踩單車@將軍澳

尋日返左娘家食飯，食完飯肥阿哥約今日去踩單車，咁緊係好喇！

自從小王子出現後就冇踩單車，因為小王子唔識踩。

我地去左將軍澳踩單車，我都係第一次嚟呢到踩。

我地約左早上十點半係香港單車館等。

 

單車館附近有得租單車，不過今日加左價，我地時租還車先計錢。

我地係單車館外圍踩左一陣就去單車徑。

我人生第一次踩一字一頭，以前踩開BMX㗎嘛！估唔到單車舖冇BMX，我又唔踩得小朋友單車。

小王子第一次踩這款輔助輥單車，係單車館外圍時已經話攰，咁樣佢點學2個輥呢？唉！

沿途風景都好靚，全都是海景。

休息一陣，大細孖和肥阿哥就踩私人單車。

我地踩左2個鍾就回程了，還車後就去香港單車館睇下，呢到單車入得，但唔可以踩。

平時係用來做羽毛球場。

我斷食早餐都未食就做運動，而家好肚餓要去食野了。

我剧左個扒都唔飽，回到家再食過。