樂富廣場「SPORTIVAL」運動嘉年華‧香港科學館

今日的活動本來plan左係下星期放假同小王子去玩，但又怕唔多野玩都係今日去左先。

我地11點幾出門口去到樂富就可以去食lunch，等左一陣就有位。

老公見呢間制服同坑口果間一樣，但就唔同名，應該是同一集團。

大家都好滿意呢餐，跟住就去玩喇！

個埸比起之前〝Oh！林匹克運動會@樂富〞規模細好多，仲要冇咩野玩。

平衡繩要人扶住先玩。

烈日當空攀石曬到熱晒。

小王子原地跳麵打唔到個波，職員哥哥抱起佢等佢打個波。

之後去玩攀爬，哥哥一抱佢上去，就自己一支箭好似猴子般向前攀。

烈日當空，玩左陣就入返商場涼下先，一陣玥睇下情況再玩唔玩。

見商場有活動又去玩下，完成全部任務就可以揀禮物。

扭氣球，小王子要把劍，仲被邀請幫手添！

有3樣禮物。

之後又返返出去玩左呢個考跳躍就走，然後去尖沙咀。

小王子原本對黑鞋係學校鞋商買都要幾百蚊，但上年開學幾日落大雨甩皮，攪到對鞋好殘舊，所以要買過。

前日同事通知我尖沙咀有Bazaar場賣有牌子黑鞋好平，於是就去睇下。

買完鞋就去科學館玩下，之前張Year Pass因疫慵都冇用過就過期了，今次再申請新的。

科學館有Pixar，但每次上去預約都full，真係唔夠快，而家入去行下和去頂樓玩小小工程師。

小王子係地下果層都玩到唔走了。

氹左好耐就肯離開地下樓層，我地一去就去最高諗住去攞籌玩小小工程師。

點知得返最後一埸20:45，咁夜同埋要等3個幾鐘，所以冇攞籌。

唯有玩其他野。

小王子好鍾意玩呢個。

然後落一層再行下，小王子最喜歡玩吸塺機，可能老公成日開吸塺機掛，玩完走左又返轉頭玩。

玩埋呢到就回家去，大家都好攰了。