蛋撻 (內附食譜)

老公鍾意食蛋撻，係兩年前我就獻出第一次〝D.I.Y. ※經典聖安娜蛋撻〞，之後都整過一次〝牛油皮蛋撻〞，兩次都整不同款，而且都非常成功，可惜今個月再整就唔多掂。   

我見〝獅頭媽〞和〝Grace〞跟〝韋太〞整得唔錯，所以我今日又的起心跟整。我第一轉焗左30分鐘先得，而第二轉只係焗左約15分鐘，可能焗第一轉時焗爐唔夠熱，所以焗既時候大家要自己留意喇！    

蛋撻  

撻皮材料：(3吋蛋撻模7個)  

低筋麵粉                110克  

奶粉                        6克  

牛油                      70克  

糖霜                        20克  

雞蛋 (打散)              1/2隻  

撻皮做法：  

1.          將低筋麵粉及奶粉預先過篩備用。  

2.          牛油和糖霜用打蛋器打王幼滑後，將蛋液遂少加入拌勻，再將粉篩入，搓成軟麵糰，放入雪櫃雪15分鐘。  

3.          將麵糰平均分開多份，然後搓圓及將適量的餅皮放入模內，沿模邊用手指向撻邊按壓後，修去多餘的餅皮，用叉在撻皮上剌孔，然後注入蛋漿娥7分滿。  

4.          焗爐用180度預熱15分鐘後，將蛋撻放入焗爐，焗約15-18分鐘即可。  

蛋漿材料：  

水                          120毫升  

糖                         30克  

蛋 (打散)                   1 1/2隻  

花奶 (鮮奶)              30毫升  

蛋漿做法：  

1.          預先將糖加水煮溶後放涼備用。  

2.          雞蛋拂勻後放入大碗內，然後將花奶加入蛋漿內拌勻。  

3.          再將糖水慢慢沖入蛋漿內拌勻，再用篩濾去雜質備用。

蜂蜜綠茶蛋糕@再次失敗

這款蛋糕之前我都整過一次，但係用cup cake紙模做，焗完表面好濕，我問過作者~原係焗爐唔夠熱，之後就買左個焗爐溫度計。   

今日為了茜茜我再次挑戰，因為佢喜歡吃綠茶，可惜這個蛋糕始終送不到她的手上，想知原因請到〝送別不到的夜機〞就明白。不過，好在送不到，因為老公回到家吃過，佢話蛋糕好黏口，即係又再一次失敗。   

我照書焗左25分鐘，但都係未熟，我再加多十分鐘，今次比上次好，但依然未成功，其實內裡組織都好靚，但唔知點解會咁黏，可能係我功夫未到家。

香濃綠茶慕絲蛋糕 (內附食譜)

我為C小姐的生日做左這個蛋糕，我係跟據上次〝綠茶慕絲蛋糕〞而改的，因為上次太creamy，今次樣樣改D，出來的結果人人都讚好，我問佢地兩個問題‧‧‧    

1. 我覺得好似甜左D？但大家都話OK唔甜，C小姐不嗜甜的。  
2. 綠茶味會唔會濃得滯？剛好，綠茶粉再多D就會over。  

佢地叫我下次整大個D，仲叫我教佢地整蛋糕添！我一直擔心個蛋糕唔好食，我的擔心真係多餘，有人欣賞真係好開心。

香濃綠茶慕絲蛋糕

餅底材料：(4吋)

消化餅               59克 (4塊)

無鹽牛油          39克

餅底做法：

1.         將消化餅放入保鮮袋，碾碎。

2.         無鹽牛油隔水座溶。

3.         消化餅放於碗中，加入已溶化牛油。

4.         倒入慕絲圈內，壓平，再放入雪櫃雪至硬身。

慕絲材料：

淡忌廉               151克

牛奶                   48克

綠茶粉               7克

糖                       43克

魚膠片               2片

慕絲做法：

1.         魚膠片用凍水浸軟，然後隔熱水座溶。

2.         牛奶加入綠茶粉攪勻。

3.         淡忌廉加糖打至7分起。

4.         將(1)和(2)混合，然後加入(3)內，用橡皮村拌勻。

5.         將(4)倒入餅底慕絲圈內，冷藏4小時，脫模，即可享用。

整後心得：

l  若果綠茶粉加入牛奶攪極都有粒粒，倒入魚膠水時，可以用篩過濾。

蜜味黑椒豬肉乾 (內附食譜)

