卡通牛油曲奇 Cartoon Butter Cookies (內附食譜)

終於，小王子叩門成功，所以做媽媽的我就送返小小心意比同學們。

這款曲奇我都整過了，不過換左新焗爐都係第一次。

舊焗爐跟足書的是沒問題，但估唔到新的真係要睇緊，不過都唔新都好似用左2年了。

第一盤出爐比較深色，試過味沒有燶味，但望上去好似燶左咁。

上次整〝糖霜造形曲奇 Sugar Cookies〞，因太耐冇整，所以冇曲奇模撲，所既時間有點走樣。

今次記得喇！睇下個個都好靚架！

希望收到的同學仔會鍾意！我分左每2塊一包。

卡通牛油曲奇 Cartoon Butter Cookies

 

食譜來自：自家製曲奇小蛋糕 

材料：(份量約15-20塊)

無鹽牛油                    60克

糖粉                            40克

全蛋                            25克

雲呢拿香油                1/4茶匙

低筋麵粉                    120克

高筋麵粉                    25克

 

做法：

1.           先以180度預熱焗爐。

2.           牛油於室溫下軟化，用電動打蛋器將牛油加入糖一起打發，打發至鬆發變白。

3.           蛋打散後分2-3次加入牛油中打勻，然後加入雲呢拿香油打勻。

4.           將已篩過的麵粉加入蛋糊中打勻，隨後用手拌成麵糰。

5.           將麵糰用保鮮紙包好，放入雪櫃冷藏一小時。

6.           取出打開後放上入爐墊以捍麵棍捍薄，再用卡通模具印出圖案，印滿整塊麵糰後將多餘部份撕去。

7.           原墊放上焗盤內並放入焗爐以180度焐約15-20分鐘便成。

 

小貼士：

·         如採用的模具花紋太多，很容易出現較難起模的現象，建議用少許高筋麵粉放在小碟上，印前將模具在麵粉上印數下，之後細力拍出多餘的麵粉，跟著才在麵糰上印出圖案。

KidzTech‧貓盧

今日早和午餐都在家吃，仲食埋生日蛋糕，而家開始要郁動下喇！

我係KidzTech book左比小王子去放電，佢一去到就勁開心。

KidzTech要係網上預約，2星期前先可以預約到。

疫情前就係銀行過數，而家疫情就到場先付款。

今日係假期，所以比平日貴啲，套票係1大小價，都可以加大人或小朋友，再加錢。

小王子都7歲了，佢會狂奔，而且粗魯，我常常怕佢整到其他小朋友，好在都冇。

KidzTech

地址：黃埔環海街11號海名軒5樓

電話：3168 6809

Facebook：https://www.facebook.com/kidztechhk/

佢好鍾意玩呢個吸波波玩意。

砌大大舊積木。

小王子唔踩入假草地，從小都不喜歡。

活力充沛，不停郁。

Sir下滑梯先。

小王子係玩呢啲積木都玩左好耐。

有另類滑梯，身高好似要110cm先可以玩，由上層滑到下層，都玩左幾次。

當然會場提供頭套和頭盔喇！

入場時每個小朋友有一個代弊夾公仔。

唔知點解小王子好鍾意呢款足球機，每次見到都必玩，可惜媽媽唔識玩，不過有爸爸係到。

我地提早15分鐘離場，因為怕夠鐘先走就好多人等Lift。

我地行去食晚飯的地方，去到仲有半小時先開門，就去對面商場行下，條街實在太熱了。

小王子喜歡貓，我就搵紅磡邊到有，搵到〝貓盧 The Cat Cottage〞。

這裡雖然冇貓，但用具係用貓的產品，牆上裝飾都係貓貓。

今次老公對食物好滿意，這個係最難得的。

貓盧 The Cat Cottage

Facebook：https://www.facebook.com/thecatcottagecafe/

Openrice：https://www.openrice.com/zh/hongkong/r-%E8%B2%93%E5%BB%AC-%E7%B4%85%E7%A3%A1-%E8%A5%BF%E5%BC%8F-r638695/reviews

香草煎雞扒定食

小王子order的，佢讚好食，意粉差不多食晒，而雞扒就食左1舊，雞扒唔係唔好食，而且佢唔多喜歡食肉。

老公話好食，但我覺得意粉有點油，不過都係好食既。可以配飯、意粉或薯菜。

日式咖哩吉列蝦定食

老公叫左這個，餸可以揀豬扒、蝦和蠔，揀左炸蝦。新鮮炸，粉漿薄~好食。

紅酒煮牛肋條定食

我揀左呢個，而且配薯條，因為我唔想食咁多澱粉質。

我覺得個牛有點鞋，反而老公讚，而且仲話有牛味，真係估佢唔到。

今年送給小王子的生日禮物，我一見到有伊貝就立即問老公，好少有依貝產品。

韓式摺疊紫菜包飯 (內附食譜)

今日小王子生日特別一點，整前排網紅既韓式摺疊紫菜包飯做lunch。

我整完小王子的〝忌廉蛋糕〞等老公起身就切蛋糕，然後動手整lunch。

真係超簡單和方便，其實材料你想加咩都可以，不過要記住不要有水份，唔係紫菜好快淋。

我和小王子都超讚，感覺幾得意，今次趕時間，下次親子一下。

老公就唔多喜歡，不過咁佢有咩係鍾意架！樣樣都話一般，連佢既同事都話佢醃尖。

我就係用這些材料，個包飯有加泡菜，整既時間想加就加左，所以冇影相。

韓式摺疊紫菜包飯

材料：

壽司紫菜               1塊

雞蛋                       1塊

泡菜                       適量

白飯                       適量

芝士片                   1塊

午餐肉                   1.5塊

燒牛肉片               1塊

大保鮮紙               一張

做法：

1.          雞蛋打散煎熟。

2.          餐肉煎香。

3.          枱上鋪一張大保鮮紙。

4.          放上壽司紫菜，在底部的中央開始向上剪，剪開到一半位置。

5.          右下放上芝士片。

6.          右上鋪上白飯，再放上泡菜。

7.          左上放上午餐肉。

8.          左下放上雞蛋。

9.          右下向上摺。

10.      右上向左摺。

11.      左下向上摺。

12.      再用保鮮紙包緊紫菜包飯，定型一陣。

13.      然後用利刀切開，即可享用。

忌廉蛋糕 (內附食譜)

