黑糖曲奇 Muscovado Cookies (內附食譜)

我整左〝卡通牛油曲奇〞比同學仔又點少得老師們呢！

我整黑糖曲奇，出來賣相麻麻地。

焗爐太勁，又係深色左啲，以前舊焗爐焗得好靚架！

好在今晚仲有我拿手的〝老婆餅 〞，每個老公一個再加2塊曲奇。

我整緊老婆餅時，小王子又話要食，但我食譜份量剛好派比老師。

咁樣我做多半份喇！老公要多謝小王子出聲，唔係佢就冇得食喇！

如果老公叫我就唔會再整，因為真係好攰，忙左一日了。

最後我都每個老師都送多2塊〝卡通牛油曲奇〞。

我叫老公幫我手包裝，我就坐係到貼貼紙，因為我已經好攰了。

黑糖曲奇 Muscovado Cookies

食譜來自：自家製曲奇小蛋糕

 

材料：

無鹽牛油                    50克

黑糖                            30克

低筋麵粉                    80克

粟粉                            10克

 

做法：

1.           先以170度預熱焗爐。

2.           牛油於室溫下軟化，用電動打蛋器以【糖油拌合法】加入黑糖一起打發至鬆發變白。

3.           將已篩過的麵粉及粟粉加入牛油中打勻成麵糰。

4.           將麵糰放在入爐墊上，用捍麵棍捍平後，用模具印出形狀後，將多餘的麵糰撕去。

5.           隨後放入焗爐以170度焗約15分鐘放涼便成。

小貼士：

l   市面售的黑糖有粉狀及固體狀，做糕點餅乾最好選購粉狀的較方便使用。

l   這款模具比較容易出現難起模現象，建議用少許高筋麵粉放在小碟上，印前將模具在麵粉上印虻數下，之後細力拍出多餘的麵粉，跟著才在麵糰上印出圖案。