鐵路公園‧Coffee‧Park公園咖啡節

上次帶個朋友北上去玩〝錢江藝術中心〞果次唔夠時間去埋Costco，而我會籍出年一月到期了，所以就到時間就一齊去。

咁啱過2日有個多年冇見既朋友What's app我想我帶佢去深圳玩，當然樂意之極。

其實，我地大家都相識，所以就成就了今次北上之旅，我地仲搵多個朋友一齊去。

早上分開2批集合，因為有一個朋友住迎界，所以就係上水會合，其他就係九龍塘東鐵線月台等。

我地一行人有6個，見咁多人可以想去好耐的蘩樓飲茶，原來另一個朋友都想來探店。

不過，價格與其他酒樓比不算平，而且老公和我都覺得一般，點都得或陶陶居好一些。

茶位 ¥8/人

蘩樓(東門曬布地鐵店)

營業時間：08:00-16:00、17:00-21:00

地址：東門街道東門中路2071號南海中心三樓

地鐵：晒布站 (D3 出口)

喺大眾點評叫咗個套餐『繁樓』林狗子雙人同款餐¥181，另外再散叫咗幾樣。

金枕飄香榴槤酥（1份）¥33

沙拉醬金絲蝦球¥29

傳統手工炸油條（1份）¥19

廣州荔灣艇仔粥（1份）¥33

繁樓蘆筍蝦餃王（1份）¥36

香脆明蝦紅米腸（小）（1份）¥26

XO醬山椒蒸鳳爪（1份）¥36

印尼魚翅黃金糕¥23

疏汁雞絲炸春卷¥23

脆皮山水豆腐腦¥26

安蝦珍珠鹹水角¥23

金牌紅燒乳鴿¥50

小王子食緊野，所以望落好似肥左。

下一個點就是去〝洪湖公園〞，出左地鐵站行天橋過對面，行行下見到有圍板寫洪湖公園有某些地方維修，但範圍都大，只剩下荷花池。

不過，望過去園區內都有人，最後我地都係轉地方，待維修好再來。

好在每次北上玩都有做資料搜集，我立即諗到去鐵路公園，只需搭4個站轉一次車，雖然我與小王子去過〝鐵路公園〞。

我係美團買3杯生椰拿鐵¥35.7比朋友，而小王子要飲葡萄檸檬茶（超大杯）¥13.44就在小程序買。

小王子和另一個朋友坐在這等我地回來。

铁路公园

營業時間：10:00-18:00

地址：地铁3号线草埔站D3出口（天桥左手边楼梯下去）

地鐵：草埔站（D3 口出）

瑞幸咖啡(罗湖投资控股大厦店)

營業時間：周一至周五 07:00-22:00、周日 08:00-22:00、周六 07:30-22:00

地址：清水河一路116号罗湖投资控股大厦1号楼一层110号

地鐵：草埔站（D3 口出）

因為我來過了，都沒有特別影境，所以與老公影雙人照和單人照多，有人一齊我可以度位影得快好多。

我好鍾意呢架火車，老公話屍剎列車果款車。

今日終於去到蓮花山公園的咖啡節，但可能是明天結束，所以比想像中有出入。

由風箏廣場行入去，沿路都有小攤檔。

Coffee‧Park 公園咖啡節

營業時間：1000- 2000

地址：莲花山公园椰風林草坪

地鐵：少年宫站（F1出口）

日期：11.8-11.24

這間店的包好吃，老公和朋友們還飽，所以只有我和小王子食。

蛋撻：我的，唔甜，皮酥脆，唔膩。

斑斕麵包配開心果餡：小王子最後食唔晒，我幫佢收尾，包鬆軟，味道適中，但唔覺有開心果味。

我與小王子每人一杯，但2杯都唔好飲，朋友話價格都不便宜。

秘境墨脫¥38

我的阿勒泰¥42：小王子這杯比我好飲，但都係難飲。

時間唔早，而且又未食lunch，所以將晚餐環節調上來先。

這店開下午4點，但我地4點鬆啲去到剛開店，現在還未準備好，要晏啲再回來。

我地就去附近商場行下，朋友仲買到一對鞋。

老公話唔去豐蠔，因為水準下降，於是我搵小紅書，有人介紹〝探唐燒烤〞就試下，結果探店失敗，不好吃，啤酒也不好喝，豐蠔比它好。

探唐燒烤(南園店)

營業時間：16:00-05:00

地址：南園路88-4號

地鐵：科學館站（C出口）

朋友想試手打檸檬茶，因為好hit。

我記得有人話〝Lin Lee〞最好飲，於是我叫美團。

我之前都有飲過其他覺得麻麻，朋友試後都話唔好飲，試過就算。

LINLEE林里·手打柠檬茶（福田曼哈商业广场店）

營業時間：1000-0100

地址：福星路59-2号

地鐵：赤尾站（ D出口）

最尾一站就去Costco，今次可能是最後一次來，所以有啲用品家中雖還有，但都要回購。

Costco开市客 (深圳店)

營業時間：09:00-21:00

地址：新区大道与中环路交叉口西南200米（民达路68号）

地鐵站：红山站（A1出口）坐巴士入去 (H541A)

我地離開見對面沒有巴士，感覺出事了，我行返入去開職員。

職員話巴士20:40或21:00就尾班車了，我地過左十幾分鐘。

老公話望去遠處就是地鐵站，最後我地選擇行返出去。

原本諗住食糖水，但係大眾點評搵過附近沒有，最後直接坐地鐵去福田口岸，過關後搭最後一班東鐵。