雜果椰汁西米露 (內附食譜)

前晚去朋友玩男的睇波、女的打麻雀，小朋友睇下波又打下機咁。

我地玩到好夜，零晨2點幾先瞓，我一向都係最遲10就睡，所以很攰。

前日收到肥阿哥What's app回娘家吃，因疫情少左回去。

尋日小王子要返興趣班，我又要預備未來幾天的Lunch Box，沒有法抽身去娘家預備晚餐。

我見煮不到晚餐，就煮甜品，這個甜品以前常常煮的，不過就冇雜果的。

原來肥阿哥一家都不吃西米，唔緊要仲有其他人。

大家都話好食，而且都有添食，不過都吃不完，我拿了一半回家。

今日放工回家拿出來吃，我覺得比尋日仲好吃。

西米又大粒左，有咬口，味道是微甜。

雜果椰汁西米露

材料：(12-15人份量)

水                                      1687克

椰漿 (大罐)                       400毫升

冰糖                                  230克

罐頭雜果 (大罐)               500克

椰纖果                              275克

大粒西米                          130克

水                                      適量 (煮西米用)

做法：

1.      水滾加入西米，間中攪拌怕會黏底。

2.      待西米煮到得中間有點白色就關火，焗至全透明。

3.      水加冰糖煮滾，熄火。

4.      倒入椰漿攪勻。

5.      加入西米攪勻，待涼放入雪櫃。

·         不是粒粒都透明就加入，因為糖水本身都有熱力，用餘下的熱力再令全部西米變透明。

6.      食用時加入雜果、椰纖果即可。

7.      雪凍隔夜仲好食。