梅菜蒸肉餅 (內附食譜)

之前整過冬菇蒸肉餅，但小王子唔喜歡食，所以之後都冇整。

星期六，回娘家吃飯，阿媽整梅菜蒸肉餅，小王子好鍾意食。

於是我尋日就買左材料整，不過肉餅、餃子呢類都是我的弱項~好少整。

我估唔到小王子都鍾意食我整的，仲讚好好食。

現在預備下星期都煮，咁又諗少一餐。

梅菜蒸肉餅

材料：2-3人 (18cm不鏽鋼碟)

半肥瘦肉碎                    189克

甜梅菜                            50克

醃料：

糖                                    1茶匙

豉油                                1茶匙

生粉                                1茶匙

水                                    1湯匙

油                                    1/2茶匙

胡椒粉                            少許

做法：

1.         甜梅菜用水浸30分鐘，然後榨乾水份，切粒。

2.         加入半肥瘦肉碎剁碎，然後放入碗中用手摔至起膠。

l   不用手可以用筷子攪至起膠。

3.         用醃料料30分鐘或過夜。

4.         將材料放入不鏽鋼碟內，然後鋪平。

5.         水滾後，放入肉餅，蒸15分鐘。