藍莓焗原味芝士餅 (內附食譜)

上星期三，下午5點幾小王子好朋友阿媽message我。

佢問訂一個蛋糕幾多錢？如果一個2磅的芝士蛋糕又幾多錢？

我平時都係自己整，好耐冇買蛋糕，於是我上網搵資料比佢。

原來佢有朋友想訂蛋糕想搵我幫手，於是我就接左人生第一張蛋糕order。

每年小王子order的生日蛋糕唔計，因為今次係有錢收的，哈~哈~。

我用之前的〝藍莓焗原味芝士餅〞將6吋改戚8吋份量。

接左單後先知要寫牌，弊喇！平時我都冇牌，因為字好難寫。

朱古力牌去左烘焙店買左2塊，萬一衰左都仲有後備。

於是我夜晚在家溶朱古力練字，但真的寫得好肉酸。

突然記起電視有介紹過食用筆，我就上網搵下，然後係烘焙店的Facebook留言問下可否寫到落朱古力牌到。

點知一間話得，另一間又話唔得，話支筆不可以寫落有油的地方，只可以寫係水的質地。

話唔得果間仲建議我可以用朱古力轉印紙，又好似好方便啵！

我見轉印紙果間係公司附近，我第2日lunch就上左去買。

原來轉印紙係包埋朱古力牌，朱古力牌仲有白和啡2款，蛋糕深色，就買左2塊白。

我仲買左埋支食用筆回家試下，點知寫左落去用手一抺就會有點化和淺色左。

我為左呢個牌，成本多約一百蚊，因為第一次冇經驗。

不過，下次要寫牌都唔接，都有點壓力，因為我寫字唔靚。

明天公司放半日可以早點交收，跟住又要立即預初一回娘家的大食會了。

藍莓焗原味芝士餅     

消化底材料：8吋

無鹽牛油 (溶液)       45克

消化餅                        107塊

芝 士 餡 材 料 :  

忌廉芝士 (室温)      622克 

砂糖                           135克

無鹽牛油 (座熱)       117克  

雞蛋                           176克

淡忌廉                       78克

餅 面 材 料 : 

藍莓醬 (裝飾)           適量

藍莓生果 (裝飾)       少許

做 法 :   

1.          蛋糕模內鋪上焙紙，然後外圍包2層錫紙。

2.        消化餅壓碎，加入牛油溶液撈勻。

3.     倒入蛋糕模內壓平，放入雪櫃雪至硬。

4.       放入忌廉芝士 + 砂糖在缸內用 (1号速) 打 2-3 分鐘打至軟身。

5.       放入雞蛋 (分2次加入) 攪拌均，刮下紅邊芝士漿。

6.       停機 ..... 加入淡忌廉 (拌勻) ~ 用 (1号速) 打至軟身 。

7.       加入已預先預熱牛油溶液後 (慢慢拌勻) 。

8.       將芝中漿倒入模圈內，再放入焗盤上 ( 焗盤上再注入少許熱水 ) 。

9.       用190度火，焗50分鐘至芝士餅發起及餅邊變成棕色。

10.    從焗爐取出蛋糕，放涼後脫模。

11.    將藍莓醬塗在芝士蛋糕中央 ，待凉後即可玖入雪櫃雪凍後切件食~更佳 。

自製糖葫蘆 (內附食譜)

我好鍾意食冰糖葫蘆，見雪櫃有幾粒果欄買的士多啤梨剩就用來整下。

生果我冇跟食譜的，只是用士多啤梨，但得5粒，所以切左香蕉片整。

我一家三口都覺得好食，我和小王子食落去既感覺得好似飲緊波子汽水咁。

老公話因為士多啤梨靚啫！都係既。

煮糖既時候唔小心燙到，手指長出了水泡，好在不大，但痛，所以要小心。

製作過程：

• 原本整左2串香蕉的，但係係沾糖漿時不停的轉，所以失敗了。
• 生果一串中，最好用差不多大小的，因為有一串士多啤梨+香蕉，香蕉唔係好沾到糖漿。
• 冰糖葫蘆整完後我有加米紙係底，影完相再用米紙包住，然後擺雪櫃，咁就唔會溶。
• 熬糖漿的材料只用左1/3，因為我見整幾串，但唔好慳，少又好難將生果沾糖漿，好易會燙到，要注意喔！

