蟲草花無花果雪耳湯 (內附食譜)

我見老公未病好，仲有咳，所以前排係樓上買左雪耳諗住煲糖水比兩父子潤下。

不過，天氣太凍令我唔想郁，加上我自己懶惰，遲遲都未整。

有一日，老公見到雪耳就問唔係煲湯咩？咁我尋日就的起心煲湯。

今日lunch時我飲左一碗，比尋日甜好多。

蟲草花一向都冇食，今次食左一條試下，口感好似菇類，都幾好味。

製作過程：

• 煲湯我喜歡用西施骨，因為有軟骨，就買左431克。
• 西施骨汆水沒有加米酒。
• 我怕唔夠甜，落左2粒蜜棗。

蟲草花無花果雪耳湯

食譜來自：https://www.hk01.com/%E6%95%99%E7%85%AE/815583/%E7%A7%8B%E5%A4%A9%E6%B9%AF%E6%B0%B4%E9%A3%9F%E8%AD%9C-%E8%9F%B2%E8%8D%89%E8%8A%B1%E7%84%A1%E8%8A%B1%E6%9E%9C%E9%9B%AA%E8%80%B3%E6%B9%AF%E6%BD%A4%E8%82%BA%E6%AD%A2%E5%92%B3%E4%BA%BA%E4%BA%BA%E5%95%B1-10%E9%A3%9F%E7%89%A9%E9%98%B2%E7%A7%8B%E7%87%A5

材料：(4人份量)

蟲草花              1兩 (38克)

雪耳                  1個 (23克)

無花果              6粒 (73克)

粟米                  1條

南北杏              1兩 (38克)

瘦肉                  300克

水                      3公升

鹽                     適量

米酒                  適量

 做法：

1.     雪耳浸發至軟身，剪去黃色蒂頭撕成細件。

2.     蟲草花浸水10分鐘；無花果及南北杏洗淨；粟米洗淨切件。

3.     瘦肉冷水下鍋汆水盛起，其間可加少許酒辟腥。

4.     所有材料連水下鍋，大火煲滾後轉小火煲1.5小時，加鹽調味即成。

 不失敗秘訣：

l  可保留浸泡蟲草花的水，加入一同煲煮，令湯水更香。

檸檬輕芝士蛋糕 (內附食譜)

今日回娘家食團年飯，我就冇做煮持，只是整左個蛋糕。

下個月是肥仔佬生日，但今年新年肥阿哥又不在香港過年，所以尋日就整左個蛋糕。

肥仔佬常常話我之前整過檸檬芝士蛋糕好好食，但我又冇印象，所以我就上小紅書搵下。

娣婦話這個蛋糕好食，而老公話喜歡這蛋糕的質感。

肥細佬和阿B都有添食。

下次都係全程放中下層焗，而家焗到好似巴斯克咁。

製作過程：

• 我用左焦糖餅做餅底，因為沒有消化餅。
• 我見頭20幾分鐘蛋糕表面沒有變動，就由中下層移上去中層。
• 轉左150度之後餘下幾分鐘突然好上色，見餘下時間不多就冇蓋錫紙。

檸檬輕芝士蛋糕

食譜來自：https://www.xiaohongshu.com/explore/661fbd2e000000000401a95a?xsec_token=ABUoYa-CIZ0XJytSKoNNrLQM1NKt59ARCZMzrRRXV0FdE=&xsec_source=pc_collect

餅底材料：

消化餅                   80克

無鹽黃油 (融化)  40克

餅底做法：

1.     消化餅放入密封袋內擀碎，倒進小碗內。

2.     加入融化黃油攪拌均勻，倒進模具。

3.     用杯底壓平壓緊，冷藏備用。

芝士蛋糕體材料：

奶油乳酪               200克

糖粉                       55克

常溫雞蛋               2顆

淡奶油                   280克（150克和130克分開）

檸檬汁                   25克（10克和15克分開）

檸檬皮屑               1個

玉米澱粉               8克

做法：

1.     準備25克檸檬汁。

2.     蛋糕模鋪內烘焙紙。

3.     淡奶油150克加入檸檬汁10克，混合攪拌均勻，冷藏備用。

4.     奶油奶酪加入細砂糖攪拌均勻。

5.     分次加入2顆雞蛋，每次攪拌均勻才加餘下的雞蛋。

6.     加入酸奶油，攪拌均勻。

7.     加入淡奶油130克，攪拌均勻。

8.     加入檸檬汁15克、檸檬皮屑，攪拌均勻。

9.     篩入玉米澱粉，攪拌均勻。

10.  倒進模具內。

11.  用水浴法焗，烤盤注入水。

12.  180℃烤35分鐘。

13.  150℃烤30分鐘。

14.  200℃烤5分鐘。

15.  出爐後放涼，再放冰箱冷藏過夜。

貼士：

l   每加一種材料後都要充分攪拌均勻。

l   自製優酪乳油材料是淡奶油150g+檸檬汁10g，這個比例可以記下來，萬用配方。

l   最後5分鐘的烘烤，一定要密切留意蛋糕上色情況。

生巧克力巴斯克蛋糕 (內附食譜)

