窩蛋免治肉醬飯 (內附食譜)

小王子好鍾意食大家樂的〝窩蛋免治肉醬飯〞，我都好鍾意食，所以佢叫它做〝媽Mi飯〞。

老公問過點解咁鍾意食？小王子話因為不用咬，而且冇餸。

我地都明既，可能因為佢下面冇左4隻大牙不能磨碎食物，佢自己都話只係用門牙食野。

醬汁可以去〝意式肉醬意粉〞睇，係一樣的，我想多啲汁，所以再自行調教左，份量就係下面。

老公話同街既一樣，而小王子話唔鍾意食，原因係有番茄皮，咁下次起埋皮囉！真醃尖。

窩蛋免治肉醬飯

材料：(1大人+1小童)

米                                    2/3嘜米

蛋                                    1隻

免治肉醬做法：參考「肉醬意粉」

醬汁材料：

茄醬                                1茶匙

水                                    125毫升

糖                                    1茶

鹽                                    1/4茶匙

生粉                               適量

茄醬製法：

1.          米煮成飯，備用。

2.       免治肉醬加入醬汁，兜勻。

3.       最後加入生粉水，備用。

4.       滾油，大火煎蛋，備用。

5.          飯+醬汁，最後加上煎蛋，即成。