自製糖葫蘆

食譜來自：http://www.kanwatch.site/video/452511?fbclid=IwAR3rX8Je-__zk2MwAEmxei1KXErAbruY13o_nSsw70kWbQrsbXchwR8C8gM

熬糖漿材料：

白砂糖                  300克

水                          150克

水飴                      100克（可不加）

生果材料：

山楂                      適量

小金橘                  適量

桔子                      適量

糯米飯                  適量

蔓越莓果乾          適量

堅果                      適量

紅豆沙                  適量

*任何你喜歡的水果（儘量不選擇皮太薄的）

準備生果：

1.      準備水果。

• ·         要把水果表面的水分擦乾才能裹住糖。

2.      山楂要夾餡，所以對半切開，去核，備用。

3.      蔓越莓略切碎，加入糯米飯混合。

• ·         蔓越莓酸酸甜甜的，很適合做糖葫蘆的餡料。
• ·         據說富含的原花青素還能抗炎症和保護腸胃。

4.      往對半好的山楂中間夾入糯米餡或紅豆沙，一定要捏緊。

• ·         建議新手選擇皮稍厚的水果，如小金桔、山楂、藍莓、葡萄，橘子。
• ·         奇異果、小番茄比較容易出水，新手慎選。

5.      將生果串在竹籤上，就可以來熬糖漿。

熬糖漿做法：

1.      糖、水飴、水放入煲內。

2.      加水飴可降低甜度，不易反砂，裹好的糖衣也不易化掉。

3.      大火煮開之彼轉小火，直到糖漿變濃稠，冒泡的速度變慢，聲音是咕嚕咕嚕的。

4.      蘸冷水能敲出極其清脆的聲音，嘗一下也不粘牙。

5.      溫度太低會粘牙。

6.      調到最小火，火不能太大，將鍋子傾斜。

7.      快速裹上一圈，盡量只蘸表面的氣泡，裹出來的糖衣更輕薄。

8.      如果操作速度太慢，可以先將鍋離火一會再裹。

9.      溫度太高容易把水果燙出水，糖衣就容易化掉。

10.  裹好後要放在防粘油紙上或者抺了油的盤子上。

餘下的糖漿用法：

A.      剩下的糖也不要浪費，加點熟芝麻，做成芝麻糖也香香的。

B.      熱紅酒果飲，剩下的山楂做個熱飲，山楂、橙子、蘋果、香料、紅酒、蔓越莓汁，大火煮開後，轉小火再煮20分鐘。聽說日常飲用蔓越莓汁一定程度有助降低幽門螺旋菌的感染率。

貼士：

v  裹糖的速度一定要快，可以先將鍋離火一會再裹，防止糖漿升溫過快

v  其實自製糖葫蘆很難像外面賣的一樣穩定（外面賣的大都加了一些添加劑），大家最好現做現吃。當然我們也是能儘量控制它不化掉的。之所以會化掉，最主要是由於裡面的水果出水了導致的，為什麼會出水呢？一方面可能是選用的水果皮太薄了，建議建議新手選擇皮稍厚的水果，如小金桔、山楂、藍莓、葡萄、橘子等等，像奇異果、聖女果這些咱們可以不去挑戰它。另一個方面就是糖漿的溫度，溫度太干，把水果表皮燙破、或者燙得太軟，都會導致水果出水，從而讓糖衣化掉。

蛋白小圓餅 (內附食譜)

早前整野有蛋白剩擺左係雪櫃，今日就清埋佢，因為就新年雪櫃會爆。

蛋白擺得太耐怕整蛋糕會打唔起，所以都係用來整曲奇穩陣啲。

記起之前買左本呂昇達老師的烘焙書，就拿出來翻看一下。

我搵到呢個蛋白小圓餅，就可以清左蛋白了。

蛋白唔夠100克，所以又要自己計一計數先。

製作過程：

• 我蛋白有80幾克，都整左73塊。
• 每次我唧完就將蛋白麵糊放回雪櫃，因為老師話唔夠凍就會好水。

蛋白小圓餅

食譜來自：手作烘焙教科書 (102款專業配方)

