尋晚整緊〝巧克力軟餅乾〞時，老公走入廚房同我講今日不如去沙灘玩。
跟住老公又話搵埋住樓下小王子幼稚園好朋友一齊去好嗎？我立即問下同學仔先。
今朝整埋〝原味麻糬波波〞就出發。
我地12點到就到達，我未夠鐘食野，老公就去食早餐。
我地用$80租左沙灘傘，咁就唔駛咁曬。
我地都未安頓好，小王子和好友就已經去左玩了。
沙灘都冇咩人，可能今早落過雨，少人啲仲好。
小王子不喜歡踏沙的感覺，所以一定要著鞋，草地都一樣唔喜歡踏。
F小王子唔敢去打水，叫好友去，佢企係到等。
好友的影響下，終於敢去打水了，2個仲係到玩撥水節添！
小王子玩到忘我，水桶笠頭。
玩完水都點幾了，我地帶左零食和乾糧，食完又去玩過。
好努力掘。
最初老公得好友跟老公落水玩，氹下、傾下又引下小王子先敢落水，真係膽小鬼。
玩水玩得幾開心。
玩到唔肯走，我地4點幾先出返市區食lunch。
小王子好勁，一個人食晒個茶餐，平時飯只食得1/3，雞脾就食少少，有好友係到真係零捨不同。
今日Staycation完左，食埋lunch就回家。
夜晚我又手痕，所以又整曲奇。
老公話對朱古力冇興趣，都冇朱古力，只係用左朱古力粒，我都專登就你用牛奶朱古力粒。
用左黑糖，所以都係朱古力色，老公真係麻煩既。
我覺得幾好味，又唔係好甜。
巧克力軟餅乾
食譜來自：https://icook.tw/recipes/263175
材料：
黑糖 90克
無鹽奶油（融化） 113克
蛋 1顆
中筋麵粉 180克
蘇打粉 7克
鹽 3克
香草精 5克
巧克力豆 150克
做法：
1.
無鹽奶油融化後倒入黑糖，攪拌均勻至黑糖皆融化。
2.
放入雞蛋，拌至完全乳化。
3.
再倒入中筋麵粉、蘇打粉、鹽、香草精，混合均勻至無顆粒狀。
4.
倒入巧克力豆，混合均勻。
5.
用冰淇淋勺挖起分成小團，放入冰箱冷藏30分鐘。
6. 以烤箱160度烤20～30分鐘，即可出爐。
今日係我與老公結婚17周年，而且7月又係小王子生日，終於等到今日喇！可以去玩囉！
一早book左酒店Package包2大一小入海洋公園門票，小王子好鍾意去海洋公園，因為有企鵝。
我就緊係鍾意迪士尼喇！如比老公揀2個樂園一定要揀一個，一定係海洋公園。
我地尋晚先同小王子講今日去海洋公園酒店Staycation和入園，佢開心到跳起。
我地早就到酒店，check-in人得2、3個，但等左好耐囉！大堂冷氣又唔夠，職員枱底都要開風扇。
我估暑假，所以我地都冇得上房要去寄存行李，而且都冇得Late Check-out。
我覺得職員態度都麻麻地，我和老公都話下次都唔嚟！
我地寄存好行李就去book兒童遊戲室，本想book明天11點幾果場，但職員話住一日唔可以book，佢意思係因為我地check-out了。
今日我地入園，明天小朋友又冇咁早起，唯有book今晚最後果埸8點，但最終我地都去唔到，因為晚餐係出面食。
唔理咁多了，我地入園，天氣好熱去左睇熊貓涼冷氣先。
咁啱見到職員整緊個生日蛋糕，見到場內個名牌〝Le Le〞。
F小王子睇得好開心。
我地早入園，所以去左威威天地先，晏左就好多人又要排隊。
大個仔了，自己一個人坐火車，我2老就坐一架。
L旋轉木馬，小王子話要坐車，坐車邊好玩架！識玩緊係坐木馬喇！
公園不用排隊，我陪小王子玩左一陣都熱死了。
我係網上睇到宣傳片，但來到冇得玩，問左職員話今日唔開，我有點失望。
剛才入園時未開，而家開左排隊等入先，其實都冇野睇。
這些係出口處。
跟手行過隔離搭〝海洋列車〞去對岸，小王子好驚坐的，因為佢好驚途中播片的八爪魚。
入下館抖下，涼快一下先。
頭先小王子睇到已經話要買，臨走如佢所願喇！
老公係出閘前見到可以再入園，只要你要職員講就會幫你戴手帶，係當日閂門前可以再入園。
