下星期三是阿媽舊歷生日，所以今日就在娘家攪個邊爐生日會先。
今年我已經係第3年訂壽包，今次係長洲的「郭錦記」訂。
我訂左個〝籠仔壽桃包中包套裝(大)〞，係有埋個蒸籠，而且有細和大的size，若唔想要蒸籠的話就不要訂套裝唷！
我問過蒸籠大size是35cm，而細的是30cm。
我訂的是大，但見放唔晒啲包，所以就度下，籠內直徑是30cm，而外直徑是33cm。
問左客服，回覆是沒有送錯貨。
不用擔心，唔駛去長洲取貨，佢地係有送到府上的服務。
我約左下午1400 - 1630送貨，問左娘家得阿媽在家，所以要阿媽收貨。
點知約1點就收到娣婦What's app已收貨了，好在這段時間她在家。
我都明，因為運輸排單，順住去送貨，早送好過遲。
忘記左味道，肥細佬話唔好食，但我同老公覺得同街外酒樓的一樣，而小王子就好鍾意食。
我拆開左個包裝。
然後擺入蒸籠內，但仲有3個壽包放唔落。
你要將個大壽包分開蒸，除左籠蓋唔到之餘，娘家個鑊亦都冚唔落。
我以為大壽包內有壽包仔，但原來大壽包係個殼，蒸完再冚返上面。
好貼心會幫你寫埋張卡，仲會問你要想寫什麼，但我冇意見，由他們發揮吧！
我一早想整燒肉，因為我和老公都鍾意食，可惜覺得好多工序，一直不敢試。
直至有一次見到肥媽教整個簡易版，不過都係拖到今日先整。
今日拎支鬆肉針出來，睇下包全佢將報紙係2008年，原來我買左咁多年，係萬記買的。
兩父子都鍾意食，而且底部唔鹹。
老公仲話有醃料既肉好似泰國既鹹肉添啵！
製作過程：
簡易燒肉
食譜來自：https://www.youtube.com/watch?v=rmBT6oTyVIY
材料：
五花腩 適量
鹽 適量
白醋 適量
醃料：
五香粉 1 1/2茶匙
胡椒粉 1茶匙
鹽 1 1/2茶匙
做法：
1.
鍋內加入水，放入五花腩皮向下。
2.
水滾後，烚10分鐘。
l 只烚皮就可以。
l 如肉脹起可以用壓上物件。
3.
用竹籤在皮邊的表面剌洞，皮的其他地方可用竹籤、叉或鬆肉針剌洞。
l 剌洞越見皮越脆。
4.
用廚房紙吸去表面的水份。
5.
皮表面掃上白醋，塗上鹽，用廚房紙吸去表面的水份。
l 鹽可以令到表面出水。
6.
用風筒的凍風將表皮吹乾。
7.
將五花腩反轉皮向下，用刀將肉切開，但不要將豬皮切斷。
l 用廚房紙吸乾五花腩。
五花腩的隙縫、四邊和底部均勻塗上醃料，放入錫紙兜內。
l 皮千萬不要沾上醃料。
l 錫紙兜可自行用錫紙摺。
8.
皮掃上白醋，再用廚房紙抺乾，重覆此動作一次。
l 掃白醋目的是清理剛才表皮沾到的醃料。
9.
放入氣炸鍋，用200度，炸30分鐘。
10.
取出，將錫紙兜取走。
11. 放入氣炸鍋，用200度，炸15分鐘，即成。
貼士：
Ø 焗爐用200-220度，焗30分鐘後，取走錫紙，再入爐，睇到皮脆就可以。
終於等到學校親子旅行喇！
今日係小學雞生涯第一次親子旅行，亦是最後一次，因為4年班家長就冇得參與了。
今次3年班去沙田中央公園，不過，一切不似預期。
學生上午8:10前回校，而家長上午8:45前到校，可惜3年班係全校最後出發。
我地成10點先出發，上到車沒有遊戲玩，而且老師話11點半就要集合回程了，咁即係今日遊車河唷！
一到達目的地，我地班就要玩集體活動，其他班就已解散自由活動了。
玩集體遊戲前與同班同學仔影張相先。
我地玩到約10:45分先解散自己活動，然後立即搵返同學仔玩。
幾經辛苦先集齊佢地影張相。
學校話唔建議除口罩食野，但我地去左個少人的地方偷偷地食，因為大家都有點餓。
3個小朋友由幼稚園已一齊讀，雖然而家唔同班，希望可以keep住。
一早約好lunch一齊去飲茶，見到小朋友們食得好開心。
我地仲約左今晚一齊落街玩，仲要唔食飯，每人整少少野食一齊食。
近日，日日都煮飯，諗餸頭都爆。
星期日，摷食譜書，被我摷到這本書。
本書我買左好耐，但一直都冇跟住整過。
原本星期日整，但要解凍，所以我今晚先整。
我地一家三口都好滿意，隻雞$22，再炒埋個菜，平平地又一餐囉！
我post左上Facebook和IG，有好多朋友都話以為我燒燶雞。
我本想鋪錫紙，但用氣炸會吸左上發熱線。
表皮有啲地方係燶左，但肉沒有燶，下次調低啲溫度。
整作過程：
鼠尾草檸檬烤雞 Honey-Lemon Roasted Spring Chicken with Sage
食譜來自：祖堯廚房 Joey’s Kitchen
材料：
春雞 1隻
檸檬 1個
海鹽 1茶匙
蜜糖 2湯匙
鼠尾草 少量
橄欖油 少量
做法：
1.
