我plan左上星期四去蓮花山的〝2024深圳簕杜鹃花展〞和〝Coffee‧Park公園咖啡節〞，但由於打風唯有取消了。
我就改期今日去，但〝2024深圳簕杜鹃花展〞尋日已經完結，而〝Coffee‧Park公園咖啡節〞雖本月24日才完結，但怕多人搵唔到位坐低嘆咖啡，所以都係冇去到。
我轉左去〝龍華社工街〞和〝上圍藝術村〞，這兩個地方打卡都是踩雷，分別都是花了一小時就完成，但覺得上圍藝術村好一點，但遠，有軌電車落車後行20分鐘才到。
上圍藝術村和龍華社工街搭配一起來，不然專程來的話有點浪費時間。
早餐就去左想去探店打卡好耐〝Kofu Espresso (高時店)〞。
這店有自設麵包工場，麵包是新鮮現做的。
Kofu Espresso (高時店)
營業時間：09:00-20:00
地址：马安堂社区环城南路22号D区一层
地鐵：杨美站 （B出口）
我估這店應該很多人來拍照打卡，因為你睇進店須知就明。
店內有貓。
有隻為食貓。
Order完就出店外行下，又見到有兩隻貓。
炸雞扒三文治¥28：這款包是限量，麵包很脆，帶點煙靭，雞扒帶有淡淡胡椒味。
拿鐵（熱）¥28：咖啡滑，味道適中，但唔夠咖啡香。
嘆完早餐就行返去地鐵站，然後搭去清湖站轉有軌電車。
清湖站出閘，朝B2出口行過去，然後行落天橋，在天橋的左手邊就會見到有軌電車站。
月台左邊是去新瀾方向，而右邊就是去下圍方向，睇清楚先上車喔！不過搭錯左都可以係大和站轉車。
月台上沒有職員，有自助購票機，亦可以在購票機上掃碼在微信小程序線上購票。
自助購票機是輕觸式的，根據你的需要來選就可以，不過，自助機上的支付寶標誌是國內的，所以AlipayHK不能用，但可以用微信支付。
剛才都係問個女仔點樣付款，因為掃極微信都冇反應，個女仔㩒幾下就攪掂。
剛才miss左班車，下班車大約等左10分鐘，一班列車有3卡，車廂內的車門旁有部機，你要用票掃一掃，車廂亦有票務員查票。
坐地鐵4號線去到清湖站B2出口，轉有軌電車搭去世紀廣場（新瀾方向）。
落車行去車頭過對面馬路，行右邊直行，從這行入去就是。
龍華社工街 一直想來，但距離地鐵站好遠，近日發現YouTuber介紹搭有軌電車可到，就來閒遊。
只得大門附近有壁畫，行入去村裏是沒有，不要特別來，又踩雷了。
離開左〝龍華社工街〞去左有軌電車站對面的〝天虹商场(观澜店)〞行下，順便去洗手間，但要行到3樓才有。
2樓天虹超市收銀處旁可以行出去，但眼見有好多商店都關門。
天虹商场(观澜店)
地址：润城社区中航格澜阳光花园天虹商场观澜店
下站去〝上圍藝術村〞，現在要搭有軌電車去大和站轉車。
- 在月台行去車尾方向，然後上樓梯，上到去有指示左邊去新瀾，右邊去下圍。
- 我行右邊去下圍方向，然後見到有電梯和樓梯，我就揀行樓梯。
- 在月台上又要購票。
地址：福田街道福华一路3号领展购物广场RG013D
沒有留言:
發佈留言