今個月是肥阿哥對孖仔生日，所以今日回娘家又攪大食會。

細孖想食北海道芝士蛋糕，但我搵唔返個食譜，唯有整其他。

我見上個月娣婦生日整左〝巧克力脆皮慕絲〞，細孖喜歡朱古力蛋糕，仲食左2件，就搵朱古力蛋糕食譜。

這個蛋糕與小紅書的有出入，我的巴斯克比她流好多，雪完切開中間就塌。

表面朱古力漿會瀉下來，好在沒有跟片整裝飾，唔係就大鑊了。

蛋糕勁甜，細孖食左少少就唔食，而大孖切左細件比佢，所以食晒。

不過，出奇地肥細佬好鍾意食，剩返一件佢包底。

製作過程：

• 我諗住懶整完巴斯克漿唔過篩，但見朱古力仲有啲未溶就過篩。
• 巴斯克焗完表面凝固了，但中間仍然很動盪，冇再焗雪過應該會實啲。
• 表面層朱古力沒有加入朗姆酒。
• 脫模時表面的朱古力漿瀉下來，與片中的不同，所以脫模有點難。

生巧巧克力巴斯克蛋糕

食譜來自：https://www.xiaohongshu.com/explore/66cf0a20000000001f016ba8?xsec_token=ABkKcMnKpctW180Ywjz5zIgFnHnLKqoGXYqXXGesu0Jn0=&xsec_source=pc_collect

巴斯克材料：6吋

奶油乳酪 (常溫)       200克

糖                               60克

法國奶油                   200克

全蛋 (常溫)               3顆

玉米澱粉                   5g

巧克力溶液               100g

生巧克力材料：

巧克力                       150g

法國奶油                   140g

朗姆酒                       適量

巴斯克做法：

1.         奶油乳酪、糖、淡奶油打至順滑。

2.         加入蛋，用手動打蛋器攪勻。

3.         篩入玉米澱粉，用手動打蛋器攪勻。

4.         巧克力用微波爐叮幾秒攪拌融化，加入奶酪糊一起混合均勻。

5.         過篩倒入模具中。

6.         用210度，焗18分鐘，取出放涼。

生巧克力做法：

1.         淡奶油座熱，加入巧克力中，再加入朗姆酒攪勻。

組合：

1.         將生巧克力倒入巴斯克表面冷藏過夜，脫模，切件。

冰糖熱梨 (內附食譜)

之前都有提過上個月中我與老公都病左，我都好返，現在老公還未好。

我又見小王子前幾日病去睇醫生，所以上網搵燉雪梨食譜。

上星期五，我在小紅書搵到冰糖熱梨，只需要買雪梨，於是就煲比兩父子潤下。

當日老公放工又再去睇醫生，醫生見佢咳左咁耐，而且咳到痛，怕佢爆肺，所以寫紙去急症室。

老公回家放下東西，再飲埋杯冰糖熱梨，然後去急症，老公屬緊急，前後一小時就回來，因為醫生話寫嚴重少少看看能否快一點。

老公話飲左冰糖熱梨好啲，舒服啲。

星期一，早上老公咳到胸口痛，再次到急症室。

今次要留係急症室的觀察病房，抽左好多野去驗，到旁晚才回家，但全部報告都未有。

星期三，我收到醫院的電話，姑娘話老公中左甲型流感。

我由上星期五每日都煲冰糖熱梨，希望滋潤他們，因天氣太乾。

急症室醫生話老公本身病，呼吸道乾，好易會感染。

製作過程：

• 我的紅棗細粒，所以我放左6粒。
• 冰糖用了12克，15克太甜。

冰糖熱梨

食譜來自： https://www.xiaohongshu.com/discovery/item/65545bbb000000000f02970e?source=webshare&xhsshare=pc_web&xsec_token=ABj354kL4a0Zy6UArU4i2RYDM_atHDvMvSABKhXCUkOAE=&xsec_source=pc_share

材料：

雪梨                 1個

紅棗                5顆

水                    500毫升

枸杞                 10克

冰糖                 15克 (吃的甜的就多放)

做法：

1.         紅棗去核。

2.         梨子切成塊。

3.         將全部材料加入鍋中，再加入500毫升水。

4.         大火煮15分鐘，煮好後關火燜5分鐘。

抺茶巴斯克蛋糕 Matcha Basque Burnt Cheesecake (內附食譜)

蛋糕本來是慶祝拍拖周年紀念，可惜尋日我太懶傍晚先整蛋糕，攪到今日先有得食。

尋日蛋糕出爐，小王子仲話點解個面黑晒？我話既巴斯克係咁的。

這個蛋糕兩父子都好喜歡，小王子仲用來做早餐。

蛋糕好順，中間是半熟。

這次蛋糕是用新買的蒸焗爐來焗，出來的效果不錯。

製作過程：

• 我用的是約4.5吋的蛋糕模。

抹茶巴斯克蛋糕 Matcha Basque Burnt Cheesecake

食譜來自：https://www.youtube.com/watch?v=ugFRuqZnLWY

材料：(（直徑12cm圓型模具一個）

奶油起司（cream cheese）        160克

抹茶粉                                       8克（約4茶匙）

玉米粉                                       3克（約一茶匙）

白砂糖                                       55克

雞蛋                                           2隻

忌廉（鮮奶油）                          160克

做法：

1.        模具鋪上烘焙紙備用。

2.        抹茶粉+玉米粉撈勻。

3.        將(2)加入白砂糖中撈勻。

4.        雞蛋用筷子打勻。

5.        奶油起司隔熱水整軟，然後取出用刮刀整順滑。

6.        加入(3)用刮刀拌勻。

7.        分次加入蛋液用蛋拂攪勻。

8.        粉漿過篩，然後倒入模具，再櫈幾下。

9.        用230度，焗20-25分鐘。