碗仔翅 (內附食譜)

前幾日問老公最鍾意食我整既咩野，原來係〝碗仔翅〞是也，我都好耐冇整，等我得閒又下先，佢係出面返工咁辛苦，係咪好sweet sweet呢 ！  

碗仔翅係我朋友教我整，我識整之後覺得出面一碗好貴，但如果好食都值得既。

碗仔翅

材料： 

瘦肉                                   適量

雞蛋                                     1隻

薑                                         1片

冬菇 (浸透切絲)          適量

木耳 (切絲)                         適量

粉絲 (浸透切段)                 一包 (小)

水                                        適量

調味： 

老抽                                     適量

雞粉                                     2茶匙

胡椒粉                                 少許

麻油                                     少許

芡汁 ： 

生粉                                     適量

水                                         適量

做法： 

1.       瘦肉飛水過冷河，再置煲中以4杯水煮30分鐘，取出待凍拆絲，湯水留用。 

2.       將湯水倒下煲內，再加水，滾後加入材料，蛋&粉絲除外，再加調味打芡。 

3.       最後將蛋打散及粉絲，放入煲內，滾起即成。 

備註： 

l   我一向都係用生粉打茨，但要用好多先會稠濃，同埋攪得多會好易變水，我估用馬蹄粉會好好多，但馬蹄粉就貴好多。

荔枝味棉花糖 (內附姚譜)

我自小就鍾意食棉花糖，但今次整左荔枝味棉花糖，朋友話酸，而我&肥仔就接受得到，因為我地3兄弟姊妹都好食得酸&咸，而我仲食得辣添。

荔枝味棉花糖  

材料： 

蛋白                            3隻

幼糖 (Caster Sugar)    3茶匙

飲用水                               半杯

熱水                                  半杯

魚膠粉                               五茶匙

荔枝味啫喱粉                   1包

椰絲                                   適量

製法 ：

1.                        將蛋白打至企身，待用。 

2.                        荔枝口味啫喱粉﹑魚膠粉﹑糖﹑半杯熱水攪勻，再加半杯飲用水。攪勻後，加入蛋白拌勻，再用打蛋器打至企身。 

3.                        將溶液倒在盆器中，放在雪櫃，食時取出切塊，洒上椰絲即成。

自家製豬肉鬆 (內附食譜)

 

自家製豬肉鬆  

材料：

豬肉                200克 

砂糖               2湯匙

咖喱粉                  1湯匙

老抽                         2/3湯匙

鹽                               半茶匙

紫菜                           適量 (可省略)

做法：

1.         豬肉可以用煲湯剩下的豬肉，先把它撕成小塊。

l   如果沒有煲湯豬肉，可以先把豬肉汞水(稍煮5分鐘)，取出,然後煲2小時，待涼,撕成小塊即可。

2.         用白鑊慢火炒豬肉，加入咖喱粉、老抽、砂糖及鹽炒勻，一邊炒，一邊可以把已炒開的豬肉再撕細(可隨意調味) 

3.         當見豬肉漸捲起來，可再慢慢炒至如市面賣的模樣,最後加入紫菜，放入密封的盒內存放。

4.         注意火太大會令豬肉變硬,要用慢火不斷慢慢攪動，而每一塊豬肉都要保持翻動，豬肉撕得愈細,出來的效果愈好。

後記：  大家唔好落咁多咖哩粉，太多會有苦味。

Pizza ：芝士磨菇火腿煙肉 (內附食譜)

果次睇本書見到個Pizza 就想食，所以決定星期六整，終於等到喇！ 

嘩！熱辣辣既Pizza出爐喇！個Pizza好好味，焗既時候好香，但料多左d，如果料少d就好食d，而且係切既時候料又唔會趺出黎，下次我唔會咁貪心，平時食Pizza成日覺得d料咁少，但而家知點解lu。

 

薄餅 (Pizza)

食譜來自：專業麵包製作    

材料：(約2個8吋圓形) 

高筋麵粉                 70克 

低筋麵粉                 130克 

鹽                         3克 

砂糖                                   3克 

牛油                              20克 

依士                          4克 

溫水                             110克 

他材料：  煙肉、火腿、粟米粒、菠蘿、磨菇、芝士碎等 

茄醬：請參閱「醬料」 

麵糰做法： 

1)     依士與溫水拌勻。 

2)     其他材料同放盆內，之後加入依士水，再用手將所有材料攪勻。 

3)     將麵糰倒出放在桌上，用手推開麵糰。 

4)     將麵糰對摺(令麵糰產生筋性)或用力敲摔麵糰。 

5)     再對摺至有筋性及不黏手。 

6)     測試麵糰：搓至麵糰表面光滑，用手拉開時成薄膜狀即大功告成。 

7)     盆內塗上一層薄固體菜油或溶牛油。 

8)     將已搓滑的麵糰放入盆內，蓋上保鮮紙(以防表面乾硬)。 

9)     將整盆麵糰放入另一個注入30  ℃-40℃溫水的盆內，發酵後的麵糰約成原來的2.5-3倍大。

10)  手指測試法：把手指插入根粉中，再將手指慢慢插入已發大的麵糰中，然後取起手指。 

11)  若手指離開後麵糰仍留有手指形空隙，即表示第一次發酵完成。 

12)  將麵糰拍扁拉闊，約8吋圓形大。 

13)  放在已掃油的焗盆上，塗上茄醬，蓋上保鮮紙作最後發酵，約30分鐘。 

14)  放上肉類，再放上蔬菜類。 

15)  最後撤上芝士碎，放入預熱230℃焗爐，約焗15-20分鐘。 

後記： 

l   用煙肉的話，就要炒一炒，因為焗既時候會出油，會令Pizza好水汪汪。 

l   我放中層用240℃焗12分鐘，再放上層用230℃焗3分鐘。

饅頭 (內附食譜)

參考左好多整饅頭食譜，我箱得呢個食齰最簡單和易做，味道又唔錯，每次我都忘記做最後發酵1小時的步驟，但出來的製成品都係好好味   。  

饅頭   

材料： 

麵粉                1斤 (604.8克)   

糖                    3兩 (113.4克)   

依士粉            1錢半 (6克)   

泡打粉            2錢 (8克)   

水                    6-7兩 (226.8克-264.6克)   

做法：   

1.       將已篩之面粉加入其他材料搓成麵糰後，放入膠袋內每隔15分鐘拿出來反搓，約2-3次後麵糰搓至軟滑後切成小件。   

2.       於蒸籠內用布蓋面再發酵約1小時，最後發酵完成，蒸5-8分鐘 (視乎大小而論)。

Pizza ：磨菇火腿煙肉Pizza、 吞拿魚磨菇 Pizza

吞拿魚磨菇 Pizza   

磨菇火腿煙肉Pizza

   

 

2個Pizza做法一樣，係餡料唔同，我覺得餡料係隨個人喜好既，吞拿魚磨菇 Pizza我用左千島醬，因為肥仔(我細老)鍾意用千島醬，2款Pizza係專登約星期日朝早整黎去我哥屋企聚會，仲有2個磅蛋糕添，當日佢地都覺得吞拿魚磨菇 Pizza好食過磨菇火腿煙肉Pizza，所以我都好開心！