老公話咁下次可以出去食完lunch再入過來，但我就唔會再來，去到有點悶，佢地2個都唔玩機動遊戲，只係齋行，我怕怕了。
返酒店又要再排隊等派房~超多人，老公就去取回行李先。
終於上到房，覺得唯一滿意就是早安排左對小朋友拖鞋比小王子，好多時都係要打去叫人拿多一對來，而且往往都係得大人拖鞋。
劂所都OK，沖涼地方係企浴。
我一聽到住2樓就想改，但咁多人入住一定唔得，而且唔想阻住後面的人。
好在個景都OK既，不過下面就係酒店和樂園的交接位，所以望上來就見到，換衫一定要閂簾。
同事上次來住話見到對面房，所以我都算好彩。
緊係要影幅相喇！
我都唔執輸買左隻細既，因為我都Like企鵝。
尋日整左〝半熟芝士蛋糕〞靈機一觸就拿來今日當結婚周年蛋糕，但未有裝飾。
咁啱係〝中環夏誌 SummerFest〞見到有支糖啱做裝飾就買下。
然後尋晚將雪櫃的2個蛋撻皮加少少粟粉等它挺身一點來整左曲奇。
今早寄存行李與蛋糕一起，蛋糕幫我地雪住先，要的時候打去Front Desk叫人拎返個上來。
酒店送左這盒自家製朱古力比小王子。
酒店就送左朱古力包士多啤梨來慶祝我地結婚周年，小王子食左半粒就唔食，老公都食左2粒既，其他都係我一個人食晒！一陣仲要去食dinner，肥死我了。
食埋蛋糕就出去食dinner。
我起初諗住係酒店食埋buffet，因為同事話好正，而且佢影左相比我睇，但老公話出去東大街食都好易。
點知上星期老公Pat Pat痕叫我book酒店的buffet，咁遲緊爆晒喇！仲要等左好耐先有人聽態度又唔多好。
我都check過其他酒店都爆，之後我緊係爆我老公喇！我叫佢攪掂個晚餐佢。
老公最後book左我想試好耐既〝Mr. Steak Buffet a la minute〞，佢話電話冇人聽只係裝上約左，佢都book多左間做後備，果間我都想試既。
Mr. Steak Buffet a la minute
網址：http://www.mrsteak.com.hk/zh/buffet
老公話尋日有個Miss call應該係打來re-confirm，但再打回去打極都冇人聽，唔理照去。
雖然差少少夠鐘，都比我地入座先真係好。
未開場緊係去相機食先喇！
冷盤、凍食
熱盤
甜品
我地來來去去都係拎呢啲野食。
老公發現去問職員找張Note寫你想寫既野，就會幫你整一碟架喇！配心太軟。
我飽都要食雪條，因為我見到榴槤味，我一開2父仔彈開晒！
小王子超讚西瓜雪條好味。
食飽就回酒店，夜既睇靚好多。係到已經見到我地間房了。
第2日瞓醒就要Check-out，太多人Check-out。
我唔想排隊，因為我不用付任何費用，所以我將房卡掉落大堂的快速退房箱，咁就走得。
Lunch我book左以前返工Lunch間中都會去幫襯的店，正宗韓國料理，老公都讚。
這裡的八小碟是可以refill的。
名家韓國餐廳 (元宮閣)
回到家曲奇已經裂開了。
今日帶小王子來放電，之前睇網上的片好似好多野玩咁。
我唔知關唔關我平日事，我覺得中伏了，冇野玩，可能假日會好一點。
我地可能早來，等左一陣先開門，加上有落過雨，所以都冇咩人。
我來到先知有市集，好多野都冇開。
有健身單車玩，又有枱和櫈你休息，但位置不多，先到先得，好在今日冇咩人~任坐。
可以係到影下相，小王子唔影，可能太熱。
藝術，又有紙牌比你打卡。
迷宮，我和小王子從2邊入口入，睇下邊個最快出到去，2次都係小王子快過我。
玩左一陣好熱，坐低抖下，睇下小王子頭髮都濕晒。
真係大個了很多，超多表情。
冇野玩就自己自娛，好在我帶左塊板仔，我地玩過三關。
你可以去Levi's個檔口，只要你like Levi's IG就可以免費整個袋。
你揀2個熨章交比職員就會幫你熨落個袋到架喇！
之後見到有檔賣糖，而且話係食左唔蛀牙的，我幫襯買左2支，佢地好好人送多一支比我，小王子就揀左2021的，3支都係唔同味道。
