原味牛油蛋糕 Original Butter Cake (內附食譜)

今日起身頭和肩頸都好痛，所以諗住整下蛋糕來麻醉一下，但係做出來與我想像中有出入，唔知係我做法有問題或是其他原因。  

我睇書這款蛋糕感覺係實的，但我做出來居然有蒸蛋糕的感覺，所以都有D失望。不過，我都有少少預左，因為這食譜係全蛋法，若果分蛋可能會好D。  

書中係用類似紙包蛋糕模，然後將蛋糕紙放入去焗，與我的紙模有別，所以我做完試驗後，若用這款約7cm直徑紙模，麵糊就要約7成高就可以，可以做到約9個。  

蛋糕凍左之後我又食左少少，原來凍食好過熱食，凍食冇咁似蒸蛋糕既口感喇！   

蛋糕組織唔錯，但係口感似蒸蛋糕，所以我唔多鍾意吃。  

原味牛油蛋糕 Original Butter Cake  

食譜來自：專業麵包甜品製作  

材料：(14 cupcakes)  

雞蛋         227克  

砂糖             170克  

牛油              227克  

麵粉                227克  

泡打粉        1/2茶匙  

做法：  

1.           牛油置室溫放軟，加入砂糖，用打蛋器打起。  

2.           間中用膠刮將牛油刮回中央。  

3.           打至鬆軟和淺奶白色，將蛋分2-3次加入繼續打勻，間中用膠刮將牛油刮回中央。  

4.           麵粉和泡打粉一起篩入，加入牛油漿中拌勻至無粉粒。  

5.           蛋糕模內放入紙杯。  

6.           將牛油糊平均放入蛋糕模內。  

7.           放入預熱180度焗爐，焗約20分鐘。  

整後心得： 

l   若果用我這款紙模直徑約7cm，麵糊約7成高就可以。

l   我用190度焗27分鐘，因為我用的模比書的高身。

迷你煙肉磨菇Pizza (內附食譜)

老公唔鍾意食Pizza，所以我兩年幾冇整，果時整都係與同屋住一齊住，我與她的老婆吃。   

上星期我已計劃今日整一個迷你Pizza作為我的lunch，可以我由3點整到5點幾先有得食，所以都唔知係lunch好，抑或晚餐好，但點都唔緊要，因為好脆好味，我將個Pizza底整得薄過平時。

煙肉磨菇Pizza   

材料：(1人份~5吋薄批1個)  

高筋麵粉                  18克  

低筋麵粉               33克  

鹽                            1克  

糖                       1克  

牛油                    5克  

依士                     1克  

溫水                     28克  

餡料：  

茄醬                      適量  

煙肉                      3塊  

磨菇 (細)              1/3罐  

芝士碎               適量  

做法：  

1.               依士與溫水拌勻。  

2.               其他材料同放盆內，之後加入依士水，再用手將所有材料攪勻。  

3.               用手拉開時成薄膜狀即大功告成。  

4.               盆內塗上一層薄固體菜油或溶牛油。  

5.               將已搓滑的麵糰放入盆內，蓋上保鮮紙(以防表面乾硬)。  

6.               將整盆麵糰放入另一個注入30℃-40℃溫水的盆內，發酵後的麵糰約成原來的2.5-3倍大。  

7.               將麵糰拍扁拉闊，約8吋圓形大。  

8.               放在已掃油的焗盆上，塗上茄醬，蓋上保鮮紙作最後發酵，約30分鐘。  

9.               白鑊爆磨菇，然後再加入煙肉同炒。  

10.            放上煙肉、磨菇，最後撤上芝士碎，放入預熱240℃焗爐，約焗12-15分鐘。  

整後心得：  

l   用煙肉的話，就要炒一炒，因為焗既時候會出油，會令Pizza好水汪汪。

l   我冇芝士碎，所以用一片芝士撕碎，都一樣得。

藍莓芝士凍餅 (內附食譜)

前日老爺做完〝白內障〞手術，呢幾日要煮飯給他吃。尋晚老公與朋友傾電話，約左今晚來打邊爐，所以我係打邊爐前我要煮左飯比老爺吃先。   既然有朋友來就啱喇！

之前藍莓醬用剩左，我係RTHK〝http://www.rthk.org.hk/elearning/dessert/cake_bbcheesecake.htm〞搵到呢個食譜，有朋友一齊吃咁就可以好快清晒，朋友們試過有以下的意見。  

我：蛋糕好滑，覺得滑到好多食牛油咁，所以就有點膩。 

熊貓：若果硬身D會更好。 

高達：鍾意〝益力多藍莓慕士蛋糕〞多D，因為酸酸地好好味。 

高佬：都係覺得硬身D好D，芝士味濃得滯。 

YY：唔覺芝士味濃。   

老公意見，雖然，大家都有意見，但佢地都話好味。我係〝RTHK〞睇整蛋糕示範時，老師話淡忌廉打到6成發就可以，因為打到企身蛋糕就唔滑，所以我諗下次將淡忌廉打到企身就會硬身D，而家個蛋糕就好滑。

藍莓芝士凍餅  

食譜來自：美味DIY~RTHK  

消化餅底材料：(6吋蛋糕模)  