把雪藏春雞在自來水下沖洗10分鐘以解凍。
2.
檸檬磨出外層黃色的檸檬皮，榨出檸檬汁，然後把檸檬汁塗在雞的表面，並鋪上檸檬皮。
3.
鼠尾草摘下葉子，切幼絲，灑在春雞上。
4.
以海鹽和橄欖油抺在春雞的表皮和雞腔，再掃少許蜜糖，醃30分鐘。
5.
把春雞放進氣炸鍋，以攝氏175度煮30分鐘，取出掃上蜜糖，再以攝氏180度煮5分鐘。
6.
吃時再榨出一點檸檬汁，即成。
l 如果味道不夠鹹可加海鹽調味。
祖堯小貼士：
l 春雞多數是在超級市場購買的急凍品，煮前可用大碗載着，用水枉約筷子般幼的自來水沖洗5-10分鐘，就可以解凍，而且同時去掉雪味。
l 新鮮鼠尾草雖然香味很濃，但不能加太多，因為會有一種苦澀味的。
今日又想整野食來打發時間，我就從形珍藏多年食譜中找到它。
拎出來用囉！做法簡單，好快就完成。
切完去影相，但忍唔住食左2件，覺得甜左啲。
打包幾件一陣接放學時，請同學仔媽咪們吃。
我一返到家就收到訊息，大家都喜歡，而且佢地唔覺得甜。
製作過程：
黑糖糕
食譜來自：https://icook.tw/recipes/235590
材料：
樸活黑糖 150克
蜂蜜 40克
水 65克
中筋麵粉 130克
糯米粉 35克
泡打粉 7克
小蘇打粉 3克
牛奶 100克
白芝麻 少許
做法：
1.
空鍋，加入黑糖、蜂蜜、水，小火熬煮溶化。
2.
（粉類先過篩）空盆，加入中筋麵粉、糯米粉、泡打粉、小蘇打粉、冷卻的黑糖蜜及牛奶拌勻成無顆粒狀的麵糊。
3.
蓋上保鮮膜，室溫靜置20分鐘。
4.
麵糊倒入烤模，中大火蒸30分鐘。
5. 完成後取出，撒上白芝麻，熱呼呼的香甜又好吃。
星期二整過〝椰汁馬蹄糕〞 ，但覺得唔夠椰汁味。
今次唔用〝快達牌〞，轉左〝Kara椰漿〞。
原本想改一改個食譜，但〝Kara椰漿〞真係杰好多，所以都係只轉漿汁算。
上次覺得每層厚左啲，所以今次就薄少少。
小王子：好食，但都係唔夠同學仔媽咪好，都係因為甜啲和實啲囉！
老公：椰味重左，甜味食到落去就冇左，佢話椰味和甜味都可以濃些。
製作過程：
黑糖椰汁馬蹄糕
食譜來自：https://www.youtube.com/watch?v=KH02wMCrYIo
黃色生漿材料：
馬蹄粉 1/2杯
清水 2杯
黑糖 1/4杯
白色生漿材料：
馬蹄粉 1/2杯
清水 1杯
白糖 1/4杯
椰汁 1杯
黃色生漿做法：
1. 馬蹄粉1/2杯，加1杯清水，把馬蹄粉攪融化。
2. 融化後過篩，把沒融化的馬蹄粉過濾出來。
3. 鍋里加1杯清水，半杯紅糖，水開後關火，取一勺馬蹄粉生漿放進去。
4. 熬到粘稠後倒回馬蹄粉生漿裡，攪拌均勻，這樣，黃色生漿就做好了。
白色生漿做法：
1.
馬蹄粉1/2杯，1杯清水，攪勻。
l 如果前面過篩有顆粒，這裡還需要過篩
2.
鍋里加1杯椰汁，半杯白糖，把白糖融化，水開後也是關火。
3.
取一勺馬蹄粉生漿放進去。
4. 熬到粘稠倒回馬蹄粉生漿裡，攪勻就可以了。
組合：
1.
這樣，黃色生漿和白色生漿都做好了。
2.
蒸鍋裡放上方形容器，取一勺黃色生漿鋪在底部，蓋蓋中火煮到水開後再煮4分鐘。
3.
時間到了後，鋪一層白色生漿，蓋蓋中火再煮4分鐘 。
4.
就這樣，一層黃色一層白色，每加一次中火煮4分鐘，直到把所有生漿做完 。
5. 最後一次中火煮10分鐘，蒸好後出鍋冷涼，脫模，再切成小塊就行了。