今年小王子對他生日蛋糕的要求，是要有忌廉和啫喱，上星期再加多樣依貝。 

尋日整好曲奇和焗左個海綿蛋糕，今朝幫〝糖霜造形曲奇〞裝飾。

我偷懶用甜忌廉，咁就不用調味，然後用廚師機打發。

我人生中第3次抺cream，這方面一向都是我的弱項。

我係淘寶淘左個神器，但都幫唔到手，最後都係扉自己對手。

原本甜忌廉打得好靚，但因我笨手笨腳，cream室溫太耐睇下唔變得唔順滑。

老公讚個蛋糕底好食，我都覺得個蛋糕底好似外面麵包舖一樣。

我將蛋糕一開二，雖然用左神器幫手，這方面新手的我唔敢開三。

製作過程：

1. 將蛋糕切片後，將一片蛋糕，放上啫喱糖，再加cream，如是者整多層。
2. 將cream抺上蛋糕上，再整平表面，完成。

小王子要求多cream，cream成寸厚一定滿足到佢喇！

忌廉

甜忌廉                    400克

做法：

1. 將甜忌廉打至企身。

海綿蛋糕@全蛋打法

食譜來自：專業糕點製作

材料：6吋 (15CM)

蛋                                  2隻

砂糖                              40克

麵粉 (過篩)                 40克

牛油溶液                      15克

做法：

1.          蛋及砂糖隔熱水，用快速打發。

2.          打至泡沫幼密有黏性，蛋漿流下時留有痕跡。

3.          慢慢加入麵粉，用手動打蛋器拌勻。

4.          至無粉粒，再慢慢流入牛油液拌勻。

或

5.          蛋漿打起，用橡皮刮刀拌勻。

6.          至無粉粒，再慢慢流入牛油液拌勻。

7.          注入蛋糕圈內。

8.          放入預熱180度的焗爐內，焗約20-25分鐘。

9.          可用竹籤測試蛋糕是否熟透，如竹籤只黏上蛋糕碎及蛋糕邊有稍微縮小，即表示熟。

10.      將蛋糕取出，立即倒置在網架上，冷卻。

貼士：

l   如做朱古力海綿蛋糕，將麵粉與谷古粉篩勻。

l   綠茶海綿蛋糕，麵粉與綠茶粉篩勻，其他做法跟海綿蛋糕一樣。

糖霜造形曲奇 Sugar Cookies (內附食譜)

糖霜造形曲奇係結婚前付費學過一次，果次都教得好簡單。

點解簡單？因為同一堂阿Sir教幾個學生，仲要係每個人都學唔同既野，所以都冇咩學到。

我諗住學完到擺酒時做回禮小禮物，最後都係用我最拿手的老婆餅。

今次跟書整係為小至子的生日蛋糕做的，上星期佢係他的生日蛋糕上加多個要求，係要有依貝。

尋日已經將曲奇焗好，今日再加上糖霜。

我好在之前係淘寶買左啲曲奇模，曲奇模有埋成個樣，只加糖霜應該冇問題。

我真係諗得太簡單，實際做又另一會事，真係事與願為。

我只係整左少少就收手，怕越整越失敗到時冇得裝飾。

我個人覺得唧袋對糖霜曲奇好重要，之前淘寶專登買左透明三角形的膠片。

你只要卷成雪糕筒，再貼住開口就可以做唧袋，但係唔知點解我唔剪糖霜都自動流出。

我諗可能係我唔識用，我真係想掉晒佢，但仲有好多，每次用它都好激氣。

曲奇比想像中好食，因為通常呢啲餅唔好。

製作過程：

• 唧袋個咀不要剪得大得，我因剪大左，所以好難做到細緻野。
• 唧袋要卷得好好，唔係糖霜就會自動流出。
• 糖霜可能我打得唔夠稠身，所以唧落去時又有點化開。
• 記得曲奇模沾少少低筋麵粉，張多餘的拍出來，才印模，唔係就有點黏就不美。

糖霜造形曲奇 Sugar Cookies

食譜來自：星級私房曲奇

曲奇材料：30塊

無鹽牛油                             75克

幼砂糖                                 80克

全蛋                                     45克

高筋麵粉 (過篩)                 32克

低筋麵粉 (過篩)                 130克

曲奇做法：

1.          將牛油以電動打蛋器打發至微白。

2.          分次加入幼砂糖以電動打蛋器打勻。

3.          蛋黃分兩次加入打勻。

4.          粉類分數次加入，並輕輕用膠刮刀拌勻，用保鮮紙包裹置於雪櫃約一小時備用。

5.          將麵糰取出並壓平至4毫米，用模具壓出曲奇。

6.          用上火155度下火150度或用上下火155度，焗約13-15分鐘。

糖霜材料：

蛋白                                     1份

糖霜 (過篩)                         5份

食用色素                             少許

糖霜做法：

1.          先將糖霜過篩，將糖霜分數次加入蛋白中拌勻至稠身。

2.          加入食用水素調至理想的顏色。

3.          平均將糖霜塗於餅上掃平，然後風乾約半小時即可做裝飾。