Goobne Chicken‧大館‧Don Don Donki

今日原本留在家中溫書，因下星期二小王子第一次中文默書。

不過，銅鑼灣開左Donki，今日就抽空帶小王子去逛逛，因為佢去過大阪Donki就愛上。

早上溫完書，就出發去食野先，今早在家時我已在Openrice apps book左位，仲有全單85折。

我揀左中環的Goodne Chicken，係韓式炸雞。

Goodne Chicken

電話：2907 2323

營業時間：11:30 - 2300 (星期日至四)、1130 - 00:00 (星期五、六)

地址：中環威靈頓街2-8號威靈頓廣場M88 5樓

官方網址：http://goobne.hk/english.do

老公知我鍾意食韓式粉絲，所以order左。

我覺得份量有點少，價錢都唔平，不過，小王子話牛肉好味。

我和老公本想叫Half-Half，可以同時食到2種味，但小王子要〝黃金脆烤雞〞Half-Half冇呢隻味。

小王子又讚隻雞好食，梗係喇！佢食晒2隻脾，最嫩部份，不過，隻雞確真好食，連老公都讚就知，但都係果句覺得有點貴。

現在的小王子可能受我感染，出街通常都會帶相機，佢影完食物又叫我幫佢影相，我話得媽Mi幫你用電話影喇！

今日我都冇帶相機，因為周身骨痛想輕便一點，而家用電話影都OK，但我始終喜歡用相機影。

食完就行去Donki，路過石板街，小王子覺得好新奇，因為佢第一次來到。

佢一支箭半跑就上到去，我和老公就慢慢行。

小王子攻頂後又想去返起點，我當然冇問題喇！不過，你要自己去，佢立即起動。

老公唔放心，佢雙眼從冇離開過小王子，我就放手不管。

小王子行完石板街，老公轉身就見到大館，順手去行下先。

大館都冇咩特別，真的來一次就夠了。

小王子大館不停跑，仲話下次要再嚟！睇下佢幾開心。

行完大館就到今日的主菜~Donki，要係側邊後門排隊入，好在都好快，比上次銅鑼灣快。

一入到去就係地庫層，大致同其他店一樣，不過，上一層就要行樓梯，呢到冇扶手電梯，而且冇小朋友的購物車。

小王子揀緊小息零食，不過，有啲貨比外面貴，有啲就差不多。

出到去見到佢，小王子立即排隊集郵。

我地覺得呢間唔好行，都係喜歡荃灣和銅鑼灣，尖沙咀冇去過，因為同事話店細，而且冇小朋購物車。

今日係Donki的戰利品。