密密食大澳之行

我有個大澳長大既同事，今次我地同事們又組團去大澳，大澳同事已經係第3次帶我地去大澳喇！第一次帶我地去係小王子仲係我個肚入面既時候，第2次仲未識行。

早上係東涌集合，食早餐就早點到，唔食就晏少少，集人就坐巴士。

呢間士多小食店係巴士總站附近。

墨魚好彈牙，大大魚蛋都好食。

跟住就去食〝強記冰室〞，果到既奶油多係將一塊麵包中間切開，但唔切斷，然後加牛油夾好脆的。

強記冰室

地址：大澳吉慶街53號地下

再行前少少去食炭燒雞蛋仔先，但水準冇以前咁好。

行過斜對面就係即製沙翁。 

繼續去〝車站豆腐花〞食傳統糖水，每次都會去食豆腐花。

車站豆腐花

地址：大澳永安街57號

週圍行下

每次我都會去買糯米糍，呢個係我必食list內。第一次來係睇阿蘇介紹，果之我買左3隻，老公唔食，有2隻拎回家第2日食，可惜第2日發現開始化水，所以都係要即食，唔可以留。

茶果財

地址：大澳石仔埗街106號地下

老公食佢最愛既燒魷魚。 

口渴喇！買野飲先。

 

食飽行下〝銀芽橋〞先，即係〝新基大橋〞，有睇龍咁威就知點解喇！

跟住再去廟行下，吹住海風坐低傾計。

差唔多夠鐘食晚餐喇！同事家人掘左蜆，比左好多我地做晚餐，又叫左佢老爹幫忙買海鮮。

同事係〝海韻素食館〞訂左枱，而且有啲餸要預早訂的。食完飯入黑了，海韻出面好多蚊，所以記得做好防蚊措施。

海韻素食館

地址：大澳南涌村13B

每次入去都會入貨，今次收穫都唔錯丫！ 

日式北海道包 (麵包種)

今日整左老公好鍾意食既〝日式北海道包〞，加左麵包種整既，麵包好軟熟。

原來上次整〝日式北海道包〞已經係2007件1月既事了，相隔十年，失手左，賣相唔及以前靚，我估問題應該出係麵種到，我未搓到起薄膜就發，因為尋晚太夜做種，下次要早點。

7/5：早上試食，麵包仍軟，與昨天一樣，但味道和賣相就冇以前咁好。

E3 Club Playhouse@Megabox

我同老公請左假陪小王子去玩，

見到Megabox有個〝E3 Club Playhouse〞啱小朋友玩，所以就決定去Megabox。

我地好早就入埸玩足一日，入場時要帶手帶，所以可以出去食野，再返來玩過。

一入門口就見到好多大積木 

 右邊就係玩既地方

再直望就見到有架充氣〝Ming the minibus〞彈彈床，係呢到既主題。 

再〝Ming the minibus〞右邊就係波波池、滑梯。 

而〝Ming the minibus〞左邊行入去有間房，間房冷氣都大，要著外套。 

早上食完早餐就去玩，跟住出去食下午茶，再返入去玩。

我地玩到人地收舖先走。 

甜麵包(中種法) (內附食譜)

上一次整包已經係5年前，而家有埋小王子更加難。

見好耐冇整包，今日起動吧！唔想整以前整過的，就摷書搵到好耐之前係台灣買既麵包書，跟住整。

原本呢個包係有餡的，但我第一次發唔到2倍大，加上麵糰到造型個步驟時仍然好黏手，所以決定唔加餡。

估唔到焗既時候好香，買相OK、味道亦都OK，口感同麵包有少少唔同，個包拍扁識回彈，即係拍唔扁囉！呵~呵~

甜麵包(中種法)

食譜來自：大熱賣爆漿餐包

中種麵糰材料：

高筋麵粉            130克

速溶酵母            7克

水                        6克

主麵糰材料：

高筋麵粉            44克

低筋麵粉            43克

細砂糖                39克

鹽                        2克

全蛋                    22克

奶粉                    13克

奶油                    22克

水                        40克

做法：

1.          將中種麵糰材料放入攪拌缸中，先以慢速拌至無乾粉狀，再轉至中速拌打至成糰有筋性。

2.          將作法(1)麵糰尿出，滾圓後放入鋼盆中，置於發酵箱內以溫度28度/相對濕度75%，發酵約90分鐘至麵糰發酵為2倍大，此即為中種麵糰。

3.          將發酵好的中種麵糰放入攪拌缸中，加入除奶油之外的所有主麵糰材料，先以慢速攪拌至無乾粉狀，再轉至中速打至成糰有筋性，接著加入奶油拌打至擴展接近完成階段，此即為主麵糰。