上次用〝韋太~蜜味豬肉乾〞這食譜將豬肉改為牛肉，就整左〝蜜味黑椒牛肉乾〞，但不是完美，今次我就跟足原食譜用豬肉，出來效果真係好好，有好富豐蜜味，加左黑椒又帶少少辣，與街的都差不多。   

上次用牛可能沒太脂肪，所以有D〝鞋〞，但豬肉脂肪比較多，食落好腍。

我要研究一下牛肉乾食譜，從這2次整牛和豬肉乾，知道不一定可以套落另一種食品在同一食譜內。

蜜味黑椒豬肉乾

材料 : 

枚頭豬肉                    200克

調味 :

生抽                               1湯匙

鮮露                               2茶匙

紹興酒                         2茶匙

砂糖                               60克

蜜糖                               1湯匙

鹽                                1/8茶匙

黑椒碎                         1/2 茶匙  (可以唔用)

做 法 :

1.         以150度預熱焗爐。

2.         將買回來的枚頭剁碎，然後將所有的調味加入，並用筷子將材料順一方向攪勻至起膠及黏成一糰。

3.         將豬肉碎放在牛油紙上，面上再鋪上一層保鮮紙，用木棍在保鮮紙上來回將肉餅壓勻，大約壓成一底約 2分厚的肉餅。

4.         將肉餅放入焗爐，先用150度焗15分鐘，然後再將爐火調高至160度再焗15分鐘，之後將豬肉乾取出並且將它反轉再焗10分鐘即成。

5.         待涼後將豬肉乾剪成一片片享用。

注：

1.      做豬肉乾，肉餅一定要壓得薄一些，否則，做出來的製成變成牛肉餅。

2.      糖及蜜糖的份量多少都要加入，否則做出來的效果會沒有光澤及乾身似肉餅。

3.      每個人家用的焗爐爐溫會有出入，請在焗製的過程中，如發現太濃便將爐溫減低。

整後心得：

l   豬肉乾焗完後表面會乾左D，你可以翻轉沾回汁液就唔乾架喇！

蜜味黑椒牛肉乾 (內附食譜)

上次用〝韋太~蜜味豬肉乾〞這食譜將豬肉改為牛肉，就整左〝蜜味黑椒牛肉乾〞，但不是完美，今次我就跟足原食譜用豬肉，出來效果真係好好，有好富豐蜜味，加左黑椒又帶少少辣，與街的都差不多。   

上次用牛可能沒太脂肪，所以有D〝鞋〞，但豬肉脂肪比較多，食落好腍。我要研究一下牛肉乾食譜，從這2次整牛和豬肉乾，知道不一定可以套落另一種食品在同一食譜內。

蜜味黑椒牛肉乾

材料 : 

免治牛肉                    245克

調味 :

生抽                               1湯匙 + 1/3茶匙

鮮露                               2 1/2茶匙

紹興酒                         2 1/2茶匙

砂糖                               80克

蜜糖                               1 湯匙 + 1/3茶匙

黑椒碎                         1/2 茶匙  (可以唔用)

做 法 :

1.         焗爐預先用120度預熱15分鐘。

2.         調味料加入免治牛肉，並用筷子將材料順一方向攪勻至起膠及黏成一糰。

3.         將免治牛肉放在牛油紙上，面上再鋪上一層保鮮紙，用木棍在保鮮紙上來回將肉餅壓勻，大約壓成一底約 2分厚的肉餅。(這份量剛好做到一塊一個焗盤闊度的豬肉乾)

4.         將肉餅放入焗爐，先用120度焗20分鐘，拿出來反轉，再搽上蜜糖，然後再改用160度再焗8分鐘，拿出來反轉，再搽上蜜糖，再焗多8分鐘。

5.         待涼後將豬肉乾剪成一片片享用。

注：

1.      做牛肉乾, 肉餅一定要壓得薄一些, 否則, 做出來的製成變成牛肉餅.

2.      糖及蜜糖的份量多少都要加入, 否則做出來的效果會沒有光澤及乾身似肉餅.

3.      每個人家用的焗爐爐溫會有出入, 請在焗製的過程中, 如發現太濃便將爐溫減低.

