滷水牛展 (內附食譜)

自從冇返工後每晚都會煮飯，成日問老公食咩餸都話整牛展。

前日去左買條牛展，仲買埋牛肚，尋日就滷好左，晚餐都切左幾塊牛展和牛肚來吃。

不過，今晚仲好味和腍，但老公話個汁有點鹹，小王子話唔係，仲用個汁來撈飯食~勁讚。

滷水雞翼的汁我有2個配方，這是其中一個，但用左咁多年都冇人話鹹。

我諗應該係滾得多次，個汁水份少左，因為滷雞翼我只係滾一次，而家要滾2-3次。

本來諗住用慢火燜1.5-2小時，但見到阿穌個方法幾好，可以慳返爐火又試跟下。

滷牛肚要再調教過個配方和方法，這個唔太遘合。

滷水牛展

材料：

牛展                         379克

 

調味料：

滷水汁                     1碗 (282克)

豉油                         1/2碗 (141克)

老抽                         1/4碗 (70克)

水                             3碗

蒜頭                         3-4粒

冰糖                         56克 (隨個人喜好)

 

牛展汆水材料：

水                             浸過牛展

蔥                             1棵

薑                             4片

做法：

1.         煲滾水，加薑蔥，放入牛展，待水再滾立即熄火。

2.         取出牛展，過冷河。

3.         用剪刀除去牛展的脂肪和筋膜，用水洗淨。

4.         將調味料放入煲內，煲滾試味。

l   記著一定要先調校好汁味。

5.             待汁滾後放入牛展再蓋上蓋，待大滾後立即熄火，焗1小時，重覆此步聚2-3次。

l   千萬不要打開蓋。

6.             蓋上蓋待涼放入雪櫃，吃時取出煲滾，熄火焗一陣。

7.             切件，即可享用。

 

備註：

l   滷水汁可留在雪櫃內再用，不過間中要翻熱。

l   留下的滷水汁下次再用時，要再試味和調味，因為添加肉可能會令汁味道變淡。