椰奶小方 (內附食譜)

我成日都睇食譜，一見材料好似記憶中有食譜啱用就買左先，所以家中有好多食材。

今日入廚房見到有罐椰漿，本來諗住再整〝椰香馬芬蛋糕〞比老公，因為有椰漿粉剩想用埋佢。

不過，我成日都懶，拖左好耐都冇整，所以好多時都擺到過期要掉。

今日唔想開焗爐，就整個甜品比老公食。

上次〝椰奶雪花糕〞老公話有點漿口，今次我自己寫食譜，希望椰味濃和冇咁漿口。

椰奶小方

材料：

鮮奶                            100克

粟粉                            35克

砂糖                            35克

椰奶 (快達牌)           165毫升

椰絲                            適量

做法：

1.          器皿抺上一層油，底部撒上椰絲。

2.          粟粉用50克鮮奶攪至沒粉粒，備用。

3.          用小火煮椰奶+鮮奶50克+砂糖，煮至糖8-9成溶。

4.          加入粟粉奶要不停攪，攪至有阻力，關火。

5.          可以用手動打蛋器或膠刮手攪。

6.          離火繼續攪，攪至提起立即跌下，然後膠刮上呈倒三角。

7.          放入雪櫃冷藏4小時或至凝固。

8.          取出切件，然後沾上椰絲。

9.          放回雪櫃冷藏，可隨時取出品嚐。