老公生日+Staycation@Day 2

今次book酒店包3個人早餐Buffet，我地9點幾落去食，星期六可以食到11點。

款式唔中等，唔算多又唔算少，仲有幾款熱盆，但冇影相。

我第一碟早餐就係高卡的酥皮麵包，我一個人K.O.晒，因為我至愛，我仲諗緊可能食多轉。

之後又自製炒麵蛋沙律多士，食左2轉好好味。

老公食左碗米粉佢都話OK，碗粉旁有杯豆漿，本人覺得唔錯，所以我飲左2杯，唔太甜又熱。

穀類早餐可以加奶、豆漿，仲有款忘記了。 (左圖)

飲品有橙汁、蘋果汁、奶茶，仲可以自己加珍珠變珍珠奶茶，奶茶應該都OK，因為老公添飲。 (中圖)

乳酪：有幾款味道。(右圖)

食食下小王子話肚痛，所以我冇時間再食多碟酥皮包，我地快快吃完未食既野就算。

老公洗乾淨個浴缸，小王子去完Poo Poo後，順便玩一陣水再沖涼。

我地冇等到2點check-out，12點幾落到大堂都企滿人了。

我地午餐選了係酒店落一層的火鍋店是任食，但限時的。

我與小王子第一時間去食雪糕先，可以用雪糕筒又可以用碟盛。

有雪糕食小王子立即比like。

雪糕旁仲有部棉花糖機，我想食，但唔識用，而且我又唔見有人食。

仲有好多飲品揀，仲有飲品機好似有4款野飲，不過我冇影相。

還有熱食，我食左2個黑金流沙奶皇包~好好味。

自己出去夾自己喜歡的食物。

我地揀左番茄湯底，不是每人一鍋的，要鴛鴦湯底就要加錢，而餐就揀最平，因為小王子都要收費，佢食得唔多，加上老公早餐未落格，個餐有牛肉、豬肉和雞肉。

最後我食多個沙律，感覺上冇咁罪惡，但都係自欺欺人~哇卡卡！