雪糕吐司 (內附食譜)

記得2011年係台灣Dazzling食過蜜糖吐司就愛上，仲決定一定要整。

前日整左個〝皇牌鮮奶吐司@迷你版〞就係為左今日，多年後今日終於實現。

小王子超鍾意，麵包加雪糕真係好好食，我地食完都有點滯滯地。

雖然好食，但唔知幾時先會再整，因為要整方包先，都比較花時。

之前有諗過去麵包舖買未切的方包，但覺得人地唔會賣比我，等我搵日厚臉皮去麵包舖問下，咁樣隨時都有得食。

雪糕吐司

 

材料：

吐司 (半條)             225克

雪糕                         適量

楓糖漿                     適量

彩針                         適量

生果                         適量

植物牛油                 適量

油                             適量

 

做法：

1.          吐司切去頂部。

2.          用刀插入吐司內介一個四方形。(刀不要插太深小心穿底)

3.          介的方形外圍攝入3-4隻手指，輕輕向內挖，取出手指，再攝另一邊挖。

4.          (可間中捏住兩邊輕輕扭動幫助脫出，小心不要太大力以免穿底)

5.          取出麵包肉，將麵包肉切成小四方形，然後沾上油。

6.          (不要沾太多油，食落會好油膩)

7.          小四方形和麵包頂部一同焗。(麵包頂部白色向上，不用搽任何野)

8.          用200度，焗5分鐘，再返轉焗2分鐘。

9.          麵包外殼內薄薄搽上一層植物牛油。

10.      用200度焗5分鐘。

 

組合：

l   待全部麵包已放涼，小四方麵包放回麵包殼內。

l   放上雪糕、楓糖漿、彩針、生果。

l   將麵包頂部放在旁裝飾