藍蜂慕絲蛋糕 (內附食譜)

我見蜂蜜蛋糕有剩，再加上〝自家制藍莓醬〞唔可以擺咁耐，於是我就整個〝藍蜂慕絲蛋糕〞喇！所以我個蜂蜜餅底我係冇份量架！   今次呢個慕絲蛋糕個表面好〝肉酸〞，個質地仲好似怪怪地，我諗都係失敗多。

我唔知問題係咪出於魚膠片到？因為本書係用魚膠粉，而我改用魚膠片，但1克粉=1克片，又或係個醬問題，書的煮醬做法與我的不同，咁樣水份都會唔同。   

一切要到明天先知！我未脫模，所以未影相要到明天先補回相。   

後補：26 April 2008      

這次好過上次〝Oreo雙層藍莓芝士慕士〞，今次都係魚膠結左一粒粒係蛋糕內，總好過上次魚膠片水攪唔勻沉晒底，味道一般。蜂蜜蛋糕餅底唔多掂，餅底好少可能係個組織結構問題~鬆軟和多氣泡，所以切唔到出嚟！我要再係〝慕絲〞蛋糕上再下苦工先得。

藍蜂慕絲蛋糕

食譜來自：精巧甜品DIY2(藍莓餡餅)

蜂蜜蛋糕餅底材料：

全蛋

砂糖

蜂蜜

低筋麵粉

菜油

奶

鹽

藍莓餡餅材料：

藍莓醬            104克

淡忌廉            113毫升

水                    34毫升

糖                    17克

魚膠片            14克

蛋黃                1 1/2隻

蛋白                1 1/2隻

做法：

1.         蜂蜜蛋糕做法請到：

2.         蛋黃加入糖17克，以打蛋機打成蛋黃醬。

3.         加入藍莓醬。

4.         再加入已放涼魚膠片溶液。

5.         蛋白以打蛋機打至鬆發，輕輕拌入藍莓醬中。

6.         鮮忌廉以打蛋機打至八成鬆發，輕輕拌入藍莓蛋醬中。

7.         將藍莓慕絲倒入餅模內。

8.         冷藏4小時，脫模，切件享用。

滿意雞批 (內附食譜)

之前講過老公和肥阿哥都喜歡吃，我亦都試過2個食譜，但仍未滿意，有一次睇到有個〝Blog友仔〞整得好靚，佢個食譜係跟〝韋太烹任教室 〞做，這個Blog我以前都有去睇，不過，而家湊左阿B冇時間去睇下！   

老公鍾意食厚皮，仲話可以唔駛咁多餡添！老公人地可以整到6個架！就係為左你我做得4個咋！焗既時候老公都話香丫！仲話今次應該得。   

我與老公都試食左都覺得個皮鬆散左D，而老公覺得個餡仍未滿意，但就好過之前2次整既，我就滿意勒！結論大家都得OK，這次係最成功，唔知明天佢地食左會有咩評語呢？     

滿意雞批  

雞批撻皮材料：(2吋半撻模約6個)  

麵粉                                     160克  

雞蛋                                半隻  

糖霜                                   30克  

無鹽牛油 (室溫)                 100克  

吉士粉                               2茶匙  

泡打粉                                 1/5茶匙  

撻皮做法：  

1.           牛油與糖霜奉勻至軟身，加入蛋拌勻。  

2.           加入麵粉用手輕輕拌成麵糰。用保鮮紙包好放入冰櫃，冷凍30分鐘。  

掃撻面用的材料：  

蛋                                   半隻  

油                                     1茶匙  

做法：  

1.          將蛋和油拌勻。  

雞肉醃料：  

紹興酒                                  1茶匙  

生抽                                  1茶匙  

生粉                                    1茶匙  

麻油                                    少許  

胡椒粉                                少許  

餡材料：  

牛油                                    1茶匙  

雞肉                                    140克  

洋蔥                                 1/2個  

雜菜或粟米粒                     50克  

磨菇 (切片)                         4粒  

白汁麵撈材料：  

牛油                                     20克  

麵粉                                1湯匙  

水                                           100克  

花奶或鮮奶                      30克  

胡椒粉                                  少許  

雞粉                                     1茶匙  

鹽                                     1/8茶匙  

糖                                   1/8茶匙  

預備：  

焗爐用200度預熱15分鐘，另準備1張保鮮紙將撻皮面放入去將皮搌平。  

做法：  

1.       雞肉切丁粒加入醃料醃15分鐘，洋蔥切幼粒備用。  

2.       燒熱鑊加入牛油1茶匙，先將洋蔥少香後，再加入雞丁粒炒至半熟，然後加入其他材料略炒後盛起備用。(牛油作用炒香洋蔥及雞扒起鑊用。)  

