老公生日+Staycation@Day 1

今日老公生日，因疫情冇得去旅行，就不如Staycation，我地都係第一次咋！

老公之前見到Youtuber介紹大澳下午會有義工餵貓，所以我地就揀左〝諾富特東薈城酒店 Novotel Cityate〞。

今早10出門口搭車去東涌，落車就去酒店放低行李先，然後今晚回來先Check-in。

估唔到一去到酒店就立即可以Check-in，可能疫情少遊客，我見其他人都係一來到就可以check-in。

我用hotels.com book房，當時我註明係老公生日，所以明天可以下午2點先 check-out。

上房整理好後就去搭車入大澳了。

今次食野的地方之前都有介紹過，想知地址可以去之前的post睇返。

我地前日先話小王子知道今日的行程，佢一知道就話要食大大魚蛋了。

我地隨左食大大魚蛋之外，仲有食墨魚。

我怕豆腐花落糖甜，所以我叫左黑芝麻溝豆腐花，我冇落糖。

仲有我一個人食左2粒糯米滋，原本一粒留明天吃，但都係忍唔住食埋。

今日天陰陰有風，次次入大澳都熱到嘔，終於有一次舒服啲嘞！

叫小王子影相又唔正經。

今日大澳都多貓，但顏色都係差不多，睇相緊係以為同一隻，其實唔同架！

小王子係一間店外玩貓，店內有人出來用不友善的眼光啤住小王子，然後〝殊〞小王子。

可能小王子扮左2下貓叫，我已叫左佢安靜，店員可能覺得佢嘈掛，但其他人都有發出聲音。

之後店員又再回來，然後叫左個名，同小王子玩緊既貓就返回去了。

沙翁要$13一個，仲要拎左籌等叫，到你既時間先話佢知要幾多個。

記得問店員取籌號，頭先唔識我企係到等，店員又忙緊，被人遲來先上岸。

不過，唔緊要最緊要有得食。

今次呢檔燒魷魚又幾好食啵！價錢又唔貴，以前都唔見有呢檔，係郵局向少林寺方向就見到。

等緊燒魷魚時，小王子又同另一隻貓玩。

我地3點幾就閃人，冇等義工餵貓，因為小王子想返酒店嘆下。

今朝check-in時職員話由於疫情唔送上房，所以老公既 Birthday Cupcake要自己去餐廳取。

酒店都幾好附上需要的用品，不過老公和小王子都唔like個cupcake，佢地話唔好食。

酒店房個景觀都幾好，而且房與手洗間有個趟門，拉開就一眼睇晒，隔住玻璃的不用怕會沖涼時弄濕。

洗手盆下仲有個環保垃圾桶，有回收的東西可掉入去。

頭先問職員會否比多一張匙卡，職員話是有2張的，以前得一張，我太耐冇住酒店了。

上到房仲有一張已插在係開關制上，真係好。

之前老公話唔係酒店食Dinner Buffet，後來又唔知食咩都係係酒店食算。

5點幾落到大堂已排長龍，走去前枱問，Dinner Buffet已經full晒了，唯有外出搵食。

後來發現酒店Dinner Buffet好平，唔怪之得咁多人喇！

我地係商場周圍行搵食，最後係Openrice開到之前係中環食過的韓餐，上次小王子勁Like，咁我地就食佢喇！

斷食的我要破戒了，陪老公飲左杯特食+啤酒~超好飲。

不過，唔知點解部隊鍋的麵好少，自己煮就可以落多啲。

睇下小王子食得幾滋味。

食完行一陣就回酒店休息。