Monopoly Dreams Hong Kong‧朱古力博物館

終於等到了，今日開始就放一星期假陪小王子去玩，我自己都放鬆一下。

前幾日同小王子講會去大富翁博物館，佢開心到震。

佢期待左好耐，本來諗係調動一下行程，點知佢死都唔改另一日，係都要今日去。

我係官網見到生日免費，咁啱小王子今個月生日，條件係同行的人有8折(最少要購買一張大人票)。

我帶定小王子身份證、Passport和出世紙以作證明，仲有其他優惠和資料可以去官網睇。

早上10點出發，11點幾去中環5號碼頭搭15號新巴去山頂，由總站坐到總站，去到都12點幾。

Monopoly Dreams Hong Kong

開放時間：星期一至日：上午10:00  – 下午8:00 (最後入場為下午7:00)

網址：https://www.monopolydreams.com/hk/tc/index.html

我地上到去就買入場卷，以為過左周年紀念冇Post Card送，仲有得送。

下一輪未夠鐘，周圍行下，仲以為有好多人，點知‧‧‧‧‧‧‧‧‧。

上到去得一對母子，我估佢地已經玩完，因為拎住大富翁錢。

我地由商場入，所以見唔到大富翁像，要出返去室外。

一場來到緊係留倩影喇！

夠鐘了，排隊入，但都係得我地兩母子咋！

工作人員叫我地禁電楊制，在電梯內2邊都播放有關唔同的動晝。

其實，都冇郁過，都係係同一層和位置。

動晝完左另一邊電梯門打開就見到大富翁，不過係係電視到。

大富翁未發達之前係做汽車維修既。

工作一員一邊講小王子就掛住影相，介紹完都話唔走仲要影。

我都同工作人員說不好意思，工作人員話OK，好在得我兩母子，唔係真係唔好意思。

這架車入左健力士記錄。

呢到有專人幫你影相，當然買唔買就隨你喇！

你可以比電話或相機佢幫你影。

跟住就正式開始喇！

出左去馹員就帶我地去4D影院先，我地包場~正。

睇完4D就去對面執錢，有20秒時間，你執的大富翁鈔票可以帶走，亦可以當錢駛，鈔票面值的10%，但最多每次用2張，最大面值係$100，不過得3張咋！要睇下你好唔好彩喇！

執既時候唔可以烏低身，只可以在空中執。

分別是我和小王子的成績。

職員帶我地去整地契，突然問我拎入場卷嘟左，叫我入名，我毫無心理準備下就入左小王子個名，出左〝藍田〞地契，再chop返個印先。

然後再嘟當然就入我自己個名喇！點知出左小王子最喜歡的〝太平山〞。

剛才就係係呢到入來架喇！

我地入監獄睇下先。

個倉好細的，門口就有2部機比你玩，是要你幫手捉賊的。

監獄訪就係電燈公司，不過只係得陪遊戲機。

監獄對面就係水務局。

入邊都冇咩玩，只係扭下啲制做維修。

輪到去金庫喇！小王子勁開心，我立即去拎金磚。

走之前又去抽獎先，我抽到垃圾要去聽分析先有$100超市禮卷，而小王子就拪到麥奀記8折，但只可以係山頂店用。

一碗麵咁細又貴，所以我地lunch去左食麥麥，得物冇所用。

我地又去左潮聖~就是Donki，這間超細，都冇咩特別。

唉！點解走左又返去大富翁博物館既？因為我地頭先係場內影既相我地全部買晒，職員要點時間幫我地整理一下，所以返轉頭先拎。

我見頭先整地契時小王子冇太平山，而如果買晒所有相有個Package平啲和一隻太平山USB手指送，咁就蠔一次喇！而且剛才我捉到2張$50，可以用2張就減多$10。

小王子真係好鍾意金色，係都要買條金條。

山頂第2個行程就係〝朱古力博物館〞，我係Klook買定飛的，不過，大家要小心，因為東涌都有一個，買既時候要睇清楚，我都研究左好耐。

我去到既時候都有提問過，佢話東涌和呢到是不同的，但就係同一個設計師整的，有啲客都攪錯左。

全部都要朱加力整的。

有少少野玩。

睇完展品和玩完就可以出去品嚐朱古力。

跟住就Workshop，我買Package原本就係整右邊大塊的，但小王子都整，又何必2個人同一款，我就揀左另一款，2塊都是朱古力牌。

小王子真係油得好靚。

我的是左下角，仲話小王子油得深色，原來深色好睇好多。

玩埋朱古力Workshop就落山了，回程途中約老公食dinner，跟住一齊回家去。

今日小王子不停同我講好開心，話下次再去過大富翁博物館，但我覺得去一夠了，一個小時內都玩晒，而且都冇咩玩既。