韓式辣雞鍋 (內附食譜)

今晚小王子食〝粟米肉粒飯〞，咁我地兩公婆可以食啲辣野喇！

我都係跟營養師煮〝韓式辣雞鍋〞， 覺得有點似係韓國食既春川炒辣雞咁~正。

我買唔到薯粉，用左蒟蒻粉皮。

我記得家中韓國辣椒膏好似唔多，但又買唔到。

煮既時候真係得返一湯匙，我用日本白味噌代替果2湯匙，煮出來味道唔錯啵！辣度都夠。

韓式辣雞鍋

食譜來自：

材料：(2人份量，540千卡)

雞脾肉                         120克

洋蔥                              1/3個

椰菜                              1/3個

紅蘿蔔                         1/3條

薯粉                              1碗

油                                   1茶匙

雞件醃料：

生抽                              1茶匙

老抽                              1茶匙

生粉                              1茶匙

上湯調味料：

韓國辣椒膏               3湯匙

雞粉                              1/3茶匙

代糖                              1茶匙

水                                   250毫升

做法：

1.       雞脾肉洗淨，瀝乾，切件，用雞件醃料醃好。

2.       洋蔥去衣，與椰菜一起洗淨，瀝乾，切件。

3.       紅蘿蔔去皮,洗淨，瀝乾，切片。

4.       燒滾水，灼熟薯粉，盛起，放於冷水過冷河後，瀝乾，盛起。

5.       燒熱易潔鑊，下油，炒香洋蔥件，放入雞件炒至金黃色後，加入椰菜件，紅蘿蔔片和上湯調味料，待紅蘿蔔片發椰菜件煮至軟身後，加入薯粉煮約1分鐘後，盛上鍋，即成。

小煮意：

·         調教韓國辣椒膏及代糖的比例，可烹調出不同程度的辣，配合不同人士之口味。

·         若你愛辣中帶甜，可加入南瓜粒以增添天然甜味，但需要留意當南瓜粒煮爛後會令汁變濃，容易煮焦，用慢火煮發當汁變杰身時，加入少許水份煮，會避免此情況出現。