擠花曲奇 Piped Cookies (內附食譜)

今日年三十晚，公司下午收爐，我又可以回家整下野。

尋日整左老婆餅，因為有同事向我訂貨，我係掃面的蛋液中留起左少少蛋白預備整這款曲奇。

我見條片好似係用12齒唧花咀，我用左三能SN7093 (8齒)的唧咀。

我用馬卡龍焗盤，咁樣曲奇就可以差唔多大細，大約整到28塊。

老公讚呢個好食，有好香牛油味，佢好少讚架！

𝒫𝒾𝓅𝑒𝒹 𝒸𝑜𝑜𝓀𝒾𝑒𝓈 擠花曲奇

食譜來自：https://www.youtube.com/watch?v=KjXBGkIr2lk

材料：17塊 

牛油                     140克

糖粉                     56克

蛋白                     15克

低筋麵粉           170克

鹽                          1克

做法：

1.       牛油、糖粉混合。

2.       加入蛋白混合。

3.       加入低筋麵粉、鹽混合。

4.       用風筒吹鋼盆。(令麵糰軟身點)

5.       將12齒唧咀加入唧花袋中，然後加入麵糊。

6.       唧出圓型花紋，然後冷藏15分鐘。

7.       用185度，放中下層焗約18分鐘。           

日式炸雞丼飯 /Japanese Fried Chicken Donburi / とりの唐揚げ丼 (內附食譜)

前日整〝咖哩風味親子丼飯/ Curry Oyako don/カレー風味の親子丼〞用剩左雞扒，今日就用埋佢。

小王子話想食炸雞，我搵到Masa老師有個〝日式炸雞丼飯〞，放工接小王子回家立即開工。

真係話咁快又完成，老公回到家一陣就食得。

今次我就冇食，因為而家我轉左平日我斷食，兩父子都讚好食。

我地唔食高麗菜，都係用來裝飾，所以慳返冇買到。

日式炸雞丼飯 /Japanese Fried Chicken Donburi / とりの唐揚げ丼

食譜來自：https://www.youtube.com/watch?v=rJTbdWgWBn4

材料：1人份

雞腿肉                     1片

高筋麵粉                1大匙 (咬勁口感)

太白粉                     1大匙 (輕酥口感)

檸檬片                     1個

白飯                          1碗

高麗菜                     3~4張

鹽                               1小撮

唐揚丼飯醬材料：

清酒                          2大匙

醬油                          2大匙

薑泥                          1/2小匙

蒜頭泥                     1/2小匙

味淋                          2大匙

做法：

1.       雞腿肉切成一口大小。

2.       薑泥、蒜頭泥、清酒、醬油撈勻。

3.       用1湯匙唐揚丼飯醬醃雞肉、鹽撈勻，醃大約10分鐘。

• ·         醃肉沒有加味淋或糖，因為煎既時候好易焦掉。

4.       味淋加入唐揚丼飯醬中攪勻。

5.       洗好的高麗菜切成容易處理的大小，疊起來切絲，泡水。

• ·         逆紋(葉胍切斷的方向)切口感比較好。
• ·         如不習慣切的牞作，高麗菜不要疊太高。
• ·         泡水過的生菜變成更輕脆，但也要預防流出營養，不用泡太久。

6.       表面放一張濕的紗布或紙巾，放入冷藏庫。

7.       高筋麵粉、太白粉倒入盤內，均勻混合。

8.       放入雞肉，將2邊都均等沾粉，拍去多餘的粉。

9.       鍋中倒入大約1CM深的油，開小火。

10.   放入雞肉，等到下部變成淡金黃色，翻面，轉小火。

11.   繼續煎到下部妏成金黃色，再翻面一次繼續煎。

12.   煎到稍微深一點的金黃色，放鐵架去掉多餘油份。

13.   鍋子清乾淨，倒入醬汁，煮到濃縮。(喜歡的稠度)

·         製作醬汁時再補甜味。(味淋或糖)

14.   白飯淋上醬汁，放上菜，再放雞肉，檸檬片件碟。

蘿蔔糕 (內附食譜)