材料：

蛋白                  100克

低筋麵粉          75克

純糖粉              110克

無鹽奶油          100克

做法：

1.          鋼盆加入蛋白、過篩純糖粉攪拌均勻。

2.          加入融化無鹽奶油，拌勻。

3.          最後加入過篩低筋麵粉，繼續用打蛋器拌勻。

4.          取保鮮紙膜封起，冷藏20-30分鐘，讓它變濃稠。

5.          刮刀輔助將麵糊裝入擠花袋中，前端剪一刀。

6.          在鋪上不沾布的烤盤上擠約五塊錢硬幣大小(直徑3公分)，每個的間距要拉開，否則拓開後會黏在一起。

7.          用180度，焗10-12分鐘。

貼士：

l   如果冰的不夠，擠完就會變得很水，流性很強，製作就不漂亮。

椰汁年糕 (內附食譜)

我從來冇諗過會整年糕，雖然我食，但唔多，始終最like蘿蔔糕。

由於年糕不是太受歡迎，怕銷路唔好，所以一直都冇整。

小王子漸長大喜歡食年糕多過蘿蔔糕，所以今日放工就特意整比佢食。 

老公好喜歡食椰子糖，係製作過程中佢話陣味好似椰子糖味~好香。

小王子蒸完出來就話要食，切左一件仔比佢，佢話好好味。

老公唔食年糕既都試食左一啖，跟住又話要多件。

起初話唔甜，但話落到喉嚨就有甜味出來，可惜食落就冇左椰子糖味。

製作過程：

• 我係步驟(6)既時候已經用廚師機攪粉漿了。
• 用中大火蒸左1小時，雖然竹籤吉入有黏住粉漿，但已是熟的粉漿。
• 蒸完打開才發現底糕斜左，所以大家要留意下。
• 肥媽話要用杰身的椰漿，所以用左佳樂(Kara) 純正椰漿，係白色盒的，不要用快達牌，因為好稀的。
• 我用的錫紙兜係上海街萬記買的，見佢兜底有NO.960/55，個兜好硬身，size約：20.5cm X 10cm X 6.5cm (高)。

椰汁年糕

食譜來自：https://www.youtube.com/watch?v=9EWgIo9y6MQ

材料：

糯米粉                          225克

沾米粉                          37克

澄麵                              30克

蔗片糖                          200克(大约2片多小小(要弄碎些比较容易煮得溶)

水                                  210克

椰奶 (杰身)                 120毫升

油                                  30克

鍚紙                              一張

紅棗                              一粒

做法：

1.      錫纸盆掃上油，防止黏。

2.      水和片糖用小火煮溶後， 待涼。

3.      將三種麵粉全部一起過篩， 並可混合在一起，中間開一個洞，備用。

• ·         粉有粒粒就不要篩下去。

4.      將糖水過篩， 攪幾下来降温，放涼。

• ·         用篩隔去雜質。

5.      糖水放後，加入椰奶攪勻。

6.      將椰奶糖分次逐少加入粉中間的洞中攪勻，每次攪匀了再加入另一次。

• ·         攪勻，不是有粒粒。

7.      加油入粉漿内，可用手動打蛋器或攪拌機攪至粉漿平滑直至没有粉粒。

8.      粉漿攪匀後要静止20分鐘。

• ·         可以幫助吸收麵粉、油、水份。
• ·         整完即刻蒸不好吃和不均勻。

9.      將粉漿再次撹匀，然後再過篩，倒入蒸盆。

• ·         靜上完再攪拌是因為粉會沉底的。
• ·         過篩隔去粉粒。

10.  粉漿櫈幾下，用牙籤弄走泡泡，蓋上錫紙

11.  用蒸爐100度，蒸1至1.5小時，視乎粉漿厚度。

• ·         如用明火蒸，大火滾起後，用中大火蒸。
• ·         不要太猛火否則容易會有洞在年糕面，用100度火蒸就可以。

12.  蒸完加一粒紅棗在中間，完成！