蛋沙律醬 (內附食譜)

今日我預備整〝牛油果蛋沙律醬〞之外，仲會整蛋沙律配餅乾。

我唔知需要幾多蛋，所以叫阿媽烚左10隻蛋，烚左好多，總好過唔夠丫嘛！

牛油果醬用剩7隻就全部拿來整蛋沙律喇！橫掂蛋沙律都可以當款小吃。

蛋沙律搽餅乾有剩，肥細老就幫我KO晒，真係好嘞！

蛋沙律醬

材料：

烚蛋                                7隻

洋蔥末                            17克

沙律醬                            6湯匙

做法：

1.          蛋切粒，加入碗中。

l   大小隨個人喜好。

2.          洋蔥末加入蛋碎中。

3.          加入沙律醬撈勻，享用。

l   可塗在麵包或梳打餅。