3.       另燒熱鑊加入牛油20克煮溶後，加入麵粉快手將麵粉炒至沒有粉粒後，將已炒好的餡料全部加入拌勻，然後將其他白汁麵撈材料加入，慢水將汁焊煮至濃稠後，關掉爐火，放涼備用。  

4.       將撻皮取出，搓成長條形後，用手抽出約30克的粉糰作撻皮底，將皮放入模內，用手指將粉糰壓至4mm厚，用叉在皮面刺孔，放入餡料，撻邊掃上少許蛋漿，再蓋上3mm厚撻皮面(約23克)封口，用牙簽在皮面上輕輕劃上花紋，再輕輕掃上蛋汁。  

5.       放入已預熱的焗爐底層用200度焗10分鐘，然後將焗盆戭上去中層，並用180度焗10分鐘至金黃色。

蜂蜜蛋糕~完全失敗

尋晚漏夜跟〝Blog友仔~Grace〞整靚靚〝蜂蜜蛋糕〞，但我整左2個都失敗左。 其實，我心中有數，所以今朝切開睇到一D都冇失望、驚訝！ 大家想知點整可以去〝Blog友仔~Grace〞到睇下。   

兩個〝蜂蜜蛋糕〞都實到可以〝掉死狗〞， 望落去都唔似蛋糕一D麵粉質感都冇。可能問題出於未打到雞蛋好似漿咁(滑)、 攪粉時攪得太耐將泡泡都整走晒，個蛋糕模我倒扣左成晚都唔甩，而個錫紙兜一扣就甩喇！做完賽後檢討後，有時間再試過。

我去完街寫寫下Blog諗起明天去肥阿哥到冇時間整包整餅， 又記起〝Blog友仔~Grace〞〝蜂蜜蛋糕〞好易做，所以就立即去開工。 我開工時都十一點幾怕嘈住人，故打左一陣都唔滑就求其將其他材料攪埋。

我都冇等第一次既結果就開工做第二個，第一個我焗左3次25分鐘先熟。 我用手指按一按就有好多油浸出，攪到成手指係油， 後來我焗第二個時再一齊焗就冇呢個情況出現勒！     

第二個，我打左好耐都係得泡，於是放棄就將其他材料撈埋一齊。     

焗完第一次25分鐘唔熟表面仲係白雪雪就較大幾度火焗， 點知一陣就焗到表面咁既樣喇！於是我就加張錫紙係面再焗， 都唔知焗左幾耐先熟。

硬餐包 (內附食譜)

硬餐包

材料：

高筋麵粉              160克

麵粉                      40克

依士                      3克

鹽                          4克

牛油                      10克

溫水                      110克

麵包種                  100克

做法：

1)     磅好材料。

2)     依士加入溫水拌勻，置桌上2分鐘。

3)     全部材料放入大盆內，加入依士水。

4)     拌勻材料。(留意其質感突其他麵糰乾身)

5)     將麵糰倒出放桌上。

6)     再手推開麵糰。

7)     將麵糰摺疊或用力敲摔麵糰。

8)     再摺疊至有筋性及不黏手。

9)     放在已掃油的盆內，蓋上保鮮紙進行發酵，約45分鐘。

10)  麵糰約成2-3倍，第一次發酵完成。

11)  將麵糰分割成每份約重60克。

12)  拉長麵糰。

13)  向上摺一摺。

14)  向下摺一摺。

15)  蓋上保鮮紙，鬆弛15分鐘。

16)  將麵糰拉長拍扁。

17)  向上摺一摺。

18)  向下摺一摺。

19)  再向下摺多摺一下。

20)  壓爛麵糰末端。

21)  捲實，收口向下。

22)  撒少許根粉在布袋上，然後放上麵糰。

23)  蓋上保鮮紙作最後發酵，約30分鐘。

24)  麵糰約成造形後2倍，放上已預熱的焗盆上。

25)  放入預熱200度焗爐，噴水，約焗20-25分鐘。