清新檸檬蛋糕 (內附食譜)

我都好耐冇新攪作，尋日諗住整麵包，但又怕多功夫，所以整左呢款蛋糕，好在怕整麵包麻煩，因為今日唔多舒服，又係老毛病頭和肩頸痛，瞓下醒下，食完野又嘔，只係湊左阿B返學，湊唔到放學。   

我將麵糰倒落紙模內，大頭蝦的我執拾用具時才發現，原來我有2隻蛋都冇落，唯有麵糰倒回碗內，再加入蛋，雖然步驟錯左，但係都好好味。唔知點解，成日焗cup cake個表面都好似火山咁，都唔平滑既呢？   

食後感：   我：這個蛋糕真係好香檸檬味，食落甜甜酸酸，感覺好得意。

清新檸檬蛋糕

食譜來自：自家製手工蛋糕 Hand-made Cake

材料：(5個)

牛油                   50克

砂糖                   50克

鮮檸檬汁           20克

檸檬皮屑           15

全蛋                   2隻

低筋麵粉           60克

泡打粉               2克

做法：

1.         先以180度預熱焗爐。

2.         牛油於室溫下溶化。

3.         加入砂糖以電動打蛋機打發至鬆發變白。

4.         蛋打散後分2-3次加入牛油中打勻後，再拌入檸檬汁及檸檬皮。

5.         將已過篩的粉類加入牛油糊內攪勻備用。

6.         再倒入模具內約8乖高度，入爐以180度焗約35分鐘。

小貼士：

l  可用濃縮檸檬汁代替鮮檸檬汁。

綠茶慕絲蛋糕 (內附食譜)

我考慮左好耐先決定整呢個蛋糕，因為冇食譜，唯有上網睇下，又搵下書，參考完畢就動手，原本想整2個，好似少得滯，所以整左4個。   

最後都成功，出來效果唔錯，食落有輕輕甜味，係creamy左D。咁多年老公生日係第一年一齊食過蛋糕，之後都冇。今次老公話好食，給我有8分，問再整會唔會食？佢話唔知，因為佢唔鍾意食蛋糕。   

今次份量我做左4個，但係慕絲係唔倒唔滿個慕絲圈，大約佔2/3。我諗可以將材料group埋，再分過整3個就啱啱好。

綠茶慕絲蛋糕

餅底材料：(4個約2 1/2吋慕絲圈)

消化餅               52克 (3 1/2塊)

無鹽牛油          35克

餅底做法：

1.         將消化餅放入保鮮袋，碾碎。

2.         無鹽牛油隔水座溶。

3.         消化餅放於碗中，加入已溶化牛油。

4.         倒入慕絲圈內，壓平，再放入雪櫃雪至硬身。

慕絲材料：

淡忌廉               145克

牛奶                   50克

綠茶粉               5克

糖                       40克

魚膠片               1 1/2片

慕絲做法：

1.         魚膠片用凍水浸軟，然後隔熱水座溶。

2.         牛奶加入綠茶粉攪勻。

3.         淡忌廉加糖打至7分起。

4.         將(1)和(2)混合，然後加入(3)內，用橡皮村拌勻。

5.         將(4)倒入餅底慕絲圈內，冷藏4小時，脫模，即可享用。

整後心得：

l  若果綠茶粉加入牛奶攪極都有粒粒，倒入魚膠水時，可以用篩過濾。

提子皇后蛋糕 (內附食譜)

我有次見到〝獅頭媽〞個大囡係學校家政堂學〝皇后蛋糕〞，做法和用料都好簡單，而且之前又有用剩自發粉，就諗住搵日試下。   

今日不用湊阿B，就試下整，真的好簡單，5分鐘內可以完成拎去焗。老公唔吃朱古力，所以我改左用提子乾。賣相冇獅頭媽佢地整咁靚，我整果D好似火山咁，佢地果D微微凸好靚架！   

食後感：   

我：好鬆軟，略為甜左少少，但甜度可以接受。     

我剩下自發粉不多，所以用晒都不足食譜份量，我自己以自發粉的基數，再修改材料份量，做出剛好一盤6個的皇后蛋糕。     

內裡組織幾靚，食落仲好鬆軟添啵！

提子皇后蛋糕

材料：(6個份)

自發粉             65g

無鹽牛油           42g

糖                     65g

雞蛋                  36克

牛奶                  1 1/2 - 3湯匙

提子乾              1 1/2  湯匙

做法：

1.        牛油室溫。

2.        以180度預先加熱焗爐。

3.        除提子乾外，把所有的蛋糕材料放入混合碗，然後打直到平滑，大約 3 分鐘。

4.        後加提子乾，再拌勻。

5.        倒入蛋糕模內約2/3滿。

6.        以180度焗20分鐘。

7.         表面金黃色就成。

整後心得：

l  由於做法簡單，不用5分鐘就完成，所以要係未開始做之前就預熱焗爐。