上星期六，回娘家吃飯時聽到阿媽同肥阿哥講休息到9月先湊大細孖，因為阿媽前排腳又做左手術想休息下先，咁邊個湊大細孖呢？就由他們婆婆暫時湊住先。
我見咁樣，而我這星期都放假，雖然我一早plan好行程，而且要網上book既都攪好，但咁啱今日去〝兒童探索期間限定博物館 HKCDM POP UP〞未買入場卷，所以就問肥阿哥和阿嫂可否讓我帶埋大細孖一齊去玩，阿嫂知道後就請了假一齊去玩喇！
我book左最早果場，等緊開場。
我見個埸都唔大就問阿嫂係咪比北角的細？阿嫂話係，但北角冇左，所以係呢到開。
商場內都有其他野玩下，冇咁悶，但雖早都有好多小朋友。
開門了，入到去你既袋可以放locker，你需要一個5蚊硬弊入落去locker，而$5好似泳池咁你走既時候可以拎返，如沒有零錢都可以同職員換。
入到去以為我地包場，後來發現原來仲有個小妹妹和她的爸爸。
佢地3個係呢part玩到唔走，真係小朋友就知有咩好玩~哈哈！
後仔阿仔同大孖表哥一齊將膠棒分好顏色，然後玩過3關，小朋友發揮佢地既小宇宙。
細孖表哥自己係到玩車，小王子搵仔玩都冇理佢，細孖表哥係比較有個性一點的。
另一邊大了孖表哥就玩下東又玩下西。
小王子見大孖表哥用橡筋砌圖案佢又玩，跟住枱面上卡提供的圖跟住整。
大孖表哥玩完，細孖表哥又過來玩，但佢就用自己的創意整，細孖表哥藝術和創意方面係好一點的。
佢自己整左把劍出來。
小王子係旁邊砌，但唔夠位，佢等細孖表哥整完諗住會拆掉，但細孖表哥堅持話唔會拆，然後又鬧交，真係冇佢地咁好氣。
我走左去搵大孖，佢等緊小王子來一齊玩，我話小王子未砌好佢未有咁快過來。
突然職員講解和教大孖玩呢一part。
我再返落去睇下佢地咩情況，小王子和細孖表哥各自一張枱。
小王子仲有職員陪佢一齊整，完成了睇下佢幾開心。
我同小王子講大孖表哥等緊你呀！佢立即飛去大孖表哥到。
玩埋呢到就夠鐘了，職員真係一夠鐘就提你走，佢地都好唔想走。
離開後又係玩商場內的設施。
好似參加健美先生。
今日另一景點係〝荃灣廣場xGlivo Gun 享夏日樂『脆』遊〞，以為有得跑步，點知只係影相咋！
3個一齊好老友咁，唔打交或鬧交時就係既。
扮夾公仔機，真係有諗頭丫！
玩完就上左頂樓室外遊樂場，我去個厠所回來大家都入晒商場。
太熱小朋友都頂唔住，咁就大家一齊去食雪糕喇！
我和阿嫂都痛痕緊仲有邊到去，而家先3點幾4點，上網睇到屯門市埸廣都有擺野玩，我地又未坐過西鐵就入喇！
我打比老公通知佢，點知佢話而家入到去再出返嚟會好多人，最後去左附近〝冒險樂園〞。
老公放工來到，小朋友們邀請老公一齊玩男孩子玩意。
之後去左附近開餐，細孖好勁幾乎夾咩有咩，呢啲都係佢送比我地，除此佢都仲夾到幾樣野，細隻貓就係大孖夾的。
佢地去日本都夾都好多公仔，而且唔駛職員幫手的。
沒有留言:
發佈留言