香煎牛肉薯餅 (內附食譜)

上個星期日提早慶祝阿媽生日，而今日就提早慶祝娣婦生日煮幾味。 

我對煮什麼毫無頭緒，最後就諗到不如整個健康食品，就翻開營養師的食譜書。

於是我選擇了幾個餸。

我整這個的時間沒有看清楚食譜，所以唔知點解煎左幾塊發現粉漿水汪汪的。

我諗應該薯仔要隔水的，然後再耐心睇一遍，果賒是刨薯仔後要隔水，我就是做漏這步驟。

咁我就立即隔水再煎，因為撈好味先隔水，所以味就會淡啲。

香煎牛肉薯餅

食譜來自：營養師的500卡滋味廚房

材料：357千卡

牛肉                       80克

薯仔 (大)              1個

芫茜                       1棵

雞蛋                       1隻

油                           1茶匙

胡椒粉                   1/3茶匙

鹽                           1茶匙

麵粉                       1湯匙

做法：

1.         牛肉洗淨，瀝乾，剁碎。

2.         薯仔去皮，洗淨，瀝乾，刨絲。

3.         芫茜洗淨，切去根部，切碎。

4.         將雞蛋拌勻後，下牛肉碎、薯仔絲、芫茜碎、胡椒粉、鹽和麵粉，拌勻成薯餅漿。

5.         燒熱易潔鑊，下油，放2湯匙薯餅漿在鑊中，煎至金黃色反轉，壓平，再煎另一面至金黃色，上碟，重複煎薯餅至完成所有薯餅漿，上碟，即成。可伴以檸檬汁或黑醋進食。

小貼士：

l   想薯餅添口感，可將薯仔切條，但煎薯餅之時間會較長，所以要將火力較小一點。