我的生日@the mira Hong Kong

今年生日係平日，所以提早慶祝。 

我地又去Staycation，而家都冇咩平又抵既酒店。

最後揀返之前去過的〝結婚18周年紀念日@the mira Hong Kong〞，不過今次都比之前貴左。

我地等小王子放學，然後做埋功課就出發，好在剛開學功課唔多。

今次酒店自動upgrade左去行政房，打開房門見房比上次細，以下是與上次唔同的地方。

1. 床大左。
2. 浴室牆有按摩花灑。
3. 洗手盆位有鏡趟門拉到厠所分隔開睡房。
4. 浴缸的窗簾可以打開，上次係不能動。
5. 厠所內可以收聽到電視聲，沖涼時可以睇電視，浴缸旁有控制器，上次係冇反應。

上次就係話呢個洗手盆，用既時候會周圍濕晒，但行政房就冇呢個問題，因為個水制款唔同，普通房水制係成個tick起，行政房只是中間tick起，不過，行政房洗手盆位置係細左。

小王子想帶上年係海洋公園買的皇帝企鵝來，但太大了，他改帶快龍。

他頭頂的煎蛋是尋日係補習社老師送的，他很喜歡，尋日係佢人生第一次去補習。

行政房得一張辦公椅，不過，小王子都好鍾意。

剛才check-in時要求蛋糕約4點送來，與上次的一樣，但個牌就唔同左。

這個蛋糕比上次甜。

切過蛋糕，小王子已急不及待去玩水了。

玩完就落去食Dinner Buffet，食物與上次大同小二，有些少新款。

今次有和牛三文治，見到就諗起日本。

片皮鴨，上次都冇部機去烘熱個餅皮，阿姐話部機尋日先到架咋！

自己揀野食，同我一樣都係食甜品先。

老公話今次生蠔唔好食，後來佢發現上次係日本兵庫懸，今次係法國。

食到中場酒店餐廳送來了2杯香檳，仲話一陣會拎左多橙汁比小王子，要大家一齊開心，這是一點點心意。

我知酒店會送蛋糕，所以冇同餐廳講我生日，點知食到尾聲又送來蛋糕，真的是一個大驚喜。

食得太飽，蛋糕要外帶了，裝飾與酒店一樣，味道應該唔同。

酒店房雪櫃細，所以在房打〝7字〞call Room Service，他們會幫你keep住個蛋糕，我仲同佢講明天check-out後行完街才回來取。

今次早餐沒有分2輪，由早上6:30-10:30，所以人唔多。

我怕肥食左一個牛角包咋！但Bagel就食左幾個，仲自己組合夾火腿，抺少少忌廉芝士。

麵包餡料仲有3款果醬和牛油你揀。

熱食都係果啲。

這些都是即整的，仲有Eggs Benedict，不過sample唔得囉！

每日我都食乳酪做早餐，用原味乳酪自家撈先。

Check-out後就陪小王子去多次LCX玩Pokemon，因平日來過冇得玩卡，上次買左set睇左教學都唔識玩，所以來問下又玩下。

蛋糕回到家有點走樣，蛋糕比酒店的好味，兩父子好鍾意食，夾心味好似椰子菠蘿味。