蘿蔔糕，我好鍾意食，所以小時候阿媽專登問人點整。

自始每年都會幫阿媽 刨蘿蔔，又會企係旁邊陪住阿媽。

我有好多年冇整蘿蔔糕，一來有左小王子冇時間又加上自己懶。

我唔知點解每次蒸糕都係撞正潮濕，成個廚房都濕晒滴水連廳都出水，老公要開冷氣。

今次冇加冬菇，阿媽話睇電視話落左擺得唔耐。

今年好在只係廚房牆出水，喉筒滴水。

我用廚師機刨蘿蔔絲，時間快好多，但炒左好耐，最花時係蒸。

每次只可以蒸2底，因為得2個爐頭，真係想有個蒸焗爐，但家中冇位。

我蒸左2底大、2底細，仲有3個迷你。

大的比老爺，另一底大和3個迷你就比阿媽，而細的我自己和肥阿哥。

今晚我和小王子送貨去娘家，因為要在娘家過夜。

明早阿爸上位，終於有個位了。

蘿蔔糕

材料：(圓形直徑19.9 x 5.4cm高~2底，六角型直徑17.5 x 6.5cm高~2底 )

白蘿蔔　　　　　　　  7斤

粘米粉                              1斤 (減1杯)

澄麵                                  1杯

配料：

臘腸                                  4條

臘肉                                  1條

蝦米　　　　　              1碗

調味料：

鹽                                      1/2茶匙

胡椒粉                              適量

薑                                      3片

片糖                                  1 1/3片

 

做法：

1.    臘肉、臘腸用水洗。

2.    煲滾水熄火，放下臘肉、臘腸浸5分鐘取出。

3.    切去臘肉皮和皮下脂肪，然後切粒。

4.    臘腸切粒。

5.    蝦米浸軟，然後稍微切碎。

6.    首先將粘米粉和澄麵混合。

7.    蘿蔔絲刨好，煮至軟身熄火，加鹽、片糖、胡椒粉、薑片。

8.    用臘肉皮下脂肪起鑊，炒臘肉粒盛起，備用。

9.    炒臘腸粒盛起，備用。

10. 炒蝦米炒香，盛起，備用。

11. 將蘿蔔水份倒入另一器皿內，分加入粘米粉和澄麵，順方向攪勻。

12. 配料加入蘿蔔絲內，攪勻，再慢慢加入漿水。

13. 再開火炒至不見多餘漿水。(不斷炒，不然會黏底)

14. 用器皿盛起，以大火蒸40-60分鐘。

貼士：

l  味道隨個人喜好，不一定要跟足。

l  臘腸和臘肉不要炒太耐，切粒後炒得耐會乾。

l  蘿蔔寒加薑可以驅寒。

咖哩風味親子丼飯/ Curry Oyako don/カレー風味の親子丼 (內附食譜)

今日真係好忙，好在Masa老師食譜快靚正，所以晚餐好快食得。

我煮左2份，但合埋一份上，因為真係冇時間。

好食，但有點辣，小王子好在都食到。

食完再努力洗野，然後要同小王子出門口了。

我地過娘家過夜，因為明天一早要起身，阿爸要上位。

 咖哩風味親子丼飯/ Curry Oyako don/カレー風味の親子丼

食譜來自：https://www.youtube.com/watch?v=FBzEwQnk8pE

材料：[1人份]

雞腿肉                        1片

洋蔥                             1/8個

咖哩粉                        1大匙

日式高湯                    80毫升

醬油                             20毫升

味淋                             20毫升

清酒                             20毫升

雞蛋                             2個

蔥花                             1小匙

白飯                             1碗

做法：

1.       鍋大小與碗的差不多。

2.       洋蔥切絲。

3.       雞腿肉切成小塊，一口大小。

4.       日式高湯、清酒、味淋、醬油攪勻。

5.       雞蛋不用打發，稍微打就可以。(見到有些蛋白，可以享受蛋白和蛋黃的不同口感)

6.       用中火，鍋中下油，雞皮向下放入鍋中煎。

7.       雞肉撥在鍋一邊，另一邊加入洋蔥煮，煮至半透明。

8.       雞肉側面變色就可以翻轉，然後與洋蔥撈勻，加入咖哩粉炒勻。(咖哩粉有爆香的效果)

9.       將調好的醬汁加入煮。

10.   一半的蛋液倒入鍋中，蓋上蓋。(中途打開將未熟的雞件稍為推開)

11.   大約2分鐘後打開蓋，用筷子將未熟的稍為推開。

12.   加入最後的蛋液，蛋液在筷子慢慢流下，均勻倒入鍋中。(不用蓋蓋)

13.   待蛋刑理想的熟度就可以熄火，倒內碗中。

14.   撒上蔥花，即成。