偽Pizza Hut蒜蓉包 (內附食譜)

阿媽好鍾意食Pizza Hut的蒜蓉包，但係我又懶得自己整包，因為真係太花時。

有一日，我見到Facebook的氣炸group出左個偽Pizza Hut蒜蓉包，真係天大喜訊。

嘉頓出左條包係Pizza Hut蒜蓉包個款已切，但就冇餡的。

我見就快回娘做節，等我搵定材料整比阿媽食先。

蒜蓉醬而家易搵，之前hit既時候真係一支難求。

現在到條包難搵，我搵左幾間惠康和百佳，仲要間中去睇下先買到，就算有都係得一或兩條咋！

阿媽都話好食，但我就覺得蒜蓉味唔夠。

我下次個蒜蓉醬要自家製。

偽Pizza Hut蒜蓉包

材料：

嘉頓芝麻軟包                       1條

蒜蓉醬                                   適量

做法：

1.          用刀再將每塊軟包切深一點，但不要切斷。

l   軟包本身已略為分割。

2.          軟包每邊都塗上蒜蓉醬。

3.          放入氣炸鍋，將麵包用手再稍為分開。

l   若放不下一條就分2次。

4.          用180度，氣炸6分鐘，即成。