8歲生日

今日係小王子8歲生日了，希望大一歲會乖啲喇！

不過，這都是我自己奢望，哇咔咔！

尋日已經好擔心今日會8號風球，好在都仍然係3號。

不過，我沒有安排什麼活動，因為月尾又是我與老公的結婚周年，所以一切安排在月尾~哼！

早餐在家中吃，午餐就外出食。

小王子喜歡食日本燒肉，所以午餐食佢喜歡的。

〝燒肉Like〞有次去沙田見到就攞飛，到我地行完街再返去都未到，所以放棄食其他野。

今次我在出門口前已經用App攞定位，去到就差不多有位。

這裡用QR Code落單，然後即時用電子支付。

有好多款調味料，而且枱面有個凹位，係剛好放盤食物的，用具就在凹位下面，拉開抽屜就拎到。

牛小排 & 牛板腱套餐200克 ($155)

小王子緊係要叫多罐可樂喇！

這裡飯有3個size，就算如我揀左大飯係300克都不用加錢，中就係150克，小就忘記了。

其實，300克一碗飯有多，150克就2/3碗。

7

牛五花 & 橫膈膜肉套餐200克 ($115)

小王子自己燒，佢食得好開心，仲超讚~好味！佢滿意就好了。

其實，尋晚朋友們都約左食飯，小王子想試食片皮鴨，所以訂左一間去食。

佢地想訂蛋糕比小王子，但唔知訂咩好。

今年小王子叫我整敲敲蛋糕，但我都未研究，又未買料，所以我就提議這個蛋糕。

小王子見到果然好開心，敲既時候仲出晒力添！

食完飯，有幾個朋友來左我地家繼續傾和飲酒，大家傾到零晨4點幾先散，而3點幾我就陪小王子瞓，一陣佢就睡著了。