Day 2：卓悅中心→常平百花時代廣場→翔龍天地廣場→常平天虹購物中心
今日小王子9歲生日喇！
我一向都係會check-out左先，行李放酒店看管，但由於阿媽驚行李放酒店大堂被人取去，所以食完早餐回來先check-out。
早餐帶阿媽去飲茶，但忘記睇下〝Ole精品超市〞開幾多點，去到未開閘，唯有行返出去行去崗夏站。
行行下老公由地下街望上去其中一個出口，嘩！外面落大雨，唯有行返轉頭，等〝Ole精品超市〞開門。
一開閘就入去，小王子坐車，生日做大BB。
尋日去到又冇晒奶香提子酥，所以空手而回。
今日我10點鬆啲就到了，應該係第2個顧客，終於買到喇！
買左奶香提子酥和桃酥，買咁多有啲一陣拎比表妹、表弟、朋友和自己。
鮑師傅糕點
營業時間：1000 - 2200
地址：卓悅中心北區B1層119-120舖
上次〝復活節深圳2023@Day 5〞去過陶陶居，食物質素好，價錢中等，所以今次帶阿媽去。
去到不用等位，不過剩的空位不多，冷氣唔係好夠，有點熱。
可能多人，點心都要等一等，幾驚趕唔切回酒店Check-out。
行出陶陶居已有一大堆人等位，好在早來。
陶陶居酒家
營業時間：1000 - 1630、1700 - 2130
地址：卓悅中心東區二樓
今次陶陶居冇上次咁好食，下次試另一間。
茶位 ¥8
陶陶居大蝦餃 ¥35
黑魚子香菇燒賣皇 ¥32
百搭醬皇蒸鳳爪 ¥32
傳統馬拉糕 ¥26
招牌黑叉燒餐包 ¥30
蝦籽蔥油撈面 ¥32
香煎蘿蔔糕 ¥26
酥炸大雲吞 ¥26
回酒店再執一執行李就check-out，然後就用表娣婦介紹的app〝嘀嗒〞來call車去東莞。
我去到表妹的家，坐左一陣就帶我出去〝常平百花時代廣場〞。
後生去行街，老人家們就係食街坐休息下。
行完返去見到佢地食緊野，然後我地又去食街搵食，行勻成個食先決定食咩。
見到有冰糖葫蘆緊係要食喇！起初買左一盒5串，估唔到好受歡迎，再去買多2盒，再加多串大提子，提子每次必吃。
糖喜‧冰糖葫蘆‧厚切酸奶
營業時間：1000 - 2200
地址：百花時代廣場一樓(古茗旁側)
揀左呢間買〝霸气芒果椰椰 ¥18〞比小王子，味道一般。
椰墩墩小白
營業時間：1000 - 2230
地址：百花時代廣場內
之前係另一個地方食過好味，所以又試下呢間。
〝魷魚花甲粉 ¥25〞 好味，但多味精。
熱干面開心花甲
營業時間：1000 - 2200
地址：常平百花時代廣場1113室
表妹買的糯米糍有3個味，原味、芋蓉、紅豆，餡好食，但個皮就麻麻，有點硬。
食飽飽就去行街，深圳都有，但係地點唔就腳，所以冇去。
這超市前身是〝華潤萬家〞，呢到都有好多野買，但我平時買既百力滋款式唔多，冇新款。
超會買倉儲折扣超市
營業時間：1000 - 2200
地址：常平百花時代廣場負一樓
轉場去〝常平天虹購物中心〞
超市門口有好多生果，見到我就衝入去，我想搵奇異果，因為之前係深圳食過國內出產的好甜，但去左好多地方都冇，呢到都一樣，唯有又係買零食。
油柑飲品近日好Hit，尋日行經地方冇奈雪，商場地下就有一間，剛才行街時表姨生女係app落單，而家就有得飲。
比想像中好飲，入口澀，好快就有回甜，我個人覺得好飲。
小王子人生第一揸~車，獻出了第一次，10分鐘要¥48有點貴，玩完意猶未盡要再玩，緊係唔啦！
晚餐我都唔知店名，因為係表妹訂位，由表妹夫發板，但可能夜有好多餸都售罄。
燒肉好味，唔夠喉re-order，但已售罄。
老公話個蝦麻麻~醃尖。
小王子與表姐仔。
晚飯後運動下去〝翔龍天地廣場〞逛下，表妹話而家啲人通常都係來這裡。
樂沙兒 LESHAER
地址：翔龍天地廣場地負一樓B1室
沒有留言:
發佈留言