D.I.Y. ※經典聖安娜蛋撻 (內附食譜)

蛋撻我可以一次食2-3個，其實食4個都得，但自從減肥就冇食過，因為怕肥。

今日個心囉囉攣都係的起心整，趁我可以食野果段時間整。

我之前係Yahoo Blog到寫Blog認識到個Blog友，呢個食譜係佢的。

我用以下食譜整一半份量，整左4個，同老公每人2個，一次過K.O.晒。

換左新焗爐第一次焗，下次不用開咁大火，好在昅住，見個皮有少少燶，立即教細啲個火。

唔知係咪太耐冇食，覺得超好味，撻皮有剩，我整左塊細曲奇。

老公話同街既一樣。

D.I.Y. ※經典聖安娜蛋撻

撻皮材料：(10個份量)

低筋麵粉 (薛好)               170 克

牛油                                    90 克

砂糖                                    40 克

雞蛋                                    12 克

淡奶/鮮奶                           8 克

蛋漿材料： ( 10個份量)

雞蛋                                    160 克

砂糖                                    80 克

淡奶                                    50 克

水                                        210 克

蛋漿做法：( 10個份量)

(1)     用火煮溶砂糖，待涼。

(2)     雞蛋 + 淡奶 (拌勻) ，撞入糖水 ( 不停攪拌勻) 。

做法：( 10個份量)

(1)     將低筋粉 (過薛) 及 牛油 (室温) 及 雞蛋 (打散)。

(2)     將牛油 (室温) + 砂糖放入缸內用打蛋器打拌至發白泡 。

(3)     加入淡奶 及 雞蛋 (打散) 攪拌勻，然後加入低筋粉搓成麵團 。

(4)     用袋裝起放入雪櫃冷藏 1 小時 ，取出麵團擀至6mm (厚度) 。

(5)     用撻模吸出一個個撻皮形狀 ， 將撻皮放入撻模中及撻皮圍邊高度要高過撻模邊5mm 。 <<<  注意撻皮厚度要平均 >>>

(6)     用隔薛 ~ 隔一次蛋装漿 (令蛋漿滑身d ) 。

(7)     倒蛋漿入撻模內至 9 成滿，以 250 度焗 15 分鐘至熟透 ( 即可 ) 。