Day 2：方塊王國親子餐廳→海岸城購物中心→萬象天地→皇庭廣場
今日真係黑仔，早餐plan左去〝方塊王國親子餐廳〞，是親子餐廳，店是Lego主題(非官方)，仲同小王子著左Lego衫。
我在外圍影相，老公入到去叫出來話好似執左啵！裡面爛晒既，唔係掛咁大劑，入到去裝修咁款，原來門外貼左通告本年6月10日已結業了。
近近地去海岸城購物中心，咁都可以去試下〝Line Friends Café & Store〞，到達商場睇指南都搵唔到，就去問客服，原來已經撤離了。
真係餓死，早上我係酒店食左芝士蛋糕，兩父子瞓到出門口先起身，11點幾出門口，我食左野都肚餓更何況兩父子，最嬲係我提意食咩佢又reject，問佢食咩又唔知，最後求其搵左間，好食既拉麵。
*********************************************************************************
酒店一落地下街就見到佢，小王子好大聲話～柯柏文丫！
〝方塊王國親子餐廳〞已結業
雖然2間都執左，上天都對我好好，小王子鍾意食麵，所以我揀左〝歌志軒〞，老公話食隔離間〝一風堂〞，香港、日本都有，又食過都唔係好好食，緊係食我揀果間喇！
店員比餐牌時話呢到撈麵係名物，再睇餐牌原來全部都係日本撈麵，到我係Facebook打卡時，〝歌志軒〞日本都有店的。
歌志軒
地址：海岸城購物中心B1
歌志軒秘汁拌麵：CNY36
自慢牛肉伴麵：CNY39
餃子：CNY15
汽水：CNY8
和風被汁雞翼：CNY9
酥脆多汁雞塊：CNY4
平、靚、正，全部都好吃😋
我地追加左一次麵，因為可以免費追加80克麵。
小王子買咗隻比卡超，我仲買咗個袋仔裝佢部相機仔。
杂物社
地址：海岸城購物中心B1層060號舖
要同比卡超影吓相先！
老公好鍾意飲椰汁，尋日老公見到〝COCO椰子布丁〞已經想試，今日再見到，佢忍唔住要試下，不過，呢間只有布丁，尋日果間有原隻椰子肉由殼取出，見啲人飲左，椰子肉波會扁左，好得意架！
小王子想飲綠茶布丁，但呢間只有原味，買左原味，但有點古怪，點解？問店員點解成杯都水汪汪嘅？原來上層係椰汁，下層是布丁，濃濃椰子味，甜度適中～正。
COCO椰子布丁
地址：海岸城購物中心B1層
這間買日用品、雜貨又有飾物，入到去睇啲貨係進口貨，價錢同香港差不多，小王子既芒果條，老公同事之前去旅行時買過比小王子食。
KK進口品集合
地址：海岸城購物中心B1層
小王子要求我影，你問我似唔似米奇？仔，呢隻好明顯係熊嚟㗎啵！
車程 (16分41秒~CNY3)：后海站 (2號線)→世界之窗站(換乘1號線機場東方向)→高新園站)
我想周圍搵，就去問職員點去搵隻象，佢點左我與象近距離接觸，行外圍行左好耐真係熱到爆炸，其實我係想由地下影相去囉！唔緊要啦，睇到都一樣啫，如果想由下面影上去就去誠品門口。
〝星際傳奇〞好多地方都有，就同小王子去玩下，因為佢好鍾意呢類玩意，不過，呢間真係好多人。
我哋入咗會啦！不過，只有一年有效。
佢哋唔鍾意食牛角包去打機，我就獨自去食我最鍾意嘅牛角包。呢間防牛角包，仲有其他包，而且有野飲，可以坐低慢慢嘆！不過，我要回去買喜茶返去比兩父子飲。嘩！喜茶條龍排到店外長到，我放棄了。
Croissant Village 牛角村
地址：萬象城SL307
營業時間：Sun - Thu 10:00 - 22:00、Fri - Sat 10:00 - 22:30
小王子煲機，只是這部機都用左差不多100個代幣。
好認真啊！
玩完走人，心心思思都係想試下喜茶，又走去睇下，見排幾個人就試下。
這間係粉紅主題，但店有點熱又細，係全店粉紅，但同網介紹好似有出入，我地坐低飲完先走。
喜茶 (粉紅主題概念店)
地址：萬象城首層SL187(ZARA隔壁)
營業時間：10:00-23:30
奶茶粒粒冰、芒果肉肉甘露，兩杯都好飲。
今日好勞動，所以晚餐又係酒店附近商場攪掂，商場內週圍搵食，雖然老公唔多喜好過橋米線，但我好耐冇食，就要就下我喇！
云味館過橋米線
地址：皇庭廣場B1
營業時間：1000 - 2130 (Sun - Thu)、1000 - 2200 (Fri -Sat)
車程 (19分15秒~CNY4)：高新園站→會展中心站
老雞野生菌米線 (CNY29)：老公嫌唔夠味，佢自己加左辣椒醬，成碗正晒！
蕃茄肥牛過橋米線 (CNY32)：好味，番茄湯味濃，送餐時仲咋渣聲，超熱。
我地仲叫小食，油淋生菜(CNY5)、香辣雞脆骨 (CNY9)、手工煎餃 (CNY7)，全部都好食，又抵食。
行到咁上下又去食甜品，食兩父子都鍾意既綠茶，不過小王子都係鍾於雲呢嗱味。
同店員講雲呢拿味要用杯，點知佢整完杯雪糕之後，好順手咁吸落個杯裏面，同老公望到都呆左。
36 MAT CHART
地址：皇庭廣場F2
小王子食得好滋味
經過便利店又買一餐
沒有留言:
發佈留言