Sport Zone 躍動悠園

前幾日係Facebook見到新城市有活動，今日冇地方去就帶小王子去走一轉。

我地去到沙田醫左肚先，然後再周圍行下。

我記得呢到有八月堂，我趁現在係我食野時間，等我試下佢既牛角包先。

我買左〝迷戀卡士達〞，因為2父子都唔食，我就唔客氣一人獨享。

牛角包，我喜歡有點煙韌的，而個卡士達醬沒有雲呢拿味和比較稀。

感覺沒什麼特別，可能包比別的鬆軟一點。

我地再行左去龍貓精品點，今次來先發現原來外邊有幅龍貓巴士。

食完又行完就出發帶小王子去玩了。

我唔知係邊就去服務台問下，原來係5樓，立即去。

行到去都多人要排隊，因為疫情要限制人流，要有個出，才可入一個。

我地都好快就入到去，場內人數唔多。

如果你要玩滑草就要係商場用電子消費，冇限銀碼，或者用商場會員積分換一次玩，但要高過120cm，我見大人都有玩。

其他設施就不用電子消費，可以任玩。

詳情：https://www.newtownplaza.com.hk/zh-hant/node/11696

小王子去玩其他野，而我和老公就幫佢排滑草，差不多到佢就返回。

玩完滑草就去跳遠。

攀石

仲有其他設施，又有地方可以休息，但位置不多。

小王子問有冇帶零食，咁就梗係冇喇！佢話下次要帶來，佢已經預左會再來。

玩完就去食晚飯。

呢到食兒童餐有玩具送，任揀一樣。

日式咖哩燴牛肉飯$108：牛肉冇咩味一般。

兒童餐$78：小王子好鍾意食，話下次嚟都要食兒童餐。

點餐前話要食布丁，到點餐時原來布丁和飲品選其一，佢緊係揀野食喇！

經典A4和牛漢堡$108：冇咩特別，但比老公的咖哩牛好食。

食完飯又趕去玩多轉，我等埋單，老公和小王子就飛奔去，因為個場收7點。