4.          將拌打好的主麵糰取出，分割成所需重量並滾圓，覆上保鮮膜或塑膠袋避免麵糰表皮結皮，靜置鬆弛約15-20分鐘即可包餡整型。

5.          將麵糰排氣滾圓，依序排放至烤盤上，移至發酵箱中妁溫度38度/相對濕度85%，發酵約45分鐘至麵糰呈2倍大，此即為最後發酵。

6.          將完成最後發酵的麵糰放入烤箱，以上火180度/下火160度烘焙約10分鐘。

貼士：

l   若不可分開上下分熱線就取個中間數，用170度來焗。

l   書的發酵是用專業酵箱，所以用回平時自己的發酵方法就可以。

坪石恐龍遊樂場

之前聽老公講坪石有個公園，不過，老公話附近起樓，所以個公園細左好多。

今日就的起心帶小王子去。

這塊是彈彈板 

全港唯一有個升降台，比小朋友企上去，

再靠個人體重慢慢下降，所以我地叫呢到做升降機公園。

今朝食早時小王子隻腳磨薑，而家玩呢個野又再整到，所以喊到震晒。

Jenny Bakery小熊餅乾 (內附食譜)

今日用左金桶牛油整左2個食譜，食譜係之前用過的，金桶出來的效果比較酥鬆，但比正版的仲有距離。

Jenny Bakery小熊餅乾

食譜來自：蘇發福日記 Super food diary

材料：約16塊餅乾

金桶牛油 (或任何軟式奶油)        100克

糖粉 (糖霜)                                    20克

低筋麵粉                                         75克

玉米粉                                             25克

做法：

1.          牛油及糖霜放入鋼盆內，用手提攪拌器以中低速打到奶油微微泛白。

2.          低筋麵粉及玉米粉一起過篩入打好奶油鋼盆內。

3.          將粉類及奶油攪拌均勻成糰 (不需要揉麵，烤出來會影響鬆化程度)。

4.          放入擠花袋內，擠上適當大小(煮婦的約為直徑3cm)的奶油麵糰在墊好烘焙紙的烤盤上，麵糰之間留1-2cm的分隔。

5.          整盤放入冰箱，冰30分鐘，到20分鐘時預熱烤箱至180度。

6.          從冰箱拿出來後，直接進烤箱以180度烤12-14分鐘(上色即可)。

7.          取出放涼後，自然會變酥，完成。

貼士：

l   金桶牛油在烘焙店都可以買到，這也是傳說中Jenny Bakery所使用的牛油。可以其他類似的軟式牛油替代。

l   步驟(5)放冰箱的原因是讓奶油麵糰先變硬，以免在烤的過程中攤掉變型。

l   糖霜可以用一般砂糖取代，只是做出來口感沒那麼細緻，非常像喜餅盒裡的奶油餅乾。

l   基本配方是奶油：麵粉+玉米粉=1：1，而麵粉：玉米粉=3：1。

l   若想要降低熱量，只要增加粉類的比例(等於減少牛油比例)就可以了。發福有試到奶油：粉類=1：1.3，只是麵糰較硬，擠花要用力一些。(牛油100克、糖霜25克、低筋麵粉98克、玉米粉33克，可以做成約19塊餅乾)

Event 1933‧太安樓

九巴係尖沙咀鐘樓攪左個活動~名為〝Event 1933〞，大家都可以著啲懷舊既服飾出席。

小王子唔知係咪遺傳左老公既愛好，都係鍾意巴士，所以我地就去呢個活動。

遲左出門口，食埋早餐去差不多10點半先去排隊，已經打蛇餅喇！

之前聽姊婦同阿B都話嚟，但到我走都未人，佢地on the way。

輪候玩遊戲都要等好耐。

排隊上巴士坐下、影下相。

熱狗冇機會坐架喇！仲要係咁舊款。

玩完遊戲儲印仔就可以換野食。 

睇下小王子見到就好開心。 

走人了

食野都咁多表情。 

跟住坐船過海去太安樓食野，但由中環碼頭行去西港城坐丁丁，行到腳仔軟。

之前lunch時同事帶過我嚟呢間食車仔麵。 

然後又同老公每人買一兜海南雞飯回家做晚餐，老公加錢要雞脾，但冇比到雞脾。

攤位遊戲的禮物。