生菜漢堡 (內附食譜)

之前見陳倩揚教整〝生菜漢堡〞，仲同老公講搵日一齊試，點知都拖左好耐都未整。

今日我放假，等我整比自己食，食完再去接小王子放學先。

今朝整除左整〝榛子醬枕頭蛋糕〞，還有另一款，跟住又整生菜漢堡，差啲趕唔切出門口接小王子。

點解咁趕我要自己食左lunch先唔等小王子一齊食？

因為我斷食中，而且校巴常常都遲等埋我就過左食野時間了。

人人都話食呢個生菜漢堡會飽，但我可能大食，唔覺得飽，所以加多包野飲和生果。

我包既時候又係忘記mark應該由邊到切，好在切出來橫切面都靚。

餡料用什麼或是份量多少都是隨個人喜好的，我的食譜只是作參考。

生菜漢堡

食譜來自：陳倩揚生菜漢堡

材料：

西生菜                     3塊

番茄                         1個

芝士                         2塊

牛油果                     1個

豬腩片                     6塊

玉子燒                     1條

保鮮紙                     2大張

 

做法：

1.          西生菜用熟水洗淨，隔去水份。

l   西生菜盡量保存完整一塊。

2.          番茄洗淨切片。

3.          牛油果去核和皮，切片。

4.          豬腩片煎熟，煎時可加鹽和黑椒調味。

5.          玉子燒切件。

6.          將保鮮紙鋪在碗上，放上2塊西生菜。

7.          然後鋪上材料，最後鋪上一塊西生菜，輕輕壓下。

l   材料擺放隨個人喜好，沒有特定的。

8.          然後將底的2塊西生菜收入剛鋪的西生菜內。

l   想影相靚就要記住擺位或用marker定位。

9.          面的西生菜收入碗內，再用保鮮紙扯行包實。