Minecraft 生日蛋糕

上星期六是小王子9歲生日，但北上左，所以冇整生日蛋糕比佢。

明天老公與同事一齊去做Body Check，然後一齊來我家打邊爐。

既然咁多人咁我就整個生日蛋糕比小王子，尋日開始焗蛋糕，今日就裝飾。

蛋糕抺cream都2小時，然後蛋糕上的四方格仔係糖皮調色又差不多2小時。

成個裝飾由早上8點整到12點幾，中途食左10分鐘早餐。

好在趕得切小王子放學回來，然後出去食lunch，再去醫院覆診，最後要返學去家長日。

蛋糕都係平時用的〝海綿蛋糕@全蛋打法 (內附食譜)〞，我焗左2個。

抺完cream，再貼上糖皮，不過，咁多年覺得呢個最醜樣。

家長日回家打開雪櫃，見到糖皮向下滑，真係慘不忍睹。

裝飾真係我的弱項，第一次係抺cream後貼上糖皮。

之前因為結婚出去學過一次整蛋樣蛋糕，但覺得果次學得流流地。

平時都冇整糖皮沒經驗，用糖皮整蛋糕可能再冇下次。