消化餅               5塊  

淡牛油                30克  

飾面：  

鮮藍莓                適量  

藍莓果醬            適量  

芝士餡料：  

忌廉芝士              250克  

糖                     60克  

淡忌廉                 220克  

魚膠粉               2茶匙  

水                        2湯匙  

藍莓果醬           60克  

做法：  

1.           將消化餅壓碎，加入牛油溶液拌勻，壓實於蛋糕模內雪凍，備用。  

2.           忌廉芝士加糖打滑至糖溶解，加入藍莓果醬拌勻。  

3.           淡忌廉打至6分備用。  

4.           魚膠粉加水，隔熱溶解，加進芝士餡內，再加入已打起的淡忌廉攪勻，倒入消化餅底內，放入雪櫃凝固。  

5.           脫模後用鮮藍莓及藍莓果醬裝飾便成。

益力多藍莓慕士蛋糕 (內附食譜)

我見雪櫃有盒〝藍莓果醬〞就快到期，咁啱今日有朋友來，所以就上網搵下食譜。我係韋太到搵到〝益力多藍莓慕士蛋糕〞。   

由於第一次整鏡面，倒落去慕絲時大力得滯撞起左D慕絲，攪到鏡面好似發霉咁，所以冇正面睇既。佢地話甜左D，但就好好味，唔夠上次〝香濃綠茶慕絲蛋糕〞好味，不過，我就唔覺得甜，咁既話下次整就將糖份減D先。   

我將食譜既淡忌廉份量改左，因為我買左一盒細，又唔想落街買，買多盒又怕嘥左，而且我磅過只係差少少，差少少都唔多覺，成果唔錯。    

益力多藍莓慕士蛋糕  

餅底材料：(6吋模)  

消化餅                      4塊 (60克)  

牛油溶液                    25克  

餅底做法：  

1.           將消化餅壓碎，加入已溶的牛油混合，壓在蛋糕模內，放入雪櫃冷藏一會備用。  

慕士餅材料：  

藍莓果醬                       75克  

砂糖                             30克  

益力多                         1枝 (100克)  

淡忌廉                     200毫升  

檸檬汁                     1+1/2茶匙  

魚膠粉                    7克  

水                                 40克  

藍莓鏡面材料：  

黑加侖子啫喱粉           45克  

魚膠粉 (拌勻)             1/2茶匙  

熱水                              125克  

藍莓果醬                      50克  

慕士做法：  

1.           將材料藍莓果醬、砂糖、益力多、檸檬汁拌勻後放入鍋內隔熱水座溶後放涼。  

2.           用電動打蛋器將淡忌廉打起至6成備用。  

3.           魚膠粉加水拌勻，用熱水座溶後加入藍莓醬內拌勻。  

4.           將藍莓醬料加入已打起的淡忌廉內拌勻。  

5.           將慕士料倒在餅底上，冷藏1小時。  

6.           將藍莓鏡面材料攪勻倒入慕士料內，將藍莓鏡面冷藏2小時即成。

榛子芝士蛋糕 (內附食譜)

我都有一段日子冇整包餅，尋日茜茜和迪迪媽來我新屋，所以前日我諗住整趁機新野，等大家一齊消滅它，平時得我一個好難。   

我見有榛子粉，就揀左呢款慕絲蛋糕，雖然一齊分享，但都怕吃不完，所以由食譜8吋改為左6吋蛋糕，但係始終都係冇吃到，因為到走既時候都係忘記左它。   

今日我就切了一件做早餐，其貌不揚的它以為唔好吃，但原來味道都不錯，可惜老公唔吃蛋糕，得我一個都唔知點攪掂它，可能最終都要請垃圾桶食。   

榛子芝士蛋糕  

食譜來自：精巧甜品 DIY2  

預備：  

l   6吋餅模圈以牛油紙包褢底部。 

l   忌廉芝士置室溫下軟化。 

l   魚膠粉加水隔熱水座溶  

鬆酥皮餅底材料：  

麵粉                          68克  

牛油                        34克  

糖                       17克  

蛋                       1/5隻  

鬆酥皮餅底做法：  

1.          已篩麵粉、糖和室溫牛油搓成粒狀。  

2.          加入蛋液搓勻。  

3.          以保鮮紙包好，冷藏30分鐘。  

4.          取出以擀麵棍將麵糰碾平至略大於餅模。  

5.          在麵皮上放上圈形餅模，撕去多餘部分。  

6.          戳小孔。  

7.          以180度焗約15分鐘，待涼。  

材料：  

忌廉芝士                   141克  

鮮忌廉                     141毫升  

牛奶                   141毫升  

水                      68毫升  

榛子粉                   45克  

糖                          42克  

魚膠粉                  14克  

蛋黃              1 1/2隻  

做法：  

1.       忌廉芝士加入糖，以打蛋機打至軟滑，再加入蛋黃續打至均勻。  

2.       留下少量榛子粉作飾面，其餘加入牛奶拌勻，輕輕拌入芝士醬中，再拌入魚膠溶液。  

3.       鮮忌廉以打蛋機打至八成鬆發，徐徐覆入芝士醬中拌勻。  

4.       酥皮鋪在餅模圈內，將芝士醬倒在酥皮上。  

5.       冷藏4小時，脫模，灑上榛子粉，切件享用。