低粉及粟粉。

2)     鍋內加入牛奶加熱至沸騰，然後加入茶包煮半分鐘。然後加蓋焗約3分鐘。
(如有時間可重覆此動作2次。)

3)     隔起茶包，將2倒入1中伴勻後，再回鍋中加熱至濃稠。

4)     熄花後加入泡軟的魚膠片再隔冰水降至人體溫度左右。

5)     加入1/3打起的淡忌廉，充分混合後再加入剩餘的拌合。

組合：

6吋模中加入一層杏仁蛋糕，倒入綠茶慕絲雪至凝固，再倒入奶茶慕絲雪至凝固即可。

註：

拿走茶袋後緊記把剩餘的水份渣出。

http://home.netvigator.com/~pripri0126/cake_coffeemilk.htm

芝士腸仔包 (內附食譜)

前幾日已買定芝士腸預備今日整〝芝士腸仔包〞，今次整得好成功，我與老公每人吃左一個，剩下4個明天拎去比佢地食，但係唔記得用湯種整，明天實冇咁軟熟。一陣熊貓姐姐會來，等佢試下比下意見先。   

我：好食，食完想再食，味道好似小時候麵包舖既Feel。 

老公：好食，好似街果D。

芝士腸仔包

材料：(6個)

芝士腸                     6條

高筋都粉                 200克

砂糖                         30克

奶粉                         6克

依士                         3克

溫水                         100克

牛油                         25克

蛋                             30克

鹽                             1克

做法：

1.         磅好材料。

2.         依士及溫水拌勻。

3.         其他材料同放盆內。

4.         加入依士水。

5.         用手將所有材料攪勻。

6.         將麵糰倒出放在桌上。

7.         用手推開麵糰。

8.         將麵糰對摺(令麵糰產生筋性)。

9.         或用力敲摔麵糰。

10.     再對摺至有筋性及不黏手。

11.     測試麵糰：搓至麵糰表面光滑，用手拉開時成薄膜狀即大功告成。

12.     或噴一層菜油。

13.     將已搓滑的麵糰放入盆內。

14.     蓋上保鮮紙漿廠以防表面乾硬)。

15.     將整盆麵糰放入另一個注入30℃-40℃溫水的盆內，發酵約1小時。

16.     發酵後的麵糰約成原來的2.5-3倍大。

17.     手指測試法：把手指插入高筋粉中。

18.     將手指慢慢插入已發大的麵糰中，然後取起手指。

19.     若手指離開後麵糰仍留有手指形空隙，即表示第一次發酵完成。

20.     將麵糰分割成6等份。

21.     將每份麵糰輕輕拉長(摺兩摺)─第一摺。

22.     第二摺。

23.     分割6等份用保鮮紙包好麵糰，鬆弛10分鐘。

24.     將麵糰放桌上打圈滾圓，把氣擠出。

25.     再搓成長條狀包捲芝士腸，頭尾收口朝下。

26.     置於已掃油的烤盤上，蓋上保鮮紙作最後發酵，約30分鐘。

27.     發酵完成後，麵糰約為原本的2-2.5倍大，掃上蛋液。

28.     放入預熱190度焗爐中層焗16分鐘，再轉上層焗約2-4分鐘或表面金黃色。

 

炸炸雞軟骨 (內附食譜)

之前食〝減肥餐〞時，用剩左D雞軟骨放左係冰箱，減肥時整親都係炒。

今日晏晝吃飯時就拎嚟炸左佢先！我好鍾意食炸雞軟骨架！   

我係網睇過用澄麵做炸醬係會脆D，不過，今次我冇整炸醬，只係就咁撈一撈啫！

炸完就〝點〞沙律醬~Yummy！

炸炸雞軟骨

材料：

雞軟骨

醃料：

椒鹽

胡椒粉

澄麵

做法：

1.         先將雞軟骨洗淨、隔去水份。

2.         加入椒鹽、胡椒粉撈勻，然後再加入澄麵撈勻。

3.         筷子放入熱油中，見升起泡泡，即放入雞軟骨。

4.         用小火炸，差不多熟改用中火，上碟即可。

貼士：

l  椒鹽~可以改用鹽、淮鹽‧‧‧。

l  澄麵~可以改用麵粉、粟粉、生粉，用澄麵可以令表面更脆。

l  臨離開滾油前改用大少少火，目的將食物內的油迫出，使食物更香脆。

起士小丸子~直接法 (內附食譜)

今日跟〝特色麵包自己做〞整左〝起士小丸子〞，不過，整既時候有D阻滯，因為我都未搓到起薄膜高達叔叔就到，所以我放左入雪櫃，再等我食完野返嚟再繼續整。   

我個麵糰冇跟書既做法，我依舊用番舊既方法做，而食譜個麵糰做法 〝基本麵包攪拌：直接法〞，我跟原食譜用左1/4份量做左4條。我唔知係咪有低筋粉，所以唔係發得好大。大家試食後都唔係太鍾意，焗完又與書唔多似。   

老公：麻麻地，好硬。   

高達叔叔：怪怪地~皮脆，而內裡就軟。   

我：我覺得似鹹豬仔多D。   

呢幅就係書既製成品勒！係咪差好遠呢？

起士小丸子

食譜來自：特色麵包自己做

材料：

高筋麵粉                             125克

低筋麵粉                             25克

起士粉 (帕米森起士)        12.5克

鹽                                         2.5克

水                                         91克

快發乾酵母                         2克

作法：

表單的頂端

1.          將依士及溫水拌勻。

2.          其他材料同放盆內，加入依士水。

3.          用手將所有材料攪勻，將麵糰倒出放在桌上。

4.          用手推開麵糰，將麵糰對摺(令麵糰產生筋性)或用力敲摔麵糰。

5.          再對摺至有筋性及不黏手。

6.          測試麵糰：搓至麵糰表面光滑，用手拉開時成薄膜狀即大功告成。

7.          盆內塗上一層薄固體菜油或溶牛油或噴一層菜油。

8.          將已搓滑的麵糰放入盆內，再蓋上保鮮紙(以防表面乾硬)。

9.          將整盆麵糰放入另一個注入30℃-40℃溫水的盆內，發酵約1小時。

10.       發酵後的麵糰約成原來的2.5-3倍大。

11.       手指測試法：把手指插入高筋麵粉中。

12.       將手指慢慢插入已發大的麵糰中，然後取起手指。

13.       若手指離開後麵糰仍留有手指形空隙，即表示第一次發酵完成。

14.       將麵糰分割成4等份 (每個59克)，稍整型成長型後鬆弛20分鐘。

15.       擀成長約20公分的長方形後，捲起成20cm之長條，置於烤盤上。

16.       發酵30分鐘後，用手刀切成8段(不要切斷)。

17.       再發酵20分鐘後，表面噴水，以190℃約烤焙15分鐘。

 

Tips：

若使用的烤箱備有蒸汽，則可於進烤箱時，再噴一次蒸汽。