Day 3：壹方城
今日係最後一日，真係有點唔捨得走，其實，我好易滿足，去邊到旅行都冇問題，最緊要係不用返工，可以一家三口一齊玩。
我地全日都係壹方城既〝星際傳說〞玩，因為會員卡內仲有錢，用晒先走人，唔知幾時再會嚟，我就想聖誕節，因為冇咁熱，但老公未必肯，因為佢覺得國內消費都唔平。
下次可能都會揀位於會展中心站的〝深圳福田香格里拉大酒店〞，地鐵站行過去都係幾分鐘，酒店附近又有商場，而地下街係由地鐵崗夏站至購物公園站，地下街多野食選擇，又有衫和精品。
平時係香港都冇乜飲珍珠奶茶，不過，一場來到緊係要試下，喜茶、奈雪の茶、台蓋，最好飲係喜茶，試過就可以，下次未必會再飲。
我地食左咁多餐，餐餐都好味，而老公唯一話唔好就係尋晚碗麵唔夠味。
*********************************************************************************
我地11點幾check-out，然後將行李寄存酒店，老公話由地下街行去購物公園站，見到台蓋可以試埋。
金珠珠奶茶，但都得個甜子，奶味重，冇乜茶味~唔掂！
親子餐廳，食物質素有水準，價錢唔貴，有2層，最好坐地下，因為可以睇住食物由上層送到你到，不過，之前網上話有些食物係由人手送的，今次我地全部都係模型車送餐。
一張枱用顏色區分，所以模型車都係分顏色，認住自己咩色，千祈不要拎錯。
失重餐廳 Spacelab
地址：壹方城L1層017A
營業時間：Sat - Sun 11:00 - 22:00、Mon - Fri 10:00 - 22:30
付款方式：微信或到前枱付款
車程 (33分43秒~CNY6)：購物公園站 (1號線)→寶安中心站
用模型車從路軌送餐、ipad點餐。
肉醬意大利麵 (CNY58)：味道與香港一樣。
脆炸雞塊配薯條 (CNY38)：係兒童餐，雞塊入味又脆。
加州傳統煎牛肉堡 (CNY49)：味道都係有香港水準。
2樓有個地方播兒童電影比小朋友睇。
之前網上見到已經想食，因為好得意，小王子食飽左話唔食，咁我就同老公share喇！
一朵甜
地址：壹方城3層
營業時間：1000 - 2200
在商場內不是店舖，只是係扶手電梯旁，雪糕有好多種味，有一隻彩色，下次試。
小王子要食棉花糖，但唔比相機食先，所以喊。
睇下有得食就笑番。
商場有〝星際傳奇〞又係時候燒錢喇！擺好姿勢預備打保齡，可惜壞左。
又係到睇人跳舞，不過，佢只睇男仔，女孩子跳佢就走。
又煲呢部機，爸爸做副手。
野飲款式唔太多，都唔夠喜茶好飲，但都好多人，間店好熱，想試麵包，但係要去食晚飯，下次先試。
奈雪の茶
地址：壹方城B1-017A/019
營業時間：Sun - Thu 10:00 - 22:30、Fri - Sat 10:00 - 23:00
好易搵，地鐵與商場相連，是必經之路的右邊，時間尚早冇咩人。
越小品 Phở Nam
地址：B2-003A
營業時間：1100 - 2100
火車頭湯河粉 (CNY43)
香茅檸檬燒雞串 (CNY29)：好香燒烤味，肉嫩多汁。小王子要食飯，叫左碗白飯與小王子一齊食，申燒做餸。
酸辣無骨鳳爪沙拉 (CNY36)：老公怕酸，這個酸甜度剛好，所以佢都食左好多。
馬拉盞通心菜 (CNY29)：好味，但油左啲。
係一隻Lego馬，但小王子當電單車。
頭先一出地鐵，行過小王子見到KFC有比卡超，真眼利。
食完晚飯又去左打機，玩完又話肚餓，又食多餐，所以揀KFC食指定餐就送一隻 (任揀)。
皮卡丘和朋友單人餐 (辣) (CNY36)：香辣雞腿堡 (S)、九珍果汁飲料、薯條 (S)
我成都覺得國內既麥當勞和KFC比香港好吃，今次都不例外，老公仲話杯野好飲。
小王子臨走都要買野。
係落馬州等車回家
有車終於要返歸了
沒有留